SOOLLA 94:16 - Boy Lonana

¹⁶ Sa ma hin a ɓakan kay suu li dla cora ni gege? Ma hin a njun kasina ni gege?

SOOLLA 94:16 ပူးပေါင်းရင်းမြစ်များ

2 MULINA 10:15

Ҥuɗ ha ki na day ni Jehu wi Yonadab ma goŋ Rekabma tuɗ ay ŋgafam aya. Jehu gam deɓpa, joɓom ana, «Na ni huruŋ ɗegee u an ko ndal an hurun ɗegee egeŋga na may su?» Yonadab hoŋom dira ana, «Ҥaa.» Jehu hin di ana, «Jiviya mbay vay ko taya.» Jehu hin tlam kolo hu pus pus mamma.

2 MULINA 9:32

Jehu poŋ yam kolo gol ha ii zira na ni di ana, «Sa ma min a njun unna ni gege? Ni gege?» Suu ɦuɗusi ki paɗi suu li sunda vi mulna mba u hindi gis tasi ay egemu.

NEHEMI 5:7

Saara mba hurun a hal voɗta yal suu ɓii magaara, suu kaɓakŋa. An hin dasi ana, «Ni dlara nekka agi tlaɗ kay suu wanna u suu hiŋŋara.» Olo, an hin yasi hu tokka ŋgolla.

SOOLLA 118:6

Yawe ni manna, an ka li ndaa va oloɗi, suuna ndak a lan me egenni ge?

SOOLLA 17:13

Col koloo, Yawe, ŋgafasiya, hoŋosi ha ki dagani. Suɗun ki ko suu co asina u ŋgew maŋŋa.

SOOLLA 59:2

Ҥi, Lona, suɗun ki ko suu babali mansina, golon ko suu gonok mansina.

EZAYI 59:16

Nam gol wanni sa ma tli tam ka na dewɗi, nam mbuɗ saa cocoo kay sa ma a njun suu mamsina kaɗi. Kay ndaɗta nam mbay njunusi u tamba. Ɗegee mamba ni a va ma asi deŋ tasi egemma.

EZAYI 63:5

An gol irinni sa ma njunun kaɗi, an viɗ ki duk na viɗ sa ma van kon kaɗi. Kay ndaɗta kon njununni namu, saɓak manna ni sa ma egen a njununna.

JEREMI 5:1

Tuɗugi hu voɗta Yerusalemba, gologi ɗaŋ hin joɓogiya, halagi hu li namma. Agi fi sa dew su? Agi fi sa njun kay sa ɗegeena dew su? Ma hal a di gasirana. Na daŋŋi an hin ɦal gira maŋ ɦoŋzina.

EZEKIYEL 22:30

Dukusi ni an hal ana fi sa ma jivi ma min gulumunna kolo su, fi sa ma hin a col fokon a vi kura kolo su, ni kay tlesuu ka hu mbassana. Kay ana ka an hin ɓalak tle asina kiɗi, na may ni an fi sa kaɗi.

NDUMBA 10:35

Hu li ma Zandukka ka tuɗ na ni Moiz di ana, «Col koloo, Yawe, suu babali maŋsina hin njay kiyo, suu gonok maŋsina yow liŋŋa fokoŋu.»

MATIYE 12:30

«Sa ka tuɗ unɗi na, ni babali manna. Sa ka taɓ tlegeyem u anɗi na, ni nam njayasi ki ni ɦawaa.

3 JAŊ 1:8

Aygi suu taɓi u Yesuna min col sem sun ndaɗta eŋga ni aygiya, ni ana sun masira asi laɗ kay gasira aygi duk may.

SUU KAƁAKŊA 5:23

«Sa sunda vi Yawe di ana, gagi vunna maŋ ɦoŋzi ma Merosna. Gagi vunna maŋ suu hu zi nammana, kay asi mbay ka a njun u Yaweɗi. Asi mbay ka a njunum u suu masi suu wi duunaɗi.