SOOLLA 95:7 - Boy Lonana

⁷ Kay nammi Looygina, nam ka goloygi ni namu, aygi ni yoori suu nam golosina. Cecemi agi wi ki ana agi ka hum umu,

SOOLLA 95:7 ပူးပေါင်းရင်းမြစ်များ

1 DLAŊ MULINARA 16:14

Ni nam Yawe, Looygina, ma ti mulla kay ndaŋgara halaŋŋa.

SOOLLA 100:3

Wagi ki ana Yawe ni Lona. Nam laygi ni namu, aygi ni mamu, suu mamsina ni yoori suu ka hu katlaŋ mambana.

SOOLLA 115:3

Loomina ka kolo huulona, dlara nam miniɗta nam laɗ halaŋ.

SOOLLA 23:1

Soolla vi David. Yawe ni sa ma golonna, tlesuu an hin bay fasi kaɗi.

SOOLLA 48:14

Gologi gulumunna gige, ndumugi zigini suu huna, agi hin di dla ndaɗta ka ki maŋ njaf suu hin ka ŋgorogi daganna.

SOOLLA 67:6

Ko suuna halaŋ gaŋ deɓpa, Lona! Ko asi halaŋ gaŋ deɓpa ko tasi dew!

SOOLLA 74:1

Soolla haɗta vi Azaf. Lona, aŋ zuɗumi ha ki na gak gakŋi kay mege? Huruŋ ɓeŋi eg yoori suu ka hu katlaŋ maŋga na gakŋi amege?

SOOLLA 79:13

Ami suu maŋsina, yoori suu ka hu katlaŋ maŋgana, ami hin geleɗeŋ na gak gak, di ki kay ŋgol maŋga hu basara halaŋ.

KALKIRA 15:2

Saɓakan u sool manda ni Yawe. Nammi sa ma suɗun kina. Nammi Loonna an geleɗemu. Lo ma vi bunna an ŋgaamu.

KALKIRA 20:2

«Anni Yawe, Lo maŋŋa, ma kalaŋ ay ki hu mbassa Egiptera, ay ki hu mbaɓura.

VUN ŊGOLNA 8:6

Humugi dlara an daɗta, dlaɗ ŋgol cocoo, an min dagi ki na ɗal ɗal, ka ŋgay vaɗi.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

JEREMI 31:33

Gola ni galamba an hin vaɗ u suu Israelna ŋgoo dagan wanda. Yawe di na. An hin ɦasi gaɗ manda hurusi kurufuwa, ɓiiriɗ ki egesi lay, an hin li ni a Loosina, asi hin mbuɗ ki ni suu mansina may.

MISE 7:14

Taa suu maŋsina u tokolo maŋga, yoori maŋsina, ka ki duk bubura kay tasiya, duk usuna. Ko asi ti haɗna hu Basan u Galaad ko ndal ay hu buu ma fok jew dayna na.

MATIYE 17:5

Vunum bay ndi kaŋga tu may ni, ɗugulla weleɗta kuluɓ ŋgusna kasiya. Asi hum della ɓak ay dukuɗ ana, «Ni Goron ma an minim ɦayna. An furiyum u hurun halaŋ. Agi vam vunumu.»

SUNDA 20:28

Gologi tagi jiviya, gol timigii suu Musuk Lonara ɦagisina kogi ana agi golosina jiviya. Gologi suu vi Kristuna vi Lona jiviya, suu nam vuɗusi u miɗna vi Goromma.

HEBRENA 11:16

A gasira ni asi hal ni mbassa jivi sura, ni di ana ta kolo huulonara. Ni kay ndaɗta Lona ka li zolo kay a di ana nammi Loosinaɗi, nam minisi zina haa.

HEBRENA 3:13

Ni na ɗow ana gaɗ tagi duk tagi hu buuna tew tew, ay jew day day lay karam lay magaara ka daygiya sa ma dukugi mba ganyam tam a cora mba ŋgelem humum kiɗi.

HEBRENA 3:15

Gologiya va ma magaara damma anaba, «Lini agi hum del Lona karam wa ni, ŋgelegi humugi ki ko agi ŋgelegi humugi hu buu ma agi duu u Lonara naɗi.»

HEBRENA 4:7

Ni kay ndaɗta Lona ŋga buu ma daŋŋa dew olo yam ana karami. Hin ŋgoo daganda ni David hin di hu magaara olo ana, «Lini agi hum del Lona karam wani, ŋgelegi humugi kiɗi.»

1 PIYER 2:25

Agi li ay ni ko timigii suu ki viɗina na, cecemi wanda agi mba eg sa ma taa yoona jivina a gologi Musuk magira.

WIRA ŊGAYRA 3:20

Huma, an ka coli a daɓ vun zira, lini sa humun delenu ni, mal vun zira kiyo an kal varamu, ti funa u namu, nam hin ti u an may.