SOOLLA 96:8 - Boy Lonana

⁸ ɦal ŋgolla bibiŋilla ni maŋ sem Yawe dew. Mbaagi ɓivun magina ay hu ziimma,

SOOLLA 96:8 ပူးပေါင်းရင်းမြစ်များ

SOOLLA 100:4

Selegi hu vun grek mamma u gi deɓpa, huu ziimma u ŋgara ŋgaamba, ŋgaagina, gam deɓpa.

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

MALASI 1:11

Kay ana col ay maɗii day ta ta tew u fiɗigina ni anni ma ŋgolna duk suuna. Hu lina halaŋ li ɓivun ma ŋgal tlena ni u senu, u tlesuu jivi suu ɦasi ayna, kay ana anni ma ŋgolna duk suuna, Yawe, ma Saɓakŋa Kom Belna, di na.

SOOLLA 72:10

Muli suu Tarsisna u muli suu kay daarana sunum tlena aya, muli suu Sabana u suu Sebana hin ɦam taara ni mamu.

SOOLLA 45:12

Kay mulna mba golok jiviku, nam mbuɗ ni malakŋa, goɓ yak kaŋga fokomu.

WIRA ŊGAYRA 15:4

Sa ma laŋ ndaaraŋgina ni gege Bu Suuna? Sa ma min geleɗeŋgina ni gege? Aŋ dew ni sa ma teteɗna, njaf suuna halaŋ hin mba goɓ kaŋga fokoŋ a ceneŋga, kay sun maŋga ɗegeera tak ki wa.»

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.

HEBRENA 13:13

Ay tuɗuygi doŋ kaana a siɓ panna ko namma may.

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.

FILIPINA 2:17

Iiri manda ndak a wul fok ko va ma sana ɦan a ɓivunna kay viigira maŋ Lona na su? Lini a li ni na ni an hurun furi ɦay, furi man ndaɗta ni u agi halaŋ.

ROMMA 15:16

Kay a kak sa sunda vi Yesu Kristu kay njaf suu ka Juifnaɗina, an lini u sunda ɦanda a di Boy ma Ayra vi Lona kira, kay a njaf suu daŋŋa mbuɗ ki va ma jivi ma Lona furi kamma, mbuɗ ki suu mam suu ndakina u saɓakŋa vi Musuk Lonara.

SOOLLA 111:9

Suu mamsina nam buɗusi ay kiyo, vi galamba u asi a fafaɗta. Sem ki ni teteɗ dlam ŋgolo.

SOOLLA 29:2

Geleɗegi sem Yawe, goɓogi ga fok Yawe. Goɓogi gaa fok Yawe hu li ma teteɗ mamba tak taɗ kina.

SOOLLA 116:19

hu vo kurufu hu kaama kay ziŋ Yawerana, vo hu Yerusalem kurufuwa. Halleluya.

EZEKIYEL 46:3

Suu ɦawana mba a goɓ ga fok Yawe ni hu vun namma, hu buu ma vi Lonna u buu ma luu ma vun tilna may.