SOOLLA 86:5 - Boy Lonana

⁵ Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

SOOLLA 86:5 ပူးပေါင်းရင်းမြစ်များ

NEHEMI 9:17

Asi min ka humbi. Humusi gasi ka kay dlara mbuɗ mbuɗ ta aŋ laɗ egesiraɗi. Asi tin saarasi ni a hoŋ hu liisi ma mbaɓura. May aŋ taŋga, aŋŋi Lo ma ɦal heɓpa, jekjeke lay, oo coco lay, ka ɓeŋ huruŋ zakgi lay, ɗegee coco lay, aŋ noyosi ka kiɗi.

SOOLLA 103:3

Nam bulumuŋ cooŋga ki halaŋ, nam garaɗaŋ tuguɗiira laŋga ki lay.

SOOLLA 103:8

Yawe ni sa ma wi hahaw suuna u minda, nam ka mbuɗ ya na zakgi, nammi sa ma ɗegeena.

SOOLLA 119:68

Aŋŋi sa ma jivina, ɗegee lay, haɗan gaɗ maŋga aya.

SOOLLA 130:4

May aŋ tin vaɗ huuna kay suuna, kay ndaɗta asi hin laŋ ndaaraŋu.

SOOLLA 130:7

Agi suu Israelna tin saa magira kay Yawe, kay Yawe ni sa ma li oora kay suuna, nam ndaki a suɗ suuna ki halaŋ.

SOOLLA 145:18

Yawe ka tok eg suu yam semma, nam ka tok eg suu yam u hurusi dewna.

SOOLLA 25:8

Yawe jiviya, nam ɗegee, nam tak voɗta maŋ suu li dla cora.

SOOLLA 36:7

Ɗegee maŋga ni ko ɦinira vi Yawera na, ɓak ma aŋ kaamma ni ko zul ŋgolla na. Yawe aŋ suɗ suu warna u yoorina.

SOOLLA 50:15

Na ɗaŋŋi yan hu li ma dlara faŋŋa, an hin suɗuŋ kiyo, aŋ hin ŋgaan may.

SOOLLA 52:1

Soolla vi sa ma fok suu gi soollana, soolla haɗta vi David.

SOOLLA 69:14

Yawe gola ni cen manda, lina ndak wa a aŋ humunda. Aŋ Lona ni sa ma ɗegee maŋga ŋgolna, hoŋon dira kay aŋŋi suɗta gasira.

SOOLLA 69:16

Hinin a mbo ma ɓaɗna tlanɗi, hinin a an mba hu li ma ndufunnaɗi, hinin a goloŋga dug vunuɗ kanɗi.

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

KALKIRA 34:6

Yawe jak fokom na ni nam yiya, «Yawe, Yawe, Lo ma oora, ma hurum oy u jivirana, ma ka mbuɗ ya zakgina, ma hurum oy u ɗegeerana.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

JEREMI 33:3

Yanu, an hin humuŋu, an hin takaŋ tlesuu ŋgolona, tlesuu sa ka ndak wasiɗina, aŋ ka wasiɗi layna.

EZEKIYEL 36:33

Bu Suuna, Yawe, di ana, hu buu ma an mbusugi ki teteɗ ko suluk maginana ni, an hin zul ɦoŋzina ki cocoo. Zi ma ki tooy kaŋgana hin min ki kolo lay.

EZEKIYEL 36:37

«Bu Suuna, Yawe, di ana, an hin li ko ndal wanda na olo. An tak tan ii suu Israelna a njun usi hu dlara fasira. An hin zulusi ko ndal yoori suu zuli hu kadlaŋgana na.

DANYEL 9:9

Aŋ Bu Suuna, Loomina, oora u bulum cora ni maŋsina, kay ana ami li yara egeŋu,

JOEL 2:13

Yoorogi hurugi na ɗow, haragi barawi magisinaɗi, hoŋogi ay eg Yawe Loogina. Nam ka tew tew u heɓpa hurum ka ɓeŋ zak zakgi, ɗegee cocoo. Nam yoo tam kay dla cora ɦay.

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

SUNDA 2:21

Ni suuna halaŋ gegelay ma yi sem Bu Suunana hin suɗ kiyo.

EFESNA 2:4

Jivira vi Lona ta ŋgolla u min mamba nam miniygira.