Ŋgoo dagan an hum del suuna ay kolo huulona eŋga, ko del suuna bolow coco na, di ana, «Geleɗegi Lona! Bu Suuna, suɗta, bibiŋilla, saɓakŋa, halaŋŋi maŋ Looygina.
Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.
An hum tlesuu Lona lasi kolo halaŋŋa, kaŋga kay ndaŋgara, u ndaŋgara kaŋga hu mbo lum ma ŋgolna tlesuu Lona lasi halaŋ halaŋŋa ka gi soolla ana, «Sa ma kaki kaŋga kay dlamba mulla u Goo Timiina, geleɗta ni masiya, ŋgara, ŋgolla u saɓakŋa mam a fafatɗa.»
An hum della ko suu ŋgolo suu bolowna na. Soo ko mbo ŋgolna ɓaɗta na, ko lona bayra na, an hummi asi di ana, «Geleɗegi Lona Bu Suuna Looygina ni ma Saɓakŋa Kom Belna, nam kaki kay suuna halaŋ mul ŋgolna.
Nam di u delem eŋga ana, «Lagi ndaa Lona, geleɗemu, kay lina ŋga wa a nam a kaɓakŋa kay suuna, cenegi sa ma li huulona, li ndaŋgara, li mbo lumma ŋgolna u yo ma cira.»
