Duk suu vi Kristuna hu Antiok ni suu jok vun Lona u suu haɗ suuna kaa, Barnabas u Simeon (ma asi yam ana Warna) Lusiyus ma Sirenna, Manaen, ma wul ay vo vi mulna Herodna, u Sol.
Ni kay ndaɗta duk suu vina Lona cuk suu vovoɗ mamba jewe, a mbara ni suu jokom vunumma, a hindira ni suu haɗta, ŋgoo daganda ni suu li dlara mbuɗta, hiŋga suu nam ɦasi saɓakŋa a garaɗ suu tuguɗira kina, hin ɦal suu njun u suuna u suu gol suuna, suu u ɦala a ɓak vun ma daŋŋa daŋŋa.
Sa ma ɦal ɦala maŋ suunana suu ɦiw nam ɦasi a suu vovoɗta, suu hiŋŋa a suu jok vun Lona, suu ɦiw a suu di Boy ma Ayra, suu ɦiw a suu pastergina, u suu haɗ suuna.
Gologiya ni va ma Lona dam kay buu ma hin li ay daganna, An hin njay Musuk manda ki kay suuna halaŋ. Gor njufi magisina u gorɓii magisina hin di ki kay Boy Lonana. Gorzoŋi magisina tlena hin tak tasi ki irisiya, suu magi suu maana doyra hin dasiya.
Agi hum haa! An hin sunugi suu jok vun Lonna u suu wi yal boyna u suu wi magaara aya. Agi hin ci suu ki ɦiw, hin ɓal suu taa ki ɦiw hu gu ma garakgina may, suu daŋŋa agi hin poŋosi hu Zira Tokka may, agi hin cuɗusi usi ɦoŋzina halaŋ may.
Suu tokina halaŋ hurusi vi boy namma. Asi man Etiyen sa ma hurum oy u Musuk Lonara ma hurum tini kay Yesu ɦayna, u Filip, Prokor, Nikanor, Timon, Parmenas, u Nikolas, nammi sa ma Antiok ma tin hurum kay vira vi suu Juifna jewna.
Suu vovoɗta suu ŋgolona, suu vina halaŋ vi vunusi ana asi man suu dukusi ɦiw a sunusi Antiok gi Pol ha Barnabas. Asi man Jud ma asi yam ana Barsabbas, Silas may. Asi jakŋi suu ŋgolona duk gorsesina.
Musukka ɦal saɓakŋa maŋ sa hiŋŋa kay li dlara mbuɗta, sa hiŋŋa kay jok vun Lona, sa ma daŋŋa ndaɗ ɦam saɓakŋa a wi ŋgussa cora ura gasira. Sa ma hiŋŋa ndaɗ ɦam yal ma ɓak vun ma daŋŋa, ma hiŋŋa ndaɗ ɦam yal ma jok boy namma kina.
