SUNDA 10:38 - Boy Lonana

³⁸ Agi wi ana Lona njay saɓakŋa vi Musuk mamba kay Yesu ma Nazaretna. Agi wi Yesu poy hu mbassa daŋga daŋga, li jivira ŋgolo, suu Satanna njunusi kaŋgana nam mbuɗusi ki jiviya, kay Lona ka u namu.

SUNDA 10:38 ပူးပေါင်းရင်းမြစ်များ

Boy Ma Ayra Ma LUK Ɓiirimma 4:18

«Musuk Bu Suunara ka kanu, nam ŋgaɓan a di Boy ma Ayra maŋ suu hahawra. Nam sunun ay a di boyna, cuk suu daŋgayna kiyo, a suu dugina irisi mbuɗ wi lay. A suɗ suu asi lasasina ki lay.

SUNDA 2:22

«Agi suu Israelna humugi va ma an min daginana, Yesu ma Nazaretna nammi sa ma Lona takagi ŋgol mamba kina. Lona li dlara mbuɗ mbuɗta, u dlara ndandalla, u takka daŋga daŋga ko agi kay tagira wi u irigira na lay.

EZAYI 11:2

Mul namma Musukka vi Yawera ka kamu, ni ŋgussa yalna, ta gi ii dlara kira, ŋgussa ɗilira, u saɓakŋa, ta wi dlara, ta li ndaa Yawera.

Boy Ma Ayra Ma JAŊ Ɓiirimma 3:34

Sa Lona sunum ay na di ni boy ma vi Lonna, kayme Lona ɦam Musuk mamba cocoo.

HEBRENA 1:9

Aŋ min ni dlara ɗegeera, ta cora ni aŋ noyoɗ kiyo, ni kay ndaɗta Lona, Looŋŋa, manaŋŋa, nam oyoŋ huruŋ u furira kay ɦala nam ɦaŋ li ma jivina, jivi su ma nam ɦam maŋ ndarayaŋŋana bel.»

SOOLLA 45:7

Mulla Lona haŋgara kak na din din, aŋ ti mulla kay suuna ni u ɗegeera.

Boy Ma Ayra Ma JAŊ Ɓiirimma 3:2

Nam mbay eg Yesu njeŋge, dam ana, «Mala Haɗta, ami wi ana Lona sunuŋ ay a haɗami ni namu, sa Lona ka u nambina ka ndak a li dlara mbuɗta ko aŋ laɗta naɗi.»

MATIYE 12:28

Gasira ni an dik fulina ki ni u Musuk Lonara, ni ana Mul Lonara mba dukugi wa.

Boy Ma Ayra Ma LUK Ɓiirimma 3:22

Musuk Lonara sii ay kam ko gugukka na, della ɓak ay kolo huulona ana, «Aŋŋi goron ma an minim ɦayna. Aŋ irin jivi ɦay.»

EZAYI 42:1

Bu Suuna di ana, Gola ni saan ma sunda ma an minimma, saan ma an manama ma an furiyumma, an gi Musuk manda kamu, nam hin tak ɓak ma vi njaf suunana ki halaŋ.

Boy Ma Ayra Ma JAŊ Ɓiirimma 10:32

Yesu dasi daŋŋi ana, «An li sunda jivira coco fokogi u saɓak ma vi Bunna. U sunda ndaɗta, va ma agi a can ki u gogoyra kamma ni maanage?»

Boy Ma Ayra Ma JAŊ Ɓiirimma 16:32

Lin hin tok a mbaa, nam mba wa ɗow, agi hin njay ki dew dew halaŋ, gegelay tuɗ hu ziimu, agi hin hinin ni vaydegen dew, ɦawaa, an ka vaydegenɗi, Bun ka u anu.

SOOLLA 2:2

Muli suu kay ndaŋgarana min tasi a duuna, goryoŋ muli suu ŋgolona taɓ u tasi a duu Yawe u sa ma Lona Fuurumma.

1 JAŊ 3:8

Sa yam gak li corana ni sa vi Satanna na kay me Satanna li cora ay jew ni namu. Ni kay ndaɗta Goŋ Lonna mba ni kay a ɓeŋ sunda vi Satannara kiyo.

Boy Ma Ayra Ma JAŊ Ɓiirimma 6:27

Lagi sunda kay fu ma ɓeŋ ki ɦawanaɗi, lagira ni kay fu ma kak iiri gak gak ɦagi iirirana. Fu namma Goŋ Sanna hin ɦagina ni namu, kayme Bum Lona ɦam saɓak namma ni hu duk kom halaŋ.»

MATIYE 9:35

Yesu tuɗ hu zi ŋgolona, hu zi gorina lay. Nam haɗasi hu Zira Tokka, nam njaɗasi Boy ma Ayra kay Mulla huulonara. Nam garaɗ suu tuguɗira kiyo u suu dugina halaŋ.

2 DLAŊ MULINARA 17:9

Asi haɗ suu hu ɦoŋzi ma Yudana tli magaara gaɗta vi Yawera ha kosi hu gaw may. Asi ŋguy ki hu ɦoŋzi ŋgolo ma Yudana bel bel asi haɗ suu Israelna.

1 PIYER 5:8

Gologi jiviya kakagi jek jekee, kay Satanna kuɗuk ko dlona gi ŋgoɓpa na hal gegelay kay a komomu.

Boy Ma Ayra Ma LUK Ɓiirimma 9:42

Nam gijaŋ ɦuɗ tam ay may ni fulna vam kaŋga, gijaŋ dlakam tam na jik jik. Yesu bay fulna u delemba eŋga na ni, goona garaɗ ki gaw. Nam hoŋom maŋ bum gaw.

MATIYE 12:15

Yesu hum ana asi min a cam kiyo ni, nam hin li namma ki gaw. Suuna tuɗ um bolowo. Nam garaɗ suu tuguɗira ki halaŋ.

SOOLLA 2:6

Nam di ana, «An mbuɗ mul manna ki teteɗ ni anu, tinim kay ɦinira Siyon, ɦini mayra teteɗta ɦini manda.»

MARK 6:6

Nam mbuɗ gol na tigiriw ko suuna ka tin hurusi kambira. Yesu poy ɦoŋzina kay mbassa halaŋ a haɗ suuna.

Boy Ma Ayra Ma LUK Ɓiirimma 9:56

Asi tuɗ hu zi ma daŋŋa gaw.

SUNDA 10:37

Agi wi dla mayra li ay hu Yude halaŋ halaŋga, gi jaŋŋa ay hu Galile ŋgoo boy ma Jaŋ dam kay batemma na.

1 JAŊ 2:20

Lini agiya ni agi fi Musuk Lonara ta Kristu sunuɗ ayra hurugiya agi wi gasira ni kay ndaɗta.

MATIYE 9:19

Yesu col kolo u suu haɗi mamsina, tuɗ umu.