SUNDA 12:23 - Boy Lonana

²³ Hu li namma gaw ni sa sunda vi Bu Suuna mba ci Herod piŋ kay nam ka ɦal ŋgolla maŋ Lonaɗi, ɦaɗ ni maŋ tamba. Nam vi tuguɗira cuk ki njufulna ni na gaw hin miɗ kiyo.

SUNDA 12:23 ပူးပေါင်းရင်းမြစ်များ

2 TESALONIKŊA 2:4

Nam hin duu u tlesuu suuna goɓ kaŋga fokosina u tlesuu suuna golosi ko lona nana halaŋ, nam kal hu Ziŋ Lonara, mbuɗ tam ki a Lona lay.

SOOLLA 115:1

Yawe ami kay tamira ndak kaɗi, ami ŋgaaŋŋi seŋ aŋ dew, ni kay jivi maŋga u ɗegee maŋga na hol.

1 SAMUEL 25:38

Tew ki ko va ma buu doogo na ni, Yawe waɗ Nabal nam miɗ kiyo.

EZEKIYEL 28:2

«Goŋ sanna, aŋ tuɗ di mul ma Tirna ana Bu Suuna, Yawe, ɓak ay ana, Kayra aŋ ŋga taŋ coco ana, Anni Lona, aŋ kak kay dlamba mulla kay daara duk mbo lum ŋgolna. Doliɗi ni aŋŋi sa warna ɦawaa ka lonɗi. Ni kayra aŋ gol taŋŋi ko loogina nara.

EZAYI 66:24

Asi cuk ay ki kiɗik wa ni wi ni maɗ suu babali mansina sak sak. Njuful masina ka miɗɗi. Kura ŋgalasira ka tewɗi lay. Maɗ masina hin tuɗ ta suu warna halaŋ halaŋ.

EZAYI 51:8

Kay njufulna hin tasi ki ni ko ndal barawna na, dagakŋa hin tasi ki ko ndal tlimiɗ timigiina ɦawa na. Na may ɗegee manda ka ni na din din, suɗ manda ha kay njaf suuna fokosiya, fokosiya.

KALKIRA 12:29

Tew duk ŋgikka ni Yawe ci gor njufii suu vuɗ jewna ki halaŋ halaŋ hu mbassa Egiptera, col ha kay goŋ Faraw ma ŋgolna ma a varak balamam kay mullana ta ta kay gor suu vuɗ jewna vi suu vasi ha ki balna hu daŋgaynana lay, u gor yoori suu vuɗ jewna lay halaŋ.

EZEKIYEL 28:9

Na ni fok sa may ma caŋŋa aŋ hin di ana, anni Lona, doliɗi ni aŋŋi sa warna ɦawa may ni aŋ hin di na ɗaŋ su? Aŋ ka u saɓakŋa a ŋgoɓ sa ma cokoŋŋa su?

EZAYI 37:23

Sa ma aŋ ŋgulum coco, panamma ni gege? Aŋ oo uŋ kolo na ni eg gege? Aŋ ŋga taŋ cocora na ni eg gege? Ni eg sa ma Teteɗ ma vi suu Israelna.

EZAYI 14:11

Bibiŋil maŋga kal hu lina vi suu miɗinawa u diŋ a bu varaŋŋa halaŋ. Aŋ buu ni kay matala njufulna, njufulna ni a baraw ma boɗi kaŋŋa gaw.»

JOB 19:26

Hu li ma bakka egen wanda ɓalak ki lay, an hin gol Lona ni u tliwin ma hin egenna.

JOB 7:5

Mbalatan halaŋ ki cuki njufulna. Tan ki taɓagi ni u ndaŋgara na holol. Bakan ka ki ni u mbil ndondona halaŋ halaŋ.

2 DLAŊ MULINARA 32:21

Yawe sun saam ma sunda ha hu kaŋ ma vi suu Asirina, ci suu garaŋ suu wi dla duuna ɦayna ki halaŋ halaŋ u suu ŋgolo suu fok suu duunana lay. Mul ma Asirina zolona vam cocoo. Nam hoŋ vo hu mbas mamba ni na gaw. Fali taa dew ni nam kal kalafi hu zira vi loommara, goryom suu vuɗta cuk um cam ki ni na gaw.

2 MULINA 19:35

Njeŋge ndaɗta ni sa sunda vi Yawe mba hu kaŋ ma vi suu Asirina, ci suu njufiina na 185,000. Maɗii a suuna yow ki kolora ni wi ha kaŋga ni maɗ suu miɗina sak sak.

KALKIRA 12:23

Yawe hin poy karam hu mbassa Egiptera halaŋ a ci suuna, hu li ma nam wi busuna fun zina, ni Yawe hin jak kay zi namma, ka ci sa huɗi, nam ka hin sa Ɓalak Lina kal vo taraŋ hu zi namma oloɗi.

KALKIRA 12:12

«Karam njeŋge ni an min poy mbassa Egiptera ki halaŋ. An hin ci gor suu vuɗ fok jew suu hu mbassa Egiptera ki halaŋ halaŋ, col ha kay suu warna ta ta yoorina. An ka ɓakŋa kay loogi suu Egiptena ni an, Yawe.

KALKIRA 10:3

Moiz u Aaron tuɗ vi Faraw dam ana, «Yawe, Lo ma vi suu Hebrena, di ana, Aŋ hin a hoŋ yaŋ ga fokonni saɓa tuge? Hinin suu mansina asi tuɗ sununu.

KALKIRA 9:17

Aŋ so huruŋ gak gak ka min a hinin suu mansina tuɗɗi.

SUNDA 5:19

Duk njeŋgera wanni sa sunda huulona vi Bu Suuna mba mal vun zira daŋgayna ki malni cuk suu vovoɗta kiyo dasi ana,

SUNDA 12:22

Suuna sawalla ay kolo ana, «Ɓak boyna wanni ka del sa warnaɗi, ni Lona u tamba.»

VUN ŊGOLNA 12:8

Suuna ŋga ni sa ma li dlara jivira. Sa ma saaram ka ɗegeeɗina sa ka dam dlaamba jiviɗi.