Hahawra ka kay suu ŋgay dlaasira fok Yawena, suu li sun masira duk ndufundana, saa ana sa ma ndak waygina ni gege? «Sa ma wi dlara aygi laɗta ni gege?»
Aŋ tin saa maŋga kay tlesuu aŋ lasina, di ana, «Sa ma wan kaɗi.» Aŋ ŋga taaŋ mayra ana aŋ wi cocora u haɗ maŋga tuɗuŋ ki ni hu li ma aŋ ba kina. Aŋ di ana, «Anni an dew sa ma ko an na kaɗi.»
Nam dan ana, «Goŋ sanna, aŋ wi wa su? Gola ni dlara suu ŋgolo suu Israelna ka laɗ ki ŋgay gumunda, gegelay ka hu zira fuli mamma ka hura. Asi di ana, Yawe ka ndak a wamiɗi, Yawe noyomi mbas mamira ki wa.»
Nam dan ana, «Suluk ma vi suu Israelna u suu Yudana kal ki saɓakiya, mbassa ki oy u busuna cocoo, ɦoŋzi ma ŋgolona halaŋ ki hoɓi u dla cora. Kay asi ka di ana, Yawe noy mbas ndaɗta ki wa, nam ka ndak a waɗ oloɗi.
Hu buu namma wanni an hin hal huu zi ma Yerusalemma ki u kura konu, an hin kaɓakŋa kay suu kak hu li ma didiŋga ɓak tasi hurusi kurufu ana Yawe hin ka a li va ma jiviɗi lay, ka a li va ma coɗi lay.
