SOOLLA 79:10 - Boy Lonana

¹⁰ Ka hin suu ka waŋ aŋ Lonaɗina joɓomi ana, «Loosina arage» ɗi. A njaf suu ɦawana wi dlara ni umiya sa sukul suu maŋ suu asi casi kina.

SOOLLA 79:10 ပူးပေါင်းရင်းမြစ်များ

SOOLLA 115:2

Suu ka wi Lonaɗina di kami ana, «Loosina ni arage?» kaymege?

SOOLLA 42:10

An di Lona, ɦini manna, ana, «Aŋ maaran ki ni kay mege? An poy u yoora na ni kay mege? Aŋ hin suu babali mansina lasan amege?»

SOOLLA 42:11

Dlaasira mbuɗ egenni ko mbil mbeŋŋa na, hu li ma suu babali mansina ŋgulunna. Tew tew asi ka joɓon ana, «Looŋŋa ni arage?»

SOOLLA 42:3

May Lona kan cocoo, Lo ma iirina, an hin kal kalafi a col fok Lona ni saɓage?

SOOLLA 42:4

Faali lay, njeŋge lay, simina mbuɗ ko vaan ma tira na, hu li ma asi ka dan tew tew ana, «Looŋŋa ka ni arage» na.

SOOLLA 58:11

Suu ɗegeena hin furi cocoo hu li ma asi wi Lona saasi sukulusiya. Asi hin mbus sesi ki ni u busu suu cona.

SOOLLA 9:16

Njaf suu daŋŋa cuk hu zulla asi vegeɗta tok, sesi cuk hu bayra asi gunuɗta.

SOOLLA 94:1

Yawe, aŋŋi Lona ma kaɓakŋa, col koloo Lona, kaɓakŋa.

KALKIRA 6:7

«An hin mbuɗugi ki ni a suu mansina, an hin li ni a Loogina may. Agi hin wi ki ana, anni Yawe, ni Loogina, ni sa ma buɗugi ay ki ko lassa Egiptera.

KALKIRA 7:5

Suu Egiptena hin wi ki ana anni Yawe, hu li ma an tin kon kasi wa a cuk suu mansina ay ki dukusiya ni suu Israelna.»

EZAYI 64:1

Aŋŋi ko ndal kura zak usuna kira na, ko kura zal mbona kira na, aŋ hin tak taŋ ki ii suu babali maŋsina ana, aŋŋi Lona, njaf suuna halaŋ mbuɗ ki ndaana koŋu.

JEREMI 51:24

An warak Babilon u suu Kaldena halaŋ ki kay dla cora asi laɗ eg suu Siyonna ki ni irigiya. Yawe di na.

JEREMI 51:35

Tiita manda u dla coonda hoŋ ndi kay Babilon. Suu hu Siyonna ndak a di na. Ko busuɗun hoŋ vo ni kay suu Kaldena. Yerusalem ndak a di na.

YOORA 1:22

Ko dla coosira halaŋ mbay fokoŋu, aŋ lasi ko aŋ landa na may kay dla coonda halaŋ. Kay ana yoo taanda bolow cocoo, an tan ki tuguɗi halaŋ.

EZEKIYEL 36:23

An hin tak teteɗta vi sen ma ŋgol coco ma agi ɓalakam ha ki duk njaf suu daŋŋana. Sen ma agi ɓalakam ha ki dukusina, ni njaf suu ɦawana hin wi ki ana anni Yawe. Di ni Bu Suuna, Yawe. Ni hu li ma an hin tak teteɗ manda ki u agi dukusina. Asi hin wi ki u irisi halaŋ.

JOEL 2:17

Duk ɦoŋ vun goŋga u givin ma togolla, muli suu li ɓivunna u suu ŋgolo suu sunda vi Yawena tii tasi huwa. Asi di ana, «Yawe wi hahaw suu maŋsina, mbuɗ jooŋŋa ki zolonaɗi a suuna pan suu maŋsinaɗi. Ka a suuna di duk tasi ana Loosina ni arageraɗi.»

MISE 7:10

Ndaɗ hin wi ki jiviya, babali manda, ndaɗ hin mbuɗ ki zolona, ndaɗ mayra li dan ana, «Yawe, Looŋŋa, ni aragera?» Irin ka tini kaɗ ta, an hin tayaɗ ki kaŋga u sen ko ndal luɓuna hu voɗtara na.

ROMMA 12:19

Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.»

GA 8ATAMBARA 32:43

Agi njaf suu halaŋŋa ŋgaagi suu mamsina, kay nam hin sa sukul busu suu sun mamsina, nam hin tin dlara sa sukul ndaɗta ni kel suu babali masisina, nam hin col mbas mamba u suu mamsina ki koloo.

WIRA ŊGAYRA 18:20

«Huulona furi kay ɓalak mamba, suu njafna vi Lonna halaŋ lagi furira, suu vovoɗta u suu jok vun Lona, Lona kaɓakŋa kay zi namma ni kay cora nam lakira egegira.»