SOOLLA 95:6 - Boy Lonana

⁶ Selegi aya, mbaygi, goɓoygi ga u vun gifiygi fok Yawe, ma laygina.

SOOLLA 95:6 ပူးပေါင်းရင်းမြစ်များ

FILIPINA 2:10

Kay suu kolo huulona u suu kay ndaŋgarana u suu u ndaŋgara kaŋgana mba hum u sem Yesu, goɓ kaŋga u vun givisi fokomu.

SOOLLA 100:3

Wagi ki ana Yawe ni Lona. Nam laygi ni namu, aygi ni mamu, suu mamsina ni yoori suu ka hu katlaŋ mambana.

DANYEL 6:10

Hu li namma mulna Dariyus tin kom kay gaɗta doo suuna u ndaɗta.

SOOLLA 95:1

Mbagi aya gaygi soolla furira maŋ Yawe, ŋgaaygi ɦini maygi ma suɗuygina.

EFESNA 3:14

Ni kay ndaɗta an goɓ kaŋga u vun givin fok Bunu.

EZAYI 54:5

Kay sa ma mbuɗ tam a njufukŋa sem ana Yawe, ma Saɓakŋa Kom Belna, ma Teteɗ ma vi suu Israelna, ni sa ma buɗuŋ ay kina. Yam ana, Lo ma kay ndaŋgara belna.

1 KORINTNA 6:20

Lona warak kagi a gusugira ni warakiya. Lagi tagi a ɦal ŋgolla maŋ Bu Suuna.

2 DLAŊ MULINARA 6:13

Salomon dasi asi yoo va ma daŋŋa u kawi ma tlawna, fiyekem meter mba' u nus, hayam meter mba' u nus lay, wulumba kolora meter dew u nus may. Nam tinim duk gayra kurufu hu kaana. Salomon ɗiŋ kolo kay va namma, goɓ kaŋga u vun givim, cena.

Boy Ma Ayra Ma LUK Ɓiirimma 22:41

Nam maɗ duk ɦoŋom ki u asi na nde ni, goɓ kaŋga a cen Lona.

1 PIYER 4:19

Ko ndaɗta na suu wihawra u minda vi Lona tuɗ fok a li jivira u hurusi halaŋ maŋ Lona ma li tlena halaŋŋa, ma li u vi vun mammana.

Boy Ma Ayra Ma JAŊ Ɓiirimma 1:3

Lona li tlen halaŋŋi u Boy mamma. Duk tlesuu nam lasina halaŋ va ma bay nam lam u Boy namma kaɗi.

EZDRAS 9:5

Hu li ma a li ɓivun ma fiɗigina ni an kal ay ki hu liin ma hahawra baraw manna lay koɓoɗ manda lay ki hariya. An goɓ kaŋga u vok givinu. An baa kon maŋ Yawe, Loonna.

WIRA ŊGAYRA 22:17

Musuk Lonara u Cara vi Goo Timiina di ana, «Mbaya.» Sa ma hum boy ma namma di ana, «Mbaya,» na may. Sa ma laara camma nam mbaya, sa ma min yo law iirirana nam fam ɦawaa.

SUNDA 21:5

Hu daɓpa vi buu ma kiɗisiya ma ami lam u asina ni, ami jak fok gak gak tuɗ koy mamira. Asi halaŋ tuɗ a tinimira, boyogina lay, gorkemba lay, gak gak tinimi ha ki doŋ kaana. Ami goɓomi kaŋga u vun givimi halaŋ doŋ lumma cenemi Lona.

EZAYI 17:7

Hu buu namma ni suuna cuk irisi ni kay sa ma lasina, irisi hin wi ma Teteɗ ma vi suu Israelnana.

SOOLLA 72:9

Suu taa yoona ŋgoo bagina lay goɓ kaŋga fokomu, suu babali mamsina hin tanaɗ ndaŋgara u sinisiya.

1 MULINA 8:54

Salomon daɓ cen mamba u joɓpa maŋ Yawe halaŋŋi ay goɓi kaŋga ni u vun givim fun givin ma togolla, nam yow kom kolo eg huulona. Hu li ma vunum ndi gana may ni, nam col ay ki koloo.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

SUNDA 7:60

Nam goɓ kaŋga u vun givim sawalla kolo eŋga ana, «Bu Suuna ŋgaasi co ndaɗta kasiɗi,» vunum ndi kaŋga may ni miɗ ni na gaw.

MARK 14:35

Nam ɦuɗ fok nde ni, gi tam kaŋga, cen ana li ni dla ndaɗta liya ni, hahaw ndaɗta ɦuɗ ki egen day.

MATIYE 4:2

Yesu li buuna dok fiɗi, faali lay, njeŋge lay, ka ti vaɗi. Mayra mbuɗ camu.

Magaara Vi Sa Jok Vun Lona OZE 8:14

Israel maa ki kay sa laɗna wa, na may ndaɗ min zigini suu jivina kaɗu. Yuda may ni zul ɦoŋzi ma jivi ma saɓakŋa ni zuliya. Na may an hin sun kura ay kay ɦoŋzi namma ndaɗ hin ŋgal zigini suu jivi asina kiyo.

DI BOLLA 12:1

Humuŋ gaŋ kay sa ma laŋŋa. Hu li ma aŋ ay u zoŋ taŋŋa, hu buu ma dlara co faŋ ka tuɗina. Hu li ma basara cora mbay kay aŋ mbuɗ di ana, «May dla ka kan oloɗi.»

SOOLLA 149:2

Ko suu Israelna furi kay sa ma lasina, ko goryoŋ Siyonna li luu ma vi mul masinana.

JOB 35:10

Na may sa ma di ana, «Lona ma lanna ni arage kaɗi. Nammi sa ma ay gi soolla njeŋge lay a geleɗemma.

WIRA ŊGAYRA 22:8

An Jaŋ hum boy namma u humunu wi u irin lay. An hum boy namma hum may wam u irin wi may, ni tuɗ goɓ kaŋga fok sa sunda huulona ma takansinana a cenemba.

SUNDA 20:36

Pol daɓ ɓak mamma daɓmi, asi halaŋ goɓ kaŋga u vun givisi cen Lona.

Magaara Vi Sa Jok Vun Lona OZE 6:1

«Mbaagi aya, hoŋoygi eg Yawe. Nammi sa dakaygi kina, nam hin ciliygi ki ni nam lay. Nam waɗaygiya, nam hin njunuygi mbiliygi ni nam lay.

MATIYE 4:9

dam ana, «Lini aŋ goɓ kaŋga fokonu ni, an ɦaŋsina halaŋ.»

2 DLAŊ MULINARA 29:28

Suu tokkina halaŋ goɓ kaŋgaa. Suu soolla tuɗ fok u soolla gak may. Suu bu tokolomma buum may ta ta hu li ma ɓivun ma ŋgalam ki ŋgalina daɓ ki tuwa.

2 DLAŊ MULINARA 29:29

Hu li ma asi daɓ ɓivunna kina may ni mulna u suu egemma halaŋ goɓ vogosi kaŋga a goɓ Lonara.

2 DLAŊ MULINARA 29:30

Ŋgoo dagan mulna Ezekiyas u muli suu ŋgolo suu umma halaŋ di njaf suu vi Levina ana, asi ŋga Yawe u boy ma vi Davidna u ma vi Azafna, sa ma wi fokomma. Asi halaŋ ŋga Lona u hurusi ma furira. Ŋgoo dagan asi girif kaŋga goɓ Yawe.

SOOLLA 119:73

Aŋ lanni aŋu, aŋ ka golonu, mbuɗun yali, an a haɗaŋ gaɗ maŋga may.

SOOLLA 139:13

Aŋ minin gilisinni aŋu, aŋ golon ay huu sunni aŋ lay.

EZAYI 44:2

An Yawe, an laŋŋi anu. Ay huu suŋ day ni an laŋŋi anu. Anni sa ma njunuŋŋa. Li ndaaɗi, zoŋ manna Yakob aŋ Israel ni sa ma an manaŋŋa.

EZAYI 64:8

Yawe mbuɗ yara ta ta a kal ki saɓakiɗi, humuŋ gaŋ kay dla coomira na gak gakgi, na may gol iriŋ ay kami halaŋ, ami ni suu maŋsina.