SOOLLA 90:17 - Boy Lonana

¹⁷ Ko heɓpa vi Bu Suuna Loomina li kamiya. Ko ndaɗ soomi umi hu sunda ami ka laɗta, na daŋ may sunda ami laɗ u bik komira.

SOOLLA 90:17 ပူးပေါင်းရင်းမြစ်များ

VUN ŊGOLNA 16:3

Tin dlaaŋga aŋ min a laɗta halaŋ fok Yawe, ni dlaaŋ ndaɗta hin li kiyo.

1 KORINTNA 3:7

Sa pi guna u ma voom yona asi jakŋi ɦawaa, Lona susi bel kay nam wulummi namu.

2 TESALONIKŊA 2:16

Ko Bu Suuna Yesu Kristu u tamba u Lona Buy ma miniygina u jivi mamba ɦaygi so huu ma din dina u juɓpa lalamba.

EZAYI 26:12

Yawe, aŋ ɦami heɓpa, dlara ami laɗta aŋ lamira ki komi halaŋŋi aŋu.

SOOLLA 118:25

Ҥi, Yawe, njun ay umiya. Ҥi, Yawe, ɦami saɓakŋa a su kay suu babali mamsina.

JOB 22:28

Lini aŋ saa wa a li dlaa ni dla ndaɗta ndak liya. Kiɗikka hin mbuɗ weleɗ fokoŋ hu voɗ maŋga.

SOOLLA 80:3

Tak taŋ ay ki ii suu Efrayimma, u suu Benjaminna u suu vi Manassena, col saɓak maŋŋa koloo, mbaya suɗumi kiyo.

SOOLLA 68:28

Fok jewna ni njaf Benjamin goo toɓona, suu ŋgolo suu hu njaf Yudana cuk baraw fiyekka tasiya. Ŋgoo dagan suu ŋgolo suu Zabulonna u suu Neftalina.

SOOLLA 80:7

Aŋ mbuɗumi ki a va ma yara eg suu vok ziimina, suu babali mamsina ka san umi cocoo.

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

SOOLLA 110:3

Hu li ma aŋ tuɗ duuna suu maŋsina tuɗ uŋ u furira. Suu maŋsina mbay egeŋ kay ɦinira teteɗta, ko ndal mbaɗagira gi maɗira na.

SOOLLA 50:2

Ay hu Siyon, li ma jivi pasiyakŋa, Lona ka weleɗ ay huwa.

SOOLLA 27:4

An joɓ Yawe kay va dew, ni an kak hu Ziŋ Yawera, hu buu ma iiri manda halaŋ, a gol jivira vi Yawera, golom Ziimba jivi may.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.