Na ni an hin noy njaf ma vi Yakobma u ma vi saan ma sunda Davidna ki su? Na ni an hin hin bay man mulina hu njafam maŋ njafna vi Abrahamma, Isaak u Yakobma su? Ka naɗi. An hin hoŋosi balamasiya kay ana an wasi hahawasiya.
Kay mulla, saɓakŋa u ŋgolla vi muli suu kaŋga u huulona halaŋŋa ɦasi ki maŋ suu teteɗna vi Lo ma Kolo Dayna, mul mamba ni mulla didinda. Saɓakŋa halaŋ hin sunum may hin hum um may.»
Hu buu namma ni an hin tli yam zira vi Davidta bowira kiyo, an hin miniɗ iriɗ ma bow kina lay. Min tlesuu ɓeŋ kina lay, an hin hoŋoɗ minda ko ndal ndaɗ ay jewra na.
Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.
Yesu kaki kay ɦinira Conora. Suu haɗi mamsina ɦuɗ tasi ay egem asi doy hol, joɓom ana, «Dami ay gi dla ndaɗta hin mba ni saɓage? Va ma hin takami ki kay mbaaŋga, u duliyara a daɓ kira ni mege?»
Nam dasi ana, «Eli hin a mba gi ii tlena ki halaŋŋi nam tuwa. Ni nana Boy Lonana ki ɓiiri lay ana Goŋ Sanna hin fi lassa, asi panam coco lay ni kay mege?