SUNDA 11:14 - Boy Lonana

¹⁴ Nam hin mba daŋ boy ma aŋ hin suɗ ki u namma u suu maŋŋa halaŋ.

SUNDA 11:14 ပူးပေါင်းရင်းမြစ်များ

SUNDA 16:15

Mbusuɗ ki batemma hu li namma u suu maɗna halaŋ. Ndaɗ yami ay varaɗu dami ana, «Lini agi wi ki gasagi ana an vi u Bu Suuna ni, mbaagi ay varanu.» Ndaɗ ɦeɓemi gak gak ami hin viya.

SUNDA 10:22

Asi hoŋom dira ana, «Sa ma ŋgol asgaana Korniye sunummi ay ni namu. Nammi sa ma ɗegeena ma vi u Lonna, suu Juifna halaŋ lay ni minimu. Sa sunda huulona tak tam irim dam ana, nam yaŋ ay varamu, aŋ hin mba dam boy ma huruŋŋa.»

SUNDA 10:6

Nam ka buu vi sa ma li sun ɗikka ziim keŋ mbo lum ma ŋgolna na tok, sem ana Simon.»

SUNDA 10:2

Nammi sa ma ɗegeena u suu mamsina halaŋ, nam tuɗ hu tokka geleɗ Lona tew tew, nam njun u suu Juif suu hawra, cen Lona tew tew may.

SUNDA 2:39

Kay me ni vi vun ma vi Lonna, ni magi agi u goryogiya, maŋ suu ha ki egem dayna lay, maŋ suu Bu Suuna Lona mayna yasi halaŋŋa.»

Boy Ma Ayra Ma JAŊ Ɓiirimma 20:31

Tlesuu ɓiiri hu magaa ndaɗtana ni ana agi tin hurugi kay Yesu a nammi Sa Lona Fuurumma, Goŋ Lonna. Lini agi tin hurugi kam wa ni, agi hin fi iirira umu.

URA TIN AYRA 17:7

An hin vi Galamba u aŋu, u njafaŋ ma hin ka ŋgoroŋ daganna lay, u deeresi zeɗ zeɗ halaŋ, hin li ni Galamba dindinda. An hin li ni a Looŋŋa, Lo ma vi njafaŋ ma ka ŋgoroŋ daganna lay.

Boy Ma Ayra Ma JAŊ Ɓiirimma 12:50

An wi ana dira nam di ana li nara ni, iirira ka daɓ kiɗira ni huwa. Va ma an damma, di ni va ma Bun ɦanna voɗom ki na.»

Boy Ma Ayra Ma JAŊ Ɓiirimma 6:63

Musukka ɦal iirira ni ndaɗu, ta sa warna ni ɦawaa. Boy ma an dagina ni musukka u iirira.

Boy Ma Ayra Ma JAŊ Ɓiirimma 4:53

Bu goona wi ana ni hu li ma Yesu dam ana, goroŋŋa garaɗ ki wa na. Nam u suu mamsina halaŋ tin hurusi kay Yesu.

Boy Ma Ayra Ma LUK Ɓiirimma 19:10

Goŋ Sanna mba ni a hal suu ki viɗina a suɗusi kiyo.»

MARK 16:16

Sa ma tin hurum kanna, fi batemma lay, nam hin suɗ kiyo. Sa ma tin hurum ka kanɗina ɓakŋa hin vamu.

JEREMI 32:39

An ɦasi saara dewra u voɗta dewra lay. Hin mbuɗusi a asi van vunun tew tew kay jivi masira kay jivira vi goryosi ka balamasira lay.

VUN ŊGOLNA 20:7

Sa ma ɗegeena tuɗ ni hu voɗ mamba na ɗegee may. Furira ka kay goryom suu hin ka ŋgorom daganna.

SOOLLA 112:2

Njafam ki saɓakŋa coco kay ndaŋgara, njaf suu li dlara ɗegeera paɗvunna vi Lona ka kasiya.

SOOLLA 103:17

Na may ɗegeera vi Yawera ka ni tew tew a fafaɗta, ndaɗ ka kay suu lam ndaaramma, ɗegee mamba ka ni kay njaf suuna u goryosiya,

URA TIN AYRA 18:19

An manammi kay nam gaɗ goryomu u suu mam suu hin ka ŋgorom daganna, a asi hum gaɗta vi Yawera, poy ɗegee.» Ko ndaɗta na Yawe faɗ vun dlara nam vi vunum kaɗ u Abrahamba kiyo.

1 KORINTNA 1:16

Ҥaa an mbus batemma maŋ suu vi Stefanasna, an saa ana an mbus batemma ka ma sa ma daŋ oloɗi.

SUNDA 18:8

Krispus mul ma hu Zira Tokkana vi boyna vi Bu Suuna u suu mamma halaŋ. Suu Korintna suu vi boy ma vi Polna bolowo, ni asi fi batemma lay.

SUNDA 10:43

Suu jok vun Lona halaŋ di ki kam ana sa ma tin hurum kamma u saɓakŋa vi semu co mamba hin bulum kiyo.»

Boy Ma Ayra Ma JAŊ Ɓiirimma 6:68

Simon Piyer hoŋom dira ana, «Bu Suuna, ami tuɗ ni eg gege? Boy ma ɦal iirira ka daɓ kiɗira ni koŋgi su?

SUNDA 11:13

Nam Korniye vami u boyna ana nam hu ziim wanni wi sa sunda huulona mba dam ana, Aŋ cuk suu sunda kay Simon ma semma geleɗta ana Piyerna ha hu Yoppe nam mbaya.