SOOLLA VI SALOMON 1:3 - Boy Lonana

³ Nam irin jivi su mbul ma his jivina. Taŋ irin fayatta ko mbul ma his jivina na. Kay ndaɗta gorɓiina halaŋ hurusi haɗ kaŋ cocoo.

SOOLLA VI SALOMON 1:3 ပူးပေါင်းရင်းမြစ်များ

DI BOLLA 7:1

Sem ma yi jivina su ki kay mbul ma his jivi ma gus loɓma. Buu ma miɗna ni jivi su buu ma vuɗta.

Boy Ma Ayra Ma JAŊ Ɓiirimma 12:3

Mari tli koloɓona koɗ u mbul ma hisna. Mbul ma his namma jiviya, gus way cocoo. Mbul namma lammi u nard. Ndaɗ voom kay sem Yesu, hin saɗam ki u tlimiɗ yaɗu. Huu goŋga oy ki u his mbul namma cocoo.

SOOLLA VI SALOMON 4:10

Mayak van ki cocoo, galanda, mayak guruɗun ki su sum veŋŋa, his mbul mak ma egekŋa jivi su mbul ma his jivina bel bel.

WIRA ŊGAYRA 14:4

Suu asina taɓ tasi ka u boyogi a mbuɗ ki njenjeɗi, ni suu gol u tasi teteɗna, asi tuɗ kay ce Goo Timiina hu li ma nam tuɗ huna halaŋ. Suu asina gususi ay ki duk suuna ni asi mba li maŋ Lona u suu fok jewna maŋ Goo Timiina may.

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.

SOOLLA 133:2

Ni ko ndal mbul ma hisna ay kolo kay yam Aaron day cuɗ ay ki gaa kay njeremba na, cuɗ ay ki kay del baraw mambara na may.

SOOLLA 45:14

Gola, goŋ mulnara ka voo, ndaɗ jivi ɦay, vun baraw maɗta fiyekka ki ŋgufi u lorra.

MATIYE 25:1

«Mulla huulonara tli taɗ ni ko gorɓii suu doogona tuɗ a ŋgaf njuf cara. Pindilla kosi halaŋ.

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

SOOLLA VI SALOMON 5:13

Kiriŋimmi ko ndal sene ma vuɗ mbitlana na, ko ndoos ma paɗ ay kolo his jivina na. Vunummi ko ndal usu pafna day hu fullara na, nam tak ki ni ko ndal mir ma his jivi ma sa wam ka dewɗina na.

2 KORINTNA 11:2

An li honira kagiya ni honira vi Lona kay agi ni ko goowayra an ŋgaɓaɗ a ɗumba maŋ sana dew ni Kristu.

SOOLLA VI SALOMON 3:6

«Sa ma col ay kolo ŋgoo bagi hu fulla ko ndal ndoos kura nana ni gege? Vaɗ ay ki hisna ko ndal mir u mbitla his jivira na.»

VUN ŊGOLNA 27:9

Mbulna u mbul ma his jivina furi huuna cocoo. Sa fi bana ma jivi wa ni su kay gaɗta sana daŋga kolo ɦawara.

SOOLLA VI SALOMON 5:5

An col kolo a mal vunna ki maŋ, galanna, gogor kon u duk kon ki oyra u mbul ma his jivina hu li ma an vi vun manna.

KALKIRA 33:12

Moiz di Yawe ana, «Gola aŋ dan u vun taŋga ana, cuk suuna kiyo, may aŋ takan sa ma aŋ hin sunum u anna kaɗi, doli ɗini aŋŋi sa ma di ana, An waŋ ki ni u seŋ halaŋ, olo ana, Aŋ fi jivira irin wa.»

SOOLLA VI SALOMON 6:8

Gorɓii suu goryoŋ mulinana na dok-karkiya, boyogi suu ŋgolo suu malayaŋ zina dok-kalavandi, ii kem gorira bolow cocoo.

KALKIRA 33:19

Yawe hoŋom dira ana, «An hin li jivi manda kaŋ halaŋ, an hin njaɗ sem Yawe ha ki fokoŋu. An li jivi manda ni kay gegelay ma an minna. An li oora kay gegelay ma an min a lam oorana.»