SUNDA 11:18 - Boy Lonana

¹⁸ Asi hum boy namma na ni seŋ vunna ni na gaw, gijaŋ geleɗ Lona ana, «Gasi Lona ɦal voɗta maŋ njaf suu ka Juifnaɗina a asi jok iiri masira ki zeɗ, a fi iiri ta gasira lay.»

SUNDA 11:18 ပူးပေါင်းရင်းမြစ်များ

2 KORINTNA 7:10

Yoo mayra eg Lonara ni jok iirira ki zeɗ, tuɗ sana hu suɗta, sana ka ndak a saa kaɗ oloɗi. Yoora hu ndaŋgara ni tuɗ sana hu miɗna.

SUNDA 20:21

An yi suu Juifna u njaf suu daŋŋa asi jok iiri masira ki zeɗ mbuɗ irisi eg Lona tin hurusi kay Bu Suuna mayna Yesu.

EZEKIYEL 36:26

An hin kalagi hurugi ni huu ma wilina, hin kalagi hurugi ni ŋgussa wilira lay. An hin paɗagi hurugi ma sooy ko ɦinira nana kiyo, hin kalagi ha hurugi ni huu ma lumuɗ ko tliwna nana.

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

SUNDA 21:20

Asi humum boy mamma hummi geleɗ Lona. Ŋgoo dagan asi di boy ma ana, «Aŋ gola wayamisina duk suu Juif suu vina ni bup bup gage? Asi halaŋŋi vi u gaɗta cocoo.

SUNDA 3:26

Ni nam Lona tak Saam ma Sunda kini magi agi jewe, nam sunum ay kay a paɗ vunum ki kagiya, kay a agi hin dlaagira laɗ cora kiyo.»

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

GALATENA 1:24

Asi geleɗ Lona kanu.

ROMMA 9:30

Hin daygi kay boy namma ni ana mege? Suu ana asi ka suu Juifnaɗi lay, ka suu hal a mbuɗ tasi ɗegee fok Lonaɗi layna, asi mbuɗ ki ɗegee u vira.

SUNDA 15:3

Suu vi Kristuna sunusi a asi tuɗ koy ndaɗta ni asiya. Asi kal Fenisi jak Samari dasi boy ma ana njaf suu ka suu Juifnaɗina mbuɗ eg Lona, gorsesina halaŋ halaŋ mbuɗ li furira ŋgolo kay boy namma.

SUNDA 14:27

Asi mba Antiok tok suu vi Kristuna halaŋ egesiya, vasi u boy ma Lona li sunda ay u asina halaŋ, u mayra nam mal voɗta ki maŋ njaf suu daŋŋa asi vira lay.

SUNDA 11:1

Suu vovoɗta u gorsesi suu vina hu mbassa Yudera hum ana suu njaf ma daŋŋa hum boy ma vi Lonna.

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

EZAYI 60:21

Suu magisina halaŋ mbuɗ ni suu ɗegeena. Asi hin ti mbassa halaŋŋi asi a fafaɗta. An tinisi ni anu, an tinisi na ni kay a suuna halaŋ ŋgaanu.

JOSUWE 22:30

Hu li ma mul ma li ɓivunna Pinhas ma a ŋgolla fok suu tokina u muli suu ka fok suu Israelna suu ka moli egemma hum boy ma goryoŋ Rubenna, goryoŋ Gadna u goryoŋ Manasena damma na ni, asi seŋ tasi gaw, boy namma irisi jiviya.

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

EZEKIYEL 47:22

Agi ɓorowoɗ ni u paɗ dewna, gegelay ni hin fi joomma. Magi lay, maŋ suu may suu poy kolona suu cuki dukugina lay. Ni suu may suu vuɗ goryosi ki ni dukugi layna. Asi hin ki ni a suu ki dukugi agi suu Israelna. Asi ndak a paɗ dewna ni ko agi na may, a fi joosinara duk suu Israelnara may.

MATIYE 9:8

Suu molina wi na ni, mbuɗ ndaa cocoo, geleɗ Lona kay saɓak ma nam ɦam maŋ suunana.