SOOLLA 9:10 - Boy Lonana

¹⁰ Yawe ni ɦoŋzi ma saɓakŋa kay suu ka lasna, hu li ma lassa ka lasina, nam suɗusiya.

SOOLLA 9:10 ပူးပေါင်းရင်းမြစ်များ

2 SAMUEL 22:3

Lona ni ɦinira an ŋgay tan hura, ni mbari manna, ɓagi man ma saɓakŋa, ɦoŋziin ma jivina, liin ma ŋgayra, saan ma suɗta, aŋ suɗun ki ko suu duurunna.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

SOOLLA 37:28

Kay Yawe minni suu boyosi ɗegeena, nam ka hin suu mam suu ɗegeena kiɗi. Nam ka golosi tew tew, may suu li dla cora njafasi bulum kiyo.

SOOLLA 37:39

Suɗta vi suu ɗegeena col ay ni ko Yawe, nammi sa ma ka njunusi hu dlara fasira.

SOOLLA 5:11

Ҥi, Lona, golosi ko suu ɓakŋa vasi kina na. Dlaasira asi ŋgaɓaɗta cukusi ki kaŋga wa. Aŋ cukusi kiyo kay ci maɗ masi ma ka ndumbina, kay asi duu ni u aŋ taŋga.

SOOLLA 57:1

Soolla vi sa ma fok suu gi soollana, soolla vi David, ɓalak va kiɗi. Nam gi sool ndaɗta ni hu li ma nam pii ki ko Sol, ŋgay tam ha gi hu zul ɦinirana.

SOOLLA 91:14

Lona di ana, kay nam njun tam egenu, an hin buɗum kiyo, hin golom kay nam wan senu.

VUN ŊGOLNA 18:10

Sem Yawe ni zi mayra mini eŋ coco ta ŋgayra. Suu ɗegeena ŋgay tasi huwa ni suɗ kiyo.

EZAYI 25:4

Kay aŋŋi mbari ma vi suu maŋinana mbari ma vi suu hawra suu ka hu yoorana. Aŋŋi li ma ŋgay ko babaana, ni ŋgus ma koɗ tara, kay ana boy ma vi suu las suuna ni ko babaa ma bow gulumuna ki gana na.

EZAYI 45:19

An njaɗ dlara halaŋŋi ka ki ŋgayɗi, njaɗaɗ ka ki hu li ma ndufunɗi lay. An di njaf suu vi Yakobma ka ana asi halan ha ki ni hu li ma ɦawana naɗi, Anni Yawe, an di ni dlara gasira. An di ki ni dlara ɗegeera.

JEREMI 29:13

Agi hin halanu, hin fan may. Agi hin halanni huurugi tagira kurufuwa.

NAHUM 1:7

Yawe jiviya, nammi ŋgus ma kay suuna hu buu ma wi hawrana. Nammi sa gol suu ŋgay tasi egemma.

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

1 JAŊ 2:3

Lini aygi vi vun gaɗta vi Lonara ni aygi wi ki kaygi ana aygi wi Lona na lay.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.