SUNDA 10:22 - Boy Lonana

²² Asi hoŋom dira ana, «Sa ma ŋgol asgaana Korniye sunummi ay ni namu. Nammi sa ma ɗegeena ma vi u Lonna, suu Juifna halaŋ lay ni minimu. Sa sunda huulona tak tam irim dam ana, nam yaŋ ay varamu, aŋ hin mba dam boy ma huruŋŋa.»

SUNDA 10:22 ပူးပေါင်းရင်းမြစ်များ

SUNDA 11:14

Nam hin mba daŋ boy ma aŋ hin suɗ ki u namma u suu maŋŋa halaŋ.

SUNDA 10:2

Nammi sa ma ɗegeena u suu mamsina halaŋ, nam tuɗ hu tokka geleɗ Lona tew tew, nam njun u suu Juif suu hawra, cen Lona tew tew may.

3 JAŊ 1:12

Suuna halaŋŋi ɓak kay jivira vi Demetriussa, gasira kay taɗta ɓak kam na lay. Aygi lay diki jivi kamu, aŋ wi ana dlara ay ki ni u voɗoɗu.

2 PIYER 3:2

An hal a gagi humugi kay boy ma suu jok vun Lona suu teteɗna dam jewna, u gaɗta vi Bu Suuna Sa Suɗta u suu vovoɗta vi Lona haɗagi kaɗta.

HEBRENA 12:23

Agi mba ni duk suu tokina, goryoŋ Lona suu vuɗ jewna u furira, ni suu sesi ha ɓiiri kolona. Agi mbaagi ni eg Lona ma kaɓakŋa vi suuna halaŋŋa, ŋgus suu ɗegeena mbuɗ ki pasiyakka.

HEBRENA 11:2

Suu ay jewna gol gasi Lona ni u vira.

HEBRENA 10:38

Kay ndaɗta sa ma irim ɗegeena kak iiri ni hu vira, lini nam hoŋ ki daganwa ni, an ka furi kam oloɗi.»

1 TIMOTE 3:7

Lini nanagelay suu vi Boy Lonana kaɗina ŋgaam hu dlaamba nam laɗta lay. Kay suuna mba panambi, a nam mba viɗ ki hu ganyamba vi Satannaɗi.

2 KORINTNA 5:18

Dla ndaɗta halaŋ mbay ni ko Lona, nam Kristu taɓaygi duk ɦoŋoygi u namu, ɦay sunda a mbaa suuna a taɓ duk ɦoŋga u nam may.

ROMMA 1:17

Kay ndaɗta Boy ma Ayra tak ana Lona min mbuɗ suuna ki ɗegee fokommi u vira dew daŋ, u tin ura gak gak daɓpa, ko ɓii ay hu magaara vi Lona ta jewra na, «Sa ma ii Lona ɗegee u virana hin kak iiriya.»

SUNDA 24:15

An hurun tini kay Lona ko asi tasira tini kamba na may, kay colla kolo iirira vi suu ɗegeena u suu ka ɗegeeɗina.

SUNDA 22:12

«Sa maa dew sem ana Ana nias, nammi sa ma ɗilina, vi u gaɗ maygira, suu Juifna, suu hu Damasna, halaŋ minimu.

SUNDA 10:33

An cuk suuna ha ni na zak gaw a halaŋga, cecemi aŋ mba wa may, ami ka tani halaŋ a hum va ma Bu Suuna ɦaŋŋa a damma.»

SUNDA 10:6

Nam ka buu vi sa ma li sun ɗikka ziim keŋ mbo lum ma ŋgolna na tok, sem ana Simon.»

SUNDA 6:3

Ni kay ndaɗta gorsenna, managi suu dukugi kiɗisiya suu ŋgul ka egesiɗina, suu hurusi oy u Musuk Lonara, suu neeyna, ni ami hin hinisi kay sun ndaɗta.

Boy Ma Ayra Ma JAŊ Ɓiirimma 17:20

«An ceneŋŋi ka kasi holɗi, ni kay suu hin tin hurusi kan u boy ma asi hin dasinana.

Boy Ma Ayra Ma JAŊ Ɓiirimma 17:8

Ni kayra an haɗasi boy ma aŋ danna ayna. Asi vamu. Asi wi gasi ana an col ay ni egeŋu, asi vi ana aŋ sunun ay ni aŋu.

Boy Ma Ayra Ma JAŊ Ɓiirimma 13:20

An dagi ha ni gasagi ana, Sa ma vi sa ma an sunum hana varam wa ni, van ni an may. Sa ma van varamma vi ni sa ma sunun ayna may.»

Boy Ma Ayra Ma JAŊ Ɓiirimma 6:68

Simon Piyer hoŋom dira ana, «Bu Suuna, ami tuɗ ni eg gege? Boy ma ɦal iirira ka daɓ kiɗira ni koŋgi su?

Boy Ma Ayra Ma JAŊ Ɓiirimma 6:63

Musukka ɦal iirira ni ndaɗu, ta sa warna ni ɦawaa. Boy ma an dagina ni musukka u iirira.

Boy Ma Ayra Ma JAŊ Ɓiirimma 5:24

«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

Boy Ma Ayra Ma LUK Ɓiirimma 23:50

Sa maa dew yam ana Yosef hu zi ma Juif ma Arimatena, nammi sa ma jivina, ni sa ma ɗegeena lay. Nam tin hurum kay Mul Lonara ta mbayra. Nammi duk suu ŋgolo suu gi ii dlara. Nam kal vunum ka duk boy ma ndarayam suu gi ii dlara lammaɗi.

Boy Ma Ayra Ma LUK Ɓiirimma 2:25

Sa Yerusalemma dew yam ana Simeon, nammi sa ɗegeena, hum u Lona ɦay, ka juɓ sa ma suɗ suu Israelna kina. Musuk Lonara ka u namu,

MARK 8:38

Lini sana li zolona kanu, kay boy manna lay, fok suu cukunina ni, suu li zoŋgana lay, li cora lay, Goŋ Sanna hin li zolona kam may, falira nam mbay u saɓakŋa vi Bumma u suu mam suu sunda huulona may.»

MARK 6:20

kay Herod li ndaana ko Jaŋ. Nam wi kam ana Jaŋ ni sa teteɗna, ma ɗegeena. Nam doo kamu. Nam hum boy ma vi Jaŋ wanni, hurum saa na das das. Kayme hurum min a humum boy mamma jiviya.

MATIYE 1:19

Njufuɗ Yosef ni sa ma ɗilina, nam min a sa hum boy namma ki koloɗi. Nam hal a busuɗ ki bay gi u boy namma kiyo.

HABAKUK 2:4

Golom hurum oyra u ŋga tara, nam ka wi gasiraɗi, may sa ma ɗegeena hin kak iirira ni u vira.

Magaara Vi Sa Jok Vun Lona OZE 14:9

Efrayim, va ma an hin lam u fulinana ni me ologe? Anni sa hoŋom dirana, ni sa ka golomma lay. An tanda ni ko ndal ŋgusu sipre na humum ka ɗuf tew tewna na, vuɗuŋ col ay ni egenu.

MATIYE 2:12

Asi buu njeŋge wanni, Lona dasi hu doyra ana asi hoŋ voo wanni, tli kay mulna Herod oloɗi. Asi wi na ni, tli voɗta daŋga gaw.

Boy Ma Ayra Ma LUK Ɓiirimma 9:26

Lini sana li zolona kanu, kay boy manna may ni, Goŋ Sanna hin mbay u bibiŋilla vi Bumba u suu mam suu sunda huulona ni hin li zolona kam may.

SUNDA 10:21

Piyer ɗiŋ ay ki kaŋga eg suu asina ɗiŋi dasi ana, «An ni sa ma agi halamma. Agi mba halan ni kay mege?»

SUNDA 10:30

Korniye hoŋom dira ana, «Buuna ki ca ni hindi faɗta ko wandara na, fiɗigi boyogina yow wa ma funa, an a cen Lona varan voo gol irinu ni, sana coli fokon u barawna weleɗ tamma wilik wilik.

WIRA ŊGAYRA 14:10

nam hin ci sum yara vi Lona ma nam voom hu kop yarana. Suu li ko ndaɗta nana hin guruɗ duk kura ŋgolla ŋgal cocora, fok suu sunda huulona fok Goo Timiina.

GA 8ATAMBARA 30:13

Ndaɗ ha ka ŋgoo mbo lum ŋgolna ii hiŋŋaɗi lay, a sa di ana, «Sa ma hin lusumi lumma ha ki a halaɗna ni gege, hin a ndumumira a ami li uɗna ni gege?»