Suu hu ndaŋgarana hin li furira ŋgolo kay maɗ suu mba' asina. Asi hin li ayra ŋgolo ɦal tlena maŋ tasi lay, kay ana suu jok vun Lona suu mba' asina ɓeŋ ndaŋgara ki cocoo.
Yawe li ni dlara nam daɗ kira. Nam faɗ ki ni vun dlara nam daɗ ay ki hu buu ma ki fok jew daynara. Nam hawaɗ tlena ki ni ka saaɗi. Nam cukuk suu babalira ay kaku. Nam mbuɗ suu babali maksina saɓak suuku.
Yawe hin mbuɗugi ni a suu paɗ liŋŋa fok suu babali masisina. Agi cuk ha ki a ŋgafasira ni hu voɗta dewra, hin njay kogi a liŋŋa ki ni hu voɗta zeɗ zeɗ kiɗisiya. Dlara lagi ndaɗta mbuɗ suu kay yam mbassa halaŋŋa ki ndaa cocoo.
An hin munugi duuna kagiya, kay a gagi daŋgayna kay agi bus galamba vaɗ u anda kira, hu li ma agi tok tagi hu ɦoŋzi ma ŋgolna a ŋgayra ni an hin gagi tuguɗira cora ay kagiya, agi hin ki ni ko suu babali magisina.
An hin pereɗ zagaɗan magiya, suu babali magisina hin cagiya, suu gonok magisina hin lak a mulina kagiya. Agi hin yow liŋŋa ni bay sa ma dikigi ugi lay.