SOOLLA 90:8 - Boy Lonana

⁸ Aŋ tinimi coomira kolo fokoŋu, dlaamira ŋgayra ki kiɗik iriŋ halaŋ.

SOOLLA 90:8 ပူးပေါင်းရင်းမြစ်များ

JEREMI 16:17

Irin ka tinira kasi hu liisi ma tuɗtana ta, va ka viɗ irinɗi. Dla coosira ka ndak a ŋgay irinɗi.

DI BOLLA 12:14

Sunda ay laɗta halaŋŋi Lona hin joɓ ki kaɗ dew dew bel. Ta ŋgayra halaŋ, lini ndaɗ jivi lay, co lay.

JEREMI 23:24

Lini sana ŋgay tam ha ki day lay ni, an hin ka wambi su? Di na ni Yawe. An oy li ma kolona u li ma kaŋgana, ka ki ni anɗi su? Yawe di na.

SOOLLA 19:12

An saaŋ ma sunda hum haɗ ndaɗta wa. Aŋ warakanu kay anni sa ma hum u dlaaŋgana.

WIRA ŊGAYRA 20:12

Ŋgoo dagani an wi suu miɗina, suu ŋgolona u kemba lay coli kolo u sesi fok dlamba mulla. Magaara huruɗ ki mali fok sa ma kaki kay dlamba mullana, magaa hiŋga ki mali olo ndaɗta ni magaara vi iirira. Suu miɗina kasi ɓakŋa kasi ni u dlara asi laɗta, ni u ɓii mayra ay ɓiiri hu magaara.

1 JAŊ 3:20

Lini huruygi takaygi cooygira ki iriygiya ni Lona ni ŋgol su huruygiya nam wi tlena bel lay.

SOOLLA 10:11

Sa ma cona di tam hurum ana, «Lona maa ki wa, nam ha ki day, ka wam ayɗi.»

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

ROMMA 2:16

Ni va ma Lona hin kaɓakŋa kay suuna u Yesu Kristu u tlesuu ŋgay huu suuna halaŋ ko Boy ma Ayra ma an ka dam wanna dira na.

EZEKIYEL 8:12

Nam dan ana, «Goŋ sanna, aŋ wi wa su? Gola ni dlara suu ŋgolo suu Israelna ka laɗ ki ŋgay gumunda, gegelay ka hu zira fuli mamma ka hura. Asi di ana, Yawe ka ndak a wamiɗi, Yawe noyomi mbas mamira ki wa.»

VUN ŊGOLNA 5:21

Kay ii Yawe ka wi voɗta vi suunara halaŋ, nam ka golosi voɗta asi tuɗ huruɗta halaŋ.

SOOLLA 80:16

Suɗ gugutlu ma aŋ pam u bik koŋŋa, u gor suu aŋ cukusi u taŋgana.

SOOLLA 50:21

Gola ni dlara aŋ laɗta, ni an hin seŋ gasi tan na ɗaŋ su? Aŋ saa ana anni ko ndal aŋ na may su? An takaŋ dlaaŋga aŋ laɗta ki fokoŋ halaŋ.

JOB 34:21

Kay Lona irim ka cuki kay poyra vi sa warna. Nam ka njumum sem ma tuɗta halaŋ.

DLAŊ LEVIRA 4:23

Asi takam coomba nam laɗta ki wa ni, nam mbaa ŋgekŋa aya, ni ɦu ma bay ŋgulla egemma.

DLAŊ LEVIRA 4:28

Lini asi takam coomba nam laɗta ki wa ni, nam tuɗ vi ɦu tamara aya nira bay ŋgulla egeɗta, kay dla cora nam laɗta.

JOB 10:14

Lini an li co wa ni aŋ gaɗanu. Maaran coon taa ki kaŋgaɗi.

SOOLLA 109:15

Ko dla ndaɗta hin ha fok Yawe na gak gak, nam bulumusi dlasi ki hu duliyara.

JEREMI 2:22

Lini ndak mbus tak ki u tumuɗta lay, lini ɦok tak ki na teteɗ lay, balam dla cookka ka egek fokon gak gak. Bu Suuna Yawe di na.