SUNDA 12:11 - Boy Lonana

¹¹ Piyer mbuɗ wi tam ki na ɗaŋŋi, nam di kay dlara li ay egemba ana, «Cecemi an wi ki gasi ana Bu Suuna gi saam ma sunda huulona ay egen nam buɗun ki ko Herod wa, ko dla co mayra suu Juifna a hin landa gin egenda lay.»

SUNDA 12:11 ပူးပေါင်းရင်းမြစ်များ

DANYEL 6:22

Na ɗaŋŋi Danyel ɓak mulna ana, «Aŋ mulna, kak iiri a fafaɗta.

DANYEL 3:28

Nabukodonosor ɓak boyna di ana, «Ko sem Lo ma vi Sadrakŋa, Mesak u Abed Negona, suuna ŋgaamu, ma sun sasunda huulona mamma ay suɗ suu mam suu sunda ki kay ana asi ɦal tasi ki mam mayna. Hu li ma asi su vun mulna, asi ɦal tasi ki a lassa, goɓ lo ma daŋgi may, Loosina dew.

2 PIYER 2:9

Bu Suuna wi dlara suɗ suu ɗegeena ki duk dla cora, nam wi a vaa suu cona cukusi daŋgayna hu buu ma kaɓakŋa.

SOOLLA 34:7

Sa ma wihawra yamu, Yawe humum may, suɗum ki hu hahaw mamba.

SUNDA 5:19

Duk njeŋgera wanni sa sunda huulona vi Bu Suuna mba mal vun zira daŋgayna ki malni cuk suu vovoɗta kiyo dasi ana,

Boy Ma Ayra Ma LUK Ɓiirimma 15:17

Nam gijaŋ saa kay dlaamba ana, Suu li sunda vi bunna ha ti funa, an ci tan ki u mayra tani kay mege?

SOOLLA 33:18

May Yawe ka juɓ u suu lam ndaaramma, u suu tin hurusi kay ɗegee mambana.

SUNDA 12:7

Gola, ni sa sunda huulona ki coli hu zi ma daŋgayna lina li ki usi na kiɗik kiɗik gaw. Sa sunda huulona dutl pay Piyer dutlni dam ana, «Col kolo zak.» Gali ma ay kom njunina cuk ki kaŋga na cikib gaw.

DANYEL 3:25

Mulna hoŋ dira ana, «Gologi an ka wi suuna fiɗi ki buɗiya, ka tuɗ duk kura ndaɗ ka kaasi tasi mbilɗi lay, sa ma u asi a fiɗirana tam ko ndal ta goŋ looginana na.»

SOOLLA 109:31

Kay nam ka njun u suu hawra, kay suɗusi ki ko suu kaɓakŋa.

SOOLLA 97:10

Agi suu minigi Yawena hini dla cora kiyo, nam ka gol iirira vi suu mam suu ɗegeena, nam buɗusi ki ko suu ka wi Lonaɗina.

2 SAMUEL 22:1

David ɓak Yawe kay boy ma hu soollana hu buu ma Yawe buɗum ay ki ko suu babali mamsina halaŋ halaŋ ki ko Sol layna.

SOOLLA 41:2

Furira ka kay sa ma saa kay suu maŋina, hu buu ma wihawra ni Yawe hin buɗum kiyo.

SOOLLA 34:22

Lassa ndak ci suu cona kiyo. Suu ka min ɗegeeraɗina ɓakŋa kaay kasiya.

JOB 31:31

Suu mbay vo varanna halaŋ di ki kan ana, «An ay vo varam wanni hoɓ ki u tliwna cocoo.»

2 DLAŊ MULINARA 16:9

Yawe ka gol yam ndaŋgara ki ni halaŋ a njun u suu hin tasi komma suu minim u hurusi belna. Dlara wanda aŋ laɗ ni ko sa ma ka wi vaɗina na, hin fok wanda aŋ ha ni eg duuna na gak gak.»

HEBRENA 1:14

Suu sunda huulona asina ni suurage? Ni ŋgussa suu sun Lona suu nam cukusi a njun u suu fi suɗtana.

SUNDA 24:27

Li basara mba' ŋgoo dagan Porsiyus Festus varak balam Feliks a mulna. Feliks min a li tam jivi ii suu Juifna, ni nam hin Pol hu daŋgayna.

JOB 5:19

Na olo ni, nam ndak a suɗuŋ ki hu las maŋga. Ŋgoo dagan dlara co ka hin a laŋ oloɗi.

URA TIN AYRA 26:9

Abimelek yi Isaak ay dam ana, «Gasi ndaɗ ni caaŋga. Aŋ hin ana ndaɗ ni wayaŋga ni amege?» Isaak hoŋom dira ana, «An li ndaana ni ana suuna hin can ki kaɗu.»

URA TIN AYRA 18:13

Yawe di Abraham ana, «Sara sana, di ana gasi anni ndak a vuɗ goo olo su ni nanage?

URA TIN AYRA 15:13

Yawe di Abram ana, «Njafaŋ hin tuɗ ki ŋgayra hu mbassa daŋga, mbas ndaɗta ka ni masiraɗi, asi hin li mbaɓura fi lassa ta ta basara kis kis fiɗi.

SUNDA 25:9

Festus a li tam jivira ii suu Juifna ni nam joɓ Pol ana, «Aŋ min tuɗ Yerusalem an kaaŋ ɓak maŋŋa ki kay boy namma su?»

SOOLLA 33:19

Nam suɗusi ki fun miɗna, golosi hu li ma may ŋgolla ndina.