SUNDA 12:7 - Boy Lonana

⁷ Gola, ni sa sunda huulona ki coli hu zi ma daŋgayna lina li ki usi na kiɗik kiɗik gaw. Sa sunda huulona dutl pay Piyer dutlni dam ana, «Col kolo zak.» Gali ma ay kom njunina cuk ki kaŋga na cikib gaw.

SUNDA 12:7 ပူးပေါင်းရင်းမြစ်များ

SUNDA 5:19

Duk njeŋgera wanni sa sunda huulona vi Bu Suuna mba mal vun zira daŋgayna ki malni cuk suu vovoɗta kiyo dasi ana,

SUNDA 16:26

Asi gol irisiya ni ndaŋgara gijaŋ geŋeɗta na jik jik, ni zira daŋgayna lay geŋeɗ lay. Vun ziginina halaŋ halaŋ mal ki kay tasiya, gali ma sem suu daŋgayna halaŋ weɗ ki bel.

SOOLLA 146:7

Nam li jivira kay suu ka lasna, nam ɦal tina maŋ suu mayra casina, Yawe buɗ suu hu daŋgaynana kiyo.

SOOLLA 107:14

Nam taɗasi ay ki duk ndufunda, hu lina vi suu miɗina, nam kaasi kinjiŋ ma sesina kiyo.

SOOLLA 34:7

Sa ma wihawra yamu, Yawe humum may, suɗum ki hu hahaw mamba.

SUNDA 10:30

Korniye hoŋom dira ana, «Buuna ki ca ni hindi faɗta ko wandara na, fiɗigi boyogina yow wa ma funa, an a cen Lona varan voo gol irinu ni, sana coli fokon u barawna weleɗ tamma wilik wilik.

EFESNA 5:14

Ni va ma tak ki ɗal ɗalna hin mbuɗ ki kiɗiki kay ndaɗta boyna di anaba, «Dliɗ ki koloo aŋ sa ma buu senna, col ki kolo duk suu miɗina, Kristu hin ɓo lina ki kaŋ kiɗiki.»

SUNDA 2:24

Lona colom ki kolo iiri hu ti tara vi miɗna, kay saɓakŋa vi miɗna ndak ka a vambi.

Boy Ma Ayra Ma LUK Ɓiirimma 24:4

Saara ana va tlamma ni megera ka kasiɗi. Suuna mba' cuk ki irisiya, baraw ma tasina weleɗ ko me kalara na.

Boy Ma Ayra Ma LUK Ɓiirimma 2:9

Sa sunda vi Bu Suuna tak tam irisi u bibiŋil mamba weleɗ kasiya. Asi mbuɗ ndaana.

MISE 7:9

Yara vi Yawera, an ndak vaɗ kanu, kay ana an li sulukŋa egem ta ta hu li ma nam kaan ɓak manna mbuɗun ki jivina. Nam hin kalan ay ki ii kiɗikka an hin golom sun mamba ɗegeera.

DANYEL 6:22

Na ɗaŋŋi Danyel ɓak mulna ana, «Aŋ mulna, kak iiri a fafaɗta.

1 MULINA 19:7

Sa sunda vi Yawe hoŋ ay ŋgenem dam ana, «Col kolo, ti funa kay voɗta fokoŋ a tuɗta ni fiyek cocoo.»

SUNDA 12:23

Hu li namma gaw ni sa sunda vi Bu Suuna mba ci Herod piŋ kay nam ka ɦal ŋgolla maŋ Lonaɗi, ɦaɗ ni maŋ tamba. Nam vi tuguɗira cuk ki njufulna ni na gaw hin miɗ kiyo.

SUNDA 9:3

Nam hu voɗta a tuɗ Damassa wanni, tew eg ɦoŋzi ma ŋgolna na tok may ni, gol irim na ni, kiɗikka mbay kolo huulona weleɗ kamma wilik.

HABAKUK 3:4

Kiɗikka mbuɗ weleɗa, weleɗta kal ay ki hu duk komu. Ni li ma saɓakam ka ŋgay huna.

EZEKIYEL 43:2

An wiya ni bibiŋilla vi Lo ma vi suu Israelna col ay u maɗiina na, vunna soo ay ko ndal mbo ŋgolna a soora na. Yam ndaŋgara halaŋ ɗi ki haɓpa na kew kew u bibiŋil mamba.

EZAYI 60:1

Col koloo, weleɗa, kay kiɗik maŋga kal ay ki wa. Bibiŋilla vi Yawera ka kolo kaŋu.

SOOLLA 116:16

Wan hahawanu, Yawe, kay anni saaŋ ma sunda, ni goŋ cara sunuŋga lay. Aŋ buɗun zew ma njunun gana ki wa.

1 MULINA 19:5

Nam hin buu kaŋga lagaɗ senna u ŋgus gu namma. Gola ni sa sunda huulona mba ŋgenem dam ana, «Col kolo, ti funa.»

WIRA ŊGAYRA 18:1

Ŋgoo dagan an wi sa sunda huulona cuk ay kaŋga huulona, nammi sa ma ŋgolna saɓakam ŋgolo, bibiŋil mamba li kiɗikka kay ndaŋgara halaŋŋa.

HEBRENA 1:14

Suu sunda huulona asina ni suurage? Ni ŋgussa suu sun Lona suu nam cukusi a njun u suu fi suɗtana.

SUNDA 12:6

Falira Herod min a tuɗ Piyer fok suuna a kaam ɓakŋa kamba, hu njeŋge ndaɗta wanni Piyer buuri senna duk suu asgaana mba' njuni kaŋga u galina. Suu juɓum umma ka lagi fun zira daŋgayna may.

HABAKUK 3:11

Faɗta asi u tilna col kolo hu ziisiya, ki ii kiɗikka hu li ma mbuuru maŋga ka tuɗ huna, hu li ma sin saɓ maŋga ka vi kura buyuk buyukŋa.

EZAYI 37:30

«Ezayi di mulna Ezekiyas ana, dla ndaɗta hin li a takaŋ kira cukuni ni suuna hin ti ni mogoo tlesuu day ay kay tasina. Ha hu basara daara ni na lay. May hu basara hindira ni zaaragi tlena, feɗegisina, pagi gutlu gutluna, hin tagina vuɗum may.

2 SAMUEL 22:29

Aŋŋi pindil manda, Yawe. Yawe ɓoon li ma ndufunna ki egenu.

SOOLLA 68:6

Bu suu kuyuna, ma njun kay boyogi suu donona, ni Lona ma kaki hu Ziim ma Teteɗna.

JEREMI 40:1

Yawe ɓak boy mamma maŋ Jeremi ŋgoo dagan hu li ma sa ŋgol asgaana Nebuzaradan sunum ha ki hu Rama. Nam vam ki komu, na may nam u galina sem njuni duk suu daŋgay suu Yerusalem u Yudana halaŋ halaŋ suu yowosi a tuɗusi ki Babilonna.

DANYEL 3:28

Nabukodonosor ɓak boyna di ana, «Ko sem Lo ma vi Sadrakŋa, Mesak u Abed Negona, suuna ŋgaamu, ma sun sasunda huulona mamma ay suɗ suu mam suu sunda ki kay ana asi ɦal tasi ki mam mayna. Hu li ma asi su vun mulna, asi ɦal tasi ki a lassa, goɓ lo ma daŋgi may, Loosina dew.

MATIYE 2:13

Suu wi dlara u ciciwra tuɗ tuɗ ni, sa sunda huulona di doyra maŋ Yosef ana, «Col koloo! Tli goona u sumu, piirigi hu mbassa Egipte. Aŋ kak hu mbas ndaɗta gak gak, an hin daŋ tuwa, kayme Herod hal goona a cam kiyo.»

SUNDA 12:8

Sa sunda huulona dam olo ana, «Njun ɗik maŋŋa huruŋu, cuk tuɓuru maŋŋa seŋu.» Piyer cuk tlegeyem ca ni, sa sunda huulona damu, «Cuk baraw maŋŋa taŋ ca ni tuɗ ay unu.»