Aŋ hin ci suu vi Akab sa ŋgol maŋŋana kiyo. An hin sa sukul suu man suu sunda suu jok vun Lona u busu suu sun suu vi Yawena halaŋ, ma Jezabel voom ki kaŋgana kiyo.
Dagi suu ɓik vun digisina ana, Lakagi saɓaki, laki ndaaɗi, gologiya, Loogina mba wa. Sa sugulna mba ni namu. Ni warak ma col ay vi Lonna Nam u tamba suɗugi kiyo.
Vunna ka liya. Suu ŋgay tasina u suu usi hin hu mbassa Babilondana mbay ɓak hu Siyon kay sa sugul ma vi Yawe, Looyginana, sa sugul ma ay kolo huulonana.
Gasi nam ka mbay kaɗu, sa li dla cora, mbay kay Babilon. Suu maɗ suu saɓakŋa casi ki wa, gu mburu masira kusuɗ ki wa. Yawe ni Lo ma wi hoŋdira, nam wi yal ma warak suuna kay dla coosira.
Liŋigi ki hu Babilon gegelay ŋgay tamu. Li ka naɗi ni agi hin viɗ kiyo hu li ma ndaɗ hin warak ki kay dla cooɗtana. Yawe liim ma sa sugulna mba wa. Nam warakaɗ ni va ndaɗ minimma.
Yawe ni Lo ma yowmus coco lay, sa sugulum layna. Yawe sa sugulumu, yaamba li suuna ndaana ɦay. Yawe sa sugulum u suu babali mamsina, nam mbuɗ yara eg suu babali mamsina.
Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.»
Sa sukulna u warak ma warak sana ni kon anu, cemi ni li ma col sesi huna ka tuwa, buu masi ma yoora hinni na tok daŋ. Dlara miniɗ ka ki kasira ka a juɓ ta ta oloɗi.»
