SOOLLA 93:1 - Boy Lonana

¹ Yawe ni mulna, nam cukŋi baraw ma mulla, Yawe u saɓakŋa cuki egemu. Na daŋ may duliyara kak eŋga ni umu, va ma ŋgeneɗ kaɗi.

SOOLLA 93:1 ပူးပေါင်းရင်းမြစ်များ

1 DLAŊ MULINARA 16:30

Lagi ndaana fokomu, ndaŋgara u ŋgoloɗ halaŋ, gasi duliyara kaki saɓaki, ka ŋgeŋeɗɗi.

1 DLAŊ MULINARA 16:31

Ko huulona li furira, ko ndaŋgara li ayra, ɓakagi duk njaf suuna ana, «Yawe ni mulna.»

1 DLAŊ MULINARA 29:12

Begera u saɓakŋa col ay ni koŋu. Aŋŋi sa ti kay tlena halaŋŋa. Eŋga u saɓakŋa ay ni koŋu, saɓak ma tli suuna kolo, ɦasi eŋgana.

JOB 40:10

Kay ndaɗta min taŋ ay u bibiŋilla u ŋgolla, cuk weleɗta u bigawlara ay egeŋu.

SOOLLA 103:19

Yawe tin dlam mamba mulla ka kolo huulona, mul mamba ti kay suuna halaŋ.

SOOLLA 145:13

Mul maŋga ni mulla din dinda, mul maŋga ka ni hu basara basara halaŋ. Lona ni gasira, ɗegee hu sun mamba halaŋ.

SOOLLA 18:32

Yawe maygina dew a Lona ni namu. Ҥini ma fokoygina ni gege? Ni Lona dew.

SOOLLA 59:13

Vunusi oyni u dla cora, boy ma asi damma halaŋŋi cora. Ŋgaa taasira cukusi ki ga wa, kay asi ni suu kaboyna, hin ŋgal kiyo.

SOOLLA 65:6

U ɗegee maŋga aŋ hoŋomi dira kay cen mamira, Lona, saami ma suɗta. Aŋŋi heɓpa kay ndaŋgarara halaŋ gak gak hu vun mbo ŋgolna lay.

SOOLLA 65:7

Nam gol ɦinira ni u saɓak mamma. Nam tak saɓak mamma kiyo.

SOOLLA 75:3

Lona di ana lini liin ma an ŋgaamma ndak wa ni, an kaɓakŋa ni u ɗegeera.

SOOLLA 96:10

Di ki duk suuna ana, «Yawe ni mulna. Na daŋ may duliyara kak saɓakŋa ni umu. Nam kaɓakŋa kay suuna ni u ɗegeera.»

SOOLLA 97:1

Yawe ni mulna. Ko suu kay ndaŋgarana halaŋ geleɗemu, mbo lumma lay furiya.

SOOLLA 99:1

Yawe ni mulna, suuna halaŋ dlak ndaana komu. Nam kak kay Serubim, sa sunda huulona, ndaŋgara ka dlak ndaana komu.

EZAYI 11:5

Ɗegeera ni a gandi ma njuni hurumma, gasira ni tlagara njuni hurumba may.

EZAYI 45:12

Anni sa ma min ndaŋgarana, cuk tlesuu iirina kaɗ ni an lay. An li huulona kolo ni u bik kon lay. Suu kolo huulonna halaŋ an golosi, ɦasi gaɗta ni anu.

EZAYI 45:18

Yawe li huulona ni namu, nammi Lona, nam li ndaŋgara ni nam lay. Nam laɗ ni hini yaɗ ka ki ɦawaɗi, ni kay a suuna cuk zina kaɗu. Nam di ana, anni Yawe, sa ma daŋ ma ko ndal an na kaɗi.

EZAYI 49:8

Yawe di ana, hu li ma oora ni an humuŋ cen maŋga. Hu buu ma suɗta ni an mbay njun kaŋu. An goloŋ ŋgayaŋ ki vay daŋ zeɗ. Aŋŋi a galamba an vaɗ u suunara, a aŋ min yam mbassa halaŋ. A aŋ ɦal ɓorow ma vi njaf suu ay ki njayna may.

EZAYI 51:16

An li huulona ni anu, min ndaŋgara ni an lay. An di suu Yerusalemma ana, agi ni suu mansina, an hinigi Boy manna ka ni kogiya, an gi garaŋan kagi wa.

EZAYI 51:9

Dliɗ kiyo, Yawe, dliɗ ki zak. Dliɗ ki u saɓak maŋŋa. Dliɗ ki ko fok jewra na, hu li ma vi somoyomi suu jak ki jewna, aŋ ci suu Egiptena ki ni ka aŋgi su? Aŋ ci vabak ma hu njaf Rahabma ay ki ni ka aŋgi su?

EZAYI 52:7

Jivi coco kay hum sem sa ma di boy ma ayra tuɗ ay kolo kay ɦinira. Nam mbaaraygi ni heɓpa, mba day dlara jivira u suɗta. Nam daŋ ana, «Yerusalem, Looŋŋa ni mulna.»

EZAYI 59:17

Gasi ndaɗta mbuɗ kommi ko barina na, nam tin jum ŋgolla suɗta kam wa. Cuk baraw ma sa sukulna egem may. Yowmusna egem cuki ni ko barawna na.

EZAYI 63:1

Sa ma tuɗ ay col ay hu mbassa Edomba namma ni gege? Ay hu zi ma Bosrana u baraw ma tlawna tamu. Vun baraw mamma ki ŋgufi u kura funumu, tuɗ u saɓakam cocoo, sa namma ni gege? «Ni an, Bu Suuna, an ka u saɓak ma suɗta, an mba ni a tak ki ni kiɗikka ana an tiwara.»

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

HEBRENA 1:8

Kay Goona ni, Lona di ana, «Dlam maŋga mulla, Lona, tiniŋ kaɗ ni a fafatɗa. Aŋ ti mul maŋga ni u ɗegeera.

WIRA ŊGAYRA 19:6

An hum della ko suu ŋgolo suu bolowna na. Soo ko mbo ŋgolna ɓaɗta na, ko lona bayra na, an hummi asi di ana, «Geleɗegi Lona Bu Suuna Looygina ni ma Saɓakŋa Kom Belna, nam kaki kay suuna halaŋ mul ŋgolna.