SOOLLA 97:10 - Boy Lonana

¹⁰ Agi suu minigi Yawena hini dla cora kiyo, nam ka gol iirira vi suu mam suu ɗegeena, nam buɗusi ki ko suu ka wi Lonaɗina.

SOOLLA 97:10 ပူးပေါင်းရင်းမြစ်များ

VUN ŊGOLNA 8:13

Li ndaa Yawe ni aŋ noy ki ni dla cora gaw. Vun ma ŋga tara u kaboyna an ka minimbi, sunda cora halaŋ an ka miniɗɗi.

ROMMA 12:9

Li minda gasira, hin cora kiyo, njunugi tagi saɓaki eg jivira.

SOOLLA 145:20

Yawe ka ŋgom banayamma halaŋ, may nam bulum suu bay ɗegeena kiyo.

SOOLLA 34:14

Sa namma ŋgom sinim jiviya, gol vunum ma di boy ma cona may.

JEREMI 15:21

An buɗuŋ ki ko suu cona. An buɗuŋ ki ko suu ci maɗna.

AMOS 5:15

Noyogi dla cora kiyo, minigi ni dlara jivira, kaagi ɓakŋa u voɗomu, kala Yawe Lona ma saɓakŋa hin wi hahaw suu hin vi Yosefna.

DANYEL 3:28

Nabukodonosor ɓak boyna di ana, «Ko sem Lo ma vi Sadrakŋa, Mesak u Abed Negona, suuna ŋgaamu, ma sun sasunda huulona mamma ay suɗ suu mam suu sunda ki kay ana asi ɦal tasi ki mam mayna. Hu li ma asi su vun mulna, asi ɦal tasi ki a lassa, goɓ lo ma daŋgi may, Loosina dew.

2 TESALONIKŊA 3:2

Kay ami mba buɗ ki ko suu co suu ka ŋgaf u saɗina. Kay suuna halaŋ ka suu vina belɗi.

VUN ŊGOLNA 2:8

Nam njun kay sa ma tuɗ hu voɗta ɗegeera. Nam ka ŋgom poyra vi suu mam suu ɗegeena.

SOOLLA 31:23

Hu li ma an viɗ ki nana, an saa ana aŋ hinin ki wa. Na may aŋ humun delenda cendawa hu li ma an ka yaŋŋa.

1 JAŊ 5:18

Aygi wi ana sa a goŋ Lonna yam ka kay li cora na gak gakgi, kay me Goŋ Lonna nam golom um tew tew, Sa Cona ndak ka a lam va egembi.

1 JAŊ 4:19

Aygi li minda kay Lona miniygi jewe.

1 PIYER 1:5

Ko saɓakŋa vi Lona gologi hu vira na gak gak a juɓ buu ma suɗta ma hin mbana, li namma hinni na tok ni buu ma daɓ daganna.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

DANYEL 6:27

An ɦal voɗta u dlara an laɗ hu mul mandara halaŋŋi suuna li ndaana u Lo ma vi Danyelna, kay nammi Lo ma iirina, nam ka ni a fafaɗta. Mul mamba hin li ni na gak gak daɓpa vi duliyara.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

Magaara JAK Ɓiiriɗta 1:12

Furira ka kay sa ma kak ɗili hu tuk mambana, kay ŋgoo tukka dagani nam hin fi jumba mulla vi iirira, ni va ma Lona vi vunum kam a ɦam maŋ suu minimma.

1 KORINTNA 8:3

Sa ma min Lona, Lona wamu.

EZAYI 45:17

Yawe suɗ suu Israelna ki ni namu. Suɗ ndaɗta hin ha kasi ni na din din. Agiya zolo ka kagiɗi, ŋgul kaɗi lay, ha ni a fafaɗta.

VUN ŊGOLNA 3:7

Ŋga taŋ ko aŋ sa ma wi dla naɗi. Li ni ndaa Yawe na ɗow, ɦal ŋgoroŋ maŋ dla cora.

SOOLLA 125:3

Ҥawaa, suu li dla cora ka ndak a ti mulla kay suu ɗegeenaɗi, suu ɗegeena ka kal tasi hu dlara ci maɗnaɗi lay.

SOOLLA 119:163

An ka min kaboynaɗi, nam ka jiviɗi, an miniŋŋi gaɗ maŋga.

SOOLLA 91:14

Lona di ana, kay nam njun tam egenu, an hin buɗum kiyo, hin golom kay nam wan senu.

1 PIYER 1:8

Agi wam ka u irigi tuɗi lay ni agi minimu, agi bay wam u irigi tu lay ni agi tin hurugi kamu. Kay ndaɗta agi lagi furira ŋgolla, ta sa ndak ka a di boy namma u vunumbira.

ROMMA 7:24

Hahawra ni kan anu. Sa ma hin buɗun ki hu mbalatanda tuɗun hu miɗ namma ni gege?

ROMMA 7:15

Va ma an lamma an ka wam umbi, an ka li va ma an min a lam ginnaɗi, va ma hurun ka minimbina an hin lammi namu.

DANYEL 6:22

Na ɗaŋŋi Danyel ɓak mulna ana, «Aŋ mulna, kak iiri a fafaɗta.

SOOLLA 119:104

An mbuɗ ɓorow ii dlara ki ni u gaɗ maŋga, an hin voɗta vi suu kaboyna ki halaŋ.

SOOLLA 101:3

An ka caa yan kay tlesuu hin ba kinaɗi, an ka min goɓ fulinaɗi, asi ka ndak a fi saɓakŋa kanɗi.

SOOLLA 36:4

Dlara kal ay ki funumba halaŋŋi ganyamba, nam maa ki kay a li dlara jivira.

SOOLLA 121:7

Yawe hin goloŋ ko dla cora halaŋ, nam hin goloŋ iiri maŋga.

AMOS 5:14

Halagi dlara jivira, halagi dla coraɗi a agi kak iirira, ko ndaɗta na Yawe, Lo ma saɓakŋa, hin kak u agiya, ko agi dira na.