«Agi suu giniŋŋa hin hinigi giniŋ magira ki ni saɓage? Suu pan suuna hin hin panda pananda ki ni saɓage? Suu laɓana hin hin noyra noy yalna ki ni saɓage?
Hu li gorgor ko guna so ki wa ni asi hin kusum kiyo. Boyogina hin ŋgalam kiyo. Na daŋ may suu asina ka wi dlara asi laɗtaɗi. Kay ndaɗta sa ma li dla ndaɗta ka wasi hahawasiɗi may. Sa ma lasina ka wasi hahawasiɗi.
Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.