SUNDA 1:8 - Boy Lonana

⁸ Musuk Lonara mba kagi wa ni, agi hin fi saɓakŋa, agi hin li ni a suu man suu vovoɗta diki kanda hu Yerusalem, hu mbassa Yudera, u Samarira halaŋ, gak gak tew ha ki hu li may ma vun ndaŋgara daɓ ay huna.»

SUNDA 1:8 ပူးပေါင်းရင်းမြစ်များ

SOOLLA 22:27

Suu hoŋ yasi gaana ka ti ki u mayasiya. Suu hal Yawena ka ŋgaamu. Suu agina ni suu kak iri u furira din dinna.

SOOLLA 98:3

Nam gi humba kay ɗegee mamba u gasi mamba, kay a wi hahaw suu Israelna. Ta ta hu vun ndaŋgara dodora, suuna wi saɓak ma vi Looyginana ki wa.

EZAYI 42:10

Gagi soolla wilira, geleɗ Yawe, geleɗegina ta ta hu vun ndaŋgara dodora. Suu ay kolo kay mbo ŋgolnana u tlesuu duk mbona halaŋ, daara u suu cuki kaɗna halaŋ, geleɗegi Lona.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 52:10

Yawe tak kom ma teteɗna ki fok njaf suuna halaŋ. Suuna hu duliyara halaŋ wi ki ana Lona suɗ suu mamsina ki wa.

EZAYI 66:19

An hin pi va ma tak kina kolo huwa. An hin sun u suu hin ay hu li ma daŋŋa nde ndena ay huwa, ay eg njaf suu daŋŋa halaŋ halaŋ. Suu Tarsisna, suu Pulna u suu Loudna mbas mayra duu u mburra, suu Tubalna u suu Yavanna u suu ay ki day day suu humun dlan ka dewɗina, suu wan bibiŋil manda ka dewɗi layna, asi hin di ki kay ŋgol manda duk njaf suuna halaŋ.

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

MISE 3:8

An doli ɗaŋŋi u heɓpa vi Musuk Yawera an oyra u saɓakŋa u ɗegeera u siɓpa a tak yara vi Yakobpa u suluk ma vi Israelna kiyo.

MATIYE 24:14

Boy ma Ayra kay Mulla hin njaɗ ki kay ndaŋgara halaŋ. Suuna njay ki duk njaf suuna wa halaŋ a di boy namma kira, ni daɓ nduŋga.»

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

MARK 16:15

Nam hin dasi ana, «Tuɗugi ha ki kay yam mbassa halaŋ, dagi Boy ma Ayra ki maŋ suuna halaŋ.

Boy Ma Ayra Ma LUK Ɓiirimma 1:35

Sa sunda huulona daɗ ana, «Musuk Lonara hin mbay kaku, saɓak ma vi Lo ma kolona hin kuluɓ ki kak ko ŋgussa na. Goo ma ndak hin vuɗumma suuna hin yam ana Goŋ Lo ma gasina.

Boy Ma Ayra Ma LUK Ɓiirimma 10:19

Humugiya, an ɦagi saɓak ma tuɗ kay guygina u huuɗura, ɦagi saɓak ma su kay babali magisina lay. Va ma hin lagi co kaɗi.

Boy Ma Ayra Ma LUK Ɓiirimma 24:29

Asi hin ɗelem ana nam kak u asiya, «Fatɗa ɗikŋi ɗiki may nige.» Nam hin kak may.

Boy Ma Ayra Ma JAŊ Ɓiirimma 15:27

Agi lay ni, agi hin ɓakagi kan lay, kayme agi ay unni hu gijaŋŋa jew day.

SUNDA 1:5

Kay Jaŋ mbus suuna batemma ay jew ni u yona, hin fok buu ew ni agi hin mbus ki ni u Musuk Lonara.»

SUNDA 13:31

Yesu hin li buuna ŋgolo tak tam ki ii suu mamma suu li tuɗ umma col ay Galile tuɗ Yerusalem asi ni suu diki kam maŋ suu Israelna.

SUNDA 2:32

Sa ma an ɓak kam wanna Lona paɗam ki kolo iiriya, ni Yesu aygi halaŋŋi suu diki kamma.

SUNDA 22:15

A aŋ li ni a sa ma diki kam fok suuna, va ma aŋ humumma, wam u iriŋ layna.

SUNDA 3:15

Ni agi cagi ki ni mala iirira. Lona paɗam ki kolo hu miɗna iiriya, ami ni suu diki kamma.

SUNDA 4:33

Suu vovoɗta fi saɓakŋa a di boyna kay paɗta kolora vi Bu Suuna Yesu, Lona paɗ vunum ki kay dlaasira asi laɗta halaŋ.

SUNDA 5:32

Ami ni suu diki kay dla ndaɗta, ami may, Musuk Lonara nam haɗ maŋ suu may suu hum umma may.»

SUNDA 6:8

Etiyen ni sa ma Lona paɗ vunum ki kamma. Nam oyra u saɓakŋa kay paɗvunna vi Lona, nam li dlara mbuɗta u takka ŋgolora duk suuna.

SUNDA 8:1

Sol vi kam a ci Etiyen kiyo. Hu buu namma ni lassa ŋgola ndi kay suu vi Kristuna hu Yerusalem. Suu vina halaŋŋi njay kiyo, hinni suu vovoɗta doy hol, asi njay ki ni hu ndaŋgara Yudera u Samari.

ROMMA 10:18

An ka joɓ mi anaba asi ni bay hum boyna tu su? Ni asi humiya, kay ɓiira di ana, «Suuna humusi delesi ha ki kay ndaŋgara halaŋ lay. Boy masina tew hu li ma duliyara daɓ ki huna.»

ROMMA 15:19

U saɓakŋa vi Musuk Lonara li dlara mbuɗta an gijaŋŋa a di Boy ma Ayra kay Kristu an gijaŋŋa hu Yerusalem tuɗ hu li ma daŋŋa tew ki hu ndaŋgara Illiri.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.