SOOLLA 92:14 - Boy Lonana

¹⁴ Pii hu zi ma vi Yawena, asi ɗuf hu zira vi Looyginara.

SOOLLA 92:14 ပူးပေါင်းရင်းမြစ်များ

JOB 17:9

Na may ko sa ma ɗegeena tuɗ fok u ɗegee mamba. Sa ma duk kom ki teteɗna lam ki teteɗ hu olo.

SOOLLA 1:3

Sa namma ni ko gu ma pii doŋ lummana na, nam vuɗ vuɗummi hu liim tew tew. Humum ka yak kiɗi lay, dlara nam a laɗta halaŋŋi nam faɗu.

SOOLLA 71:18

Lini an mbuɗ ki maa lay, yan mbuɗ ki haɓ lay ni, aŋ Lona noyon kiɗi. Ko an di dla sun maŋga aŋ laɗ u bik koŋga ki maŋ njaf suu dagan wanna may.

VUN ŊGOLNA 4:18

May voɗta vi suu ɗegeena ni kiɗikka fo lina, kiɗik ndaɗta tuɗ ha fok gak gak ɓo lina kiyo.

EZAYI 46:4

ta ta hu maa magira lay an u agi ni ko ndaɗta na, ta ta hu li ma tlimiɗ yagi mbuɗ haɓpa lay, an ziirigi gak gak, An ni sa ma njun kagina. Anni sa ma ka ziirigina, Anni sa ma ka sipma, buɗugi ay kina lay.

JEREMI 17:8

Ni na lay kay ŋgusu ma pii fun mbona na, ma sii sariyam ha kaŋga duk mbonana. Nam ka wi faɗta egembi lay, humum warra na tew tew lay. Basara haw yona dew daŋŋi ka lam vaɗi. Nam ka seŋ duk bay vuɗtaɗi.

EZEKIYEL 47:12

Hu doŋ lumma keŋem jakŋi ŋgusugi suu tira wuli hu cocoo, baɗasi zeɗ zeɗ halaŋ. Humusi ka yak kiɗi. Asi vuɗ cocoo, vuɗusi ne ni hu tilna dew dew halaŋ. Kay ana mbo ma col ay hu Ziŋ Lonara ka si usi tew tew. Asi tasi vuɗusi may, lasi humusi ni a kumuna gaw may.»

MATIYE 3:10

Njetna ka gira a ka sari gugunina kiyo, gu ma vuɗum ka jiviɗi na, kaam kiyo, gam ki duk kura.

FILIPINA 1:11

Iiri magira hin hoɓi u sunda ɗegeera ta Yesu Kristu laɗta, sun ndaɗta li u ŋgolla u geleɗta vi Lonara.

Magaara JUD Ɓiiriɗta 1:12

Asi mba dukugi a ti ti ma wayara u agi ni ganagi yagi ni ganiya. Asi luu luu masina bay zolona, saa ni kay tasira doy hol, asi ni ko ɗugulla semeɗna valawaɗ ki bay si yonara na. Asi ni ko guguni suu ka vuɗɗina na, lini hu tilisi ma vuɗta lay ni asi ki ni ɦawaa, ko guguni suu paɗ ki kolo u sariyasi bel bel ki miɗina na.