SUNDA 10:2 - Boy Lonana

² Nammi sa ma ɗegeena u suu mamsina halaŋ, nam tuɗ hu tokka geleɗ Lona tew tew, nam njun u suu Juif suu hawra, cen Lona tew tew may.

SUNDA 10:2 ပူးပေါင်းရင်းမြစ်များ

URA TIN AYRA 18:19

An manammi kay nam gaɗ goryomu u suu mam suu hin ka ŋgorom daganna, a asi hum gaɗta vi Yawera, poy ɗegee.» Ko ndaɗta na Yawe faɗ vun dlara nam vi vunum kaɗ u Abrahamba kiyo.

1 MULINA 8:43

aŋ hum ay kolo huulona day ziiŋ ma aŋ ka huna. Li dlara koy namma joɓoŋ kaɗta kay ana suu warna kay yam ndaŋgara halaŋ waŋ seŋ kiyo, a asi laŋ ndaraŋ ko suu maŋ suu Israelna na may. Asi wi ki ana seŋ ka yi hu zira an miniɗ ndaɗta.

2 DLAŊ MULINARA 6:33

aŋ ay kolo huulona day hu li ma aŋ kaki huna ni huma, li ko ndal sa ma ŋgay namma joɓoŋga na may. Ni kay ana suu warna hu duliyara halaŋŋi waŋ seŋ kiyo, a asi laŋ ndaaraŋ ko suu maŋ suu Israelna lira na may. A asi wi ki gasi ana seŋ ki yi kay zira an miniɗ wan ndaɗta.

JOB 1:1

Sana dew ka hu mbassa Ussa. Sem ana Job. Nammi sa ma ɗilina, ɗegee lay. Nam li ndaa Lona, ka taɓ tam hu dlara coraɗi.

JOB 1:5

Hu li ma luuna daɓ ki wa ni, Job yasi ay halaŋ mba li ɓivunna ki kasiya. Nam col kolo maɗii fedet li ɓivun ma ŋgalam ki ŋgalina ki kasi dew dew halaŋ kay nam ɓak tam ana, «Kala goryon li dla cora ŋgul Lona hurusi kurufu wa kala ni, an wiɗi.» Job ka li ɓivun ma namma na tew tew.

SOOLLA 102:15

Ami suu sun maŋsina minni ɦini ndaɗta, gugum ma ay kaɗna cuk kami wami hahawamiya.

SOOLLA 119:2

Furira kay suu hoŋ tasi ga u gaɗ mambana, asi ka halam u hurusi halaŋ.

SOOLLA 25:5

Haɗan a an waŋ gasi maŋga, kay aŋŋi Lo ma suɗunna. An ka juɓuŋ hu buuna halaŋ.

SOOLLA 41:1

Soolla vi sa ma fok suu gi soollana, soolla vi David.

SOOLLA 55:17

An may ni yi ni Lona, Yawe hin suɗun kiyo.

SOOLLA 86:3

Bu Suuna wan hahawan aya, hu buuna halaŋ an yaŋŋi aŋu.

SOOLLA 88:1

Soolla vi sa ma fok suu gi soollana, soolla haɗta vi goryoŋ Korena, gaɗ u diffa u suu vi Heman ma Ezrana.

DI BOLLA 7:18

Mariyaɗ ni aŋ li u gaɗ ndaɗta jak bel, kay sa ma li ndaa Lonana lasi ki ni bel.

EZAYI 59:19

Na ni suu ha u fiɗiginana hin li ndaa sem Yawena, suu u maɗiinana hin ŋgaam bibiŋil mamba. Kay nam hin mba ni ko ndal bil mbo lum ŋgolna babaana ɓaɗam ayra na.

DANYEL 6:10

Hu li namma mulna Dariyus tin kom kay gaɗta doo suuna u ndaɗta.

DANYEL 6:16

Suu asina ɗaŋŋi mbay eg mulna zak dam ana, «Hum haa mulna, ni gaɗta vi suu Medena u Persena ana li ni mulna ɓii gaɗta wa ni, sa hin ka mbuɗuɗ ki oloɗi.»

DANYEL 6:20

Na ɗaŋŋi mulna col kolo yoŋgo na colol ŋgarpiira tuɗ ha fun zul dlona na zak gaw.

DANYEL 6:26

Na ɗaŋŋi mulna Dariyus ɓii maŋ suuna halaŋ, njaf suuna u dee vunusi kay yam ndaŋgara halaŋ, «ko heɓpa li u agi ŋgolo.

MATIYE 25:17

Ma bege mamma mbana, fi ka u mba' may.

Boy Ma Ayra Ma LUK Ɓiirimma 18:1

Yesu tinisi ndal boyna ni ana asi joɓ Lona tew tew a loɓ ki dukgi.

Boy Ma Ayra Ma LUK Ɓiirimma 2:25

Sa Yerusalemma dew yam ana Simeon, nammi sa ɗegeena, hum u Lona ɦay, ka juɓ sa ma suɗ suu Israelna kina. Musuk Lonara ka u namu,

SUNDA 10:22

Asi hoŋom dira ana, «Sa ma ŋgol asgaana Korniye sunummi ay ni namu. Nammi sa ma ɗegeena ma vi u Lonna, suu Juifna halaŋ lay ni minimu. Sa sunda huulona tak tam irim dam ana, nam yaŋ ay varamu, aŋ hin mba dam boy ma huruŋŋa.»

SUNDA 10:31

Nam dan ana, Korniye Lona humuŋ cen maŋga wa, humum ka gam kay njunda aŋ njun u suu hawra lay.

SUNDA 10:35

Suuna halaŋ lini sana hu njaf maanagelay ma li ndaana u Lona li dlara ɗegeera ni ma irim jivina gaw.

SUNDA 10:4

Nam wi sa sunda huulona na ni tam mbuɗ ndaana, nam joɓom ana, «Nanage Bu Suuna?» Sa sunda huulona hoŋom dira ana, «Lona vaŋ cen maŋga wa, u njunda aŋ ka njun u suu hawra ni nam humum gam ay kaŋ wa.

SUNDA 10:7

Sa sunda huulona gi tam gini Korniye yi suu mam suu sunda mba', yi sa ma asgaa ma sunumma dew may, kay nammi sa ma ɗegeena.

SUNDA 11:14

Nam hin mba daŋ boy ma aŋ hin suɗ ki u namma u suu maŋŋa halaŋ.

SUNDA 13:16

Pol col fokosi tli kom kolo dasi ana, «Agi gorsen suu Israelna, u agi suu li ndaa Lonna humugi boy manna haa.

SUNDA 13:26

«Gorsenna agi suu hu njafna vi Abrahamma, agi suu ka toki tani a cen Lona wanna. Boy ma suɗta namma ay suni ni magi agiya.

SUNDA 13:50

Ni suu Juifna kal boy ma cona duk ɦoŋ boyogi suu fok suuna suu vi hu boyna vi Lonna. U suu kaɓakŋa suu ɦoŋzina lay, asi gijaŋ gi Pol u Barnabas dikisi ki hu ndaŋga masira.

SUNDA 18:8

Krispus mul ma hu Zira Tokkana vi boyna vi Bu Suuna u suu mamma halaŋ. Suu Korintna suu vi boy ma vi Polna bolowo, ni asi fi batemma lay.

SUNDA 2:5

Suu Juif suu li ndaana u Lona ka hu Yerusalemma u suu mbay hu mbassa daŋga daŋga zeɗ zeɗ halaŋŋa lay.

SUNDA 22:12

«Sa maa dew sem ana Ana nias, nammi sa ma ɗilina, vi u gaɗ maygira, suu Juifna, suu hu Damasna, halaŋ minimu.

SUNDA 8:2

Suu vina pi Etiyen tii kam cocoo.

SUNDA 9:11

Bu Suuna dam ana, «Tuɗ cecemi hu voɗta ɦoŋzina Ɗegee, tuɗ hu zina vi Yudas, joɓ kay sa ma Tarsna sem ana Sol. Cecemi nam ka cena.

SUNDA 9:31

Hu fali ndaɗta ni suu vina halaŋ hu Yude ni kaki u heɓpa suu Galilena u suu Samarina fi eŋga halaŋ hummi u Bu Suuna dew, Musuk Lonara njun usiya asi wul fok wuli na ɗow ɗow.

SUNDA 9:36

Cara vira dew ay hu ɦoŋzina Yoppe yaɗ ana Tabita (sem namma ni u vun Grekŋa ana Dorkas mbuɗ ki ni ana Dukka). Ndaɗ ay tew tew li jivira maŋ suuna njun u suu hawra.

KOLOSNA 4:2

Cenegi u ɗegeera, kakagi saɓak hu cenda, cen Lona u gi deɓpa.

1 TESALONIKŊA 5:17

Cenegi tew tew.

Magaara JAK Ɓiiriɗta 1:5

Lini sa maa dukugi neemba kaɗi ni nam joɓ Lona kaɗu, nam hin ɦamba. Lona ɦal tlena maŋ suuna halaŋŋi u min mamba jivira.

JOSUWE 24:15

Lini ka irigi jivi a sun Yaweɗi ni managi sa ma agi a sunumma kiyo, lini loogi suu vi somoyogi suu asi goɓosi ay ŋgoo lumma ii hiniŋŋa na kala, lini loogi suu vi suu Amorna hu mbassa agi cuki huruɗ cemi wanda kala ni. An u ziin halaŋ ami sunni Yawe.»

WIRA ŊGAYRA 15:4

Sa ma laŋ ndaaraŋgina ni gege Bu Suuna? Sa ma min geleɗeŋgina ni gege? Aŋ dew ni sa ma teteɗna, njaf suuna halaŋ hin mba goɓ kaŋga fokoŋ a ceneŋga, kay sun maŋga ɗegeera tak ki wa.»