SUNDA 10:42 - Boy Lonana

⁴² Nam cukumi ana ami di ki maŋ suuna halaŋ, dasi ana nammi sa ma Lona colom a kaɓakŋa kay suu iirina u suu miɗina.

SUNDA 10:42 ပူးပေါင်းရင်းမြစ်များ

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

1 PIYER 4:5

Asi hin di ki kay dlaasira fok Lona ma tok a kaɓakŋa kay suu iirina u suu miɗina layna.

2 TIMOTE 4:1

An suuruŋŋi fok Lona, fok Yesu Kristu ma kaɓakŋa kay suu iirina u suu miɗina hu mbaamba nam hin mbay hu mul mambara.

SUNDA 17:31

Nam mba buu ma dew a kaɓakŋa kay suuna u ɗegeera ni u sa ma dew ma nam ŋgaɓamma. Nam tuk dla ndaɗta u colla nam colom kolo hu miɗna iirira.»

WIRA ŊGAYRA 22:12

Yesu di ana, «Huma, an mbay cecem, an hin mba u warakŋa konu, an hin warak sana ni u sun mamba nam laɗta.

SUNDA 1:2

Gak gak tew hu buu ma nam kal kolo huulona. Nam hin tok a kal kolo huulonara ni nam haɗ suu mam suu nam manasina u saɓakŋa vi Musuk Lonara.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.

2 TIMOTE 4:8

Cecemmi warakŋa ka juɓunu, ni jumba mulla ɗegeera, Bu Suuna ma ɗegeena ma kaɓakŋa hin ɦanda hu buu namma, ka ɦanda ni man an dewɗi ni maŋ suu ka juɓum u minda hu buu ma nam hin hoŋ ayna halaŋ.

SUNDA 5:20

«Tuɗugi hu Ziŋ Lonara dagi boyna maŋ suuna kay iirira wilira.»

SUNDA 1:8

Musuk Lonara mba kagi wa ni, agi hin fi saɓakŋa, agi hin li ni a suu man suu vovoɗta diki kanda hu Yerusalem, hu mbassa Yudera, u Samarira halaŋ, gak gak tew ha ki hu li may ma vun ndaŋgara daɓ ay huna.»

Boy Ma Ayra Ma LUK Ɓiirimma 16:28

Gorsenna ha vadl, nam i neesi ha ki kasiya asi mbay hu li wi hawraɗi.

Boy Ma Ayra Ma LUK Ɓiirimma 22:22

Gasi Goŋ Sanna hin miɗa ko Lona hurum vira na. Hahawra ka kay sa ma ɦal Goŋ Sanna ki na di ŋgeŋŋa kanna.»

SUNDA 24:25

Pol gijaŋ boyna a ɓak kay a sana kak iiri ɗegeera, kay doora doo tara, kay ɓakŋa vi Lona ma hin mbana. Feliks tam mbuɗ ndaana, nam di ana, «Aŋ tuɗ cecemi vaŋ tuwa, buu ma daŋŋa an hin yaŋ ay tu olo.»

ROMMA 2:16

Ni va ma Lona hin kaɓakŋa kay suuna u Yesu Kristu u tlesuu ŋgay huu suuna halaŋ ko Boy ma Ayra ma an ka dam wanna dira na.