SOOLLA 79:1 - Boy Lonana

¹ Soolla vi Azaf. Ҥi, Lona, suu bay vina cuk ki hu mbassa vi suu maŋsina wa, asi mbuɗuŋ Ziiŋ ma Teteɗna ki njenjera, to zi ma Yerusalemma ki ga lay.

SOOLLA 79:1 ပူးပေါင်းရင်းမြစ်များ

2 MULINA 24:13

Ko ndal Yawe di ay ki jewra na, nam yow begera hu Zira vi Yawera ki halaŋ halaŋ u begera vo hu ziŋ mulnara lay. Nam to tlesuu yoori u lorra suu Salomon, mul ma Israelna, minisi ka hu Ziŋ Yawerana ki bel bel.

2 DLAŊ MULINARA 36:17

Nam min mul ma Babilonna ndugusi mbas masira, ɦasi ki hu duk kom halaŋ. Mul namma ci asgaa suu duuna ki ta ta tew ay ki hu Ziŋ Lonara. Nam ka hin gozoŋgi lay, ka hin go tamaɗi lay, hin sa ŋgolɗi lay, ma maaɗi lay.

2 DLAŊ MULINARA 36:19

Suu Babilonna ŋgal Ziŋ Lonara kiyo, to gulumun ma Yerusalemma ki lay, ŋgal ziŋ mulnana ki lay, ɓalak tlesuu jivi suu hu ɦoŋzi ŋgolnana ki halaŋ.

SOOLLA 50:1

Soolla vi Azaf. Lo ma kay loogina halaŋŋa, Yawe, nam ɓakka, nam yi suuna halaŋ, suu u maɗiinana ta ta suu u fiɗiginana.

SOOLLA 78:71

Nam yam ay ni u timigii mamsina a taarasira, nam mbuɗum a sa ma taa njaf suu vi Yakobma, suu Israelna ni suu hu njafamma.

KALKIRA 15:17

Aŋ, Yawe, tuɗusi kiyo, lakasi kay ɦini maŋga ni hu li ma aŋ hin kak dukusina. Koŋ min li namma ni namu, Bu Suuna, min ni mbutluɓ ma teteɗna.

EZAYI 47:6

An hurun ɓeŋ ay eg suu mansina, An mbuɗ suu mansina ki zolona. An hiniŋsina ki aŋ lasasiya. Aŋ wasi hahawasi ka na ndeɗi lay. Aŋ las suu maarina lay, golosi kaɗi.

EZAYI 63:18

Suu maŋsuu teteɗna cuk hu mbas masira ni wan daŋ tuwa, suu babali mamsina tooŋ Ziŋ Lonara kiyo.

JEREMI 26:18

«Mise ma Moresetna, ma li sunda jok vun Lona, hu li ma Ezekiyas a mulna hu Yudana di suu Yudana halaŋ ana, Bu Suuna, ma Saɓakŋa Kom Belna, ɓak anaba, Siyon, suuna hin laɗ ki baraɗna ko senena na, Yerusalem hin mbuɗ ki ni didiŋga zozoɗta, yam zira vi Lonara ma kolona hin mbuɗ ki ni ko bubura na.

JEREMI 39:8

Taraŋ ŋgolla u sigini suu jivi cocona suu Kaldena gasi kura ŋgalasi ki may, to gulumun ma Yerusalemma ki kaŋga may.

JEREMI 51:51

Ami hurumi ka furi hu li ma ami hum suuna ŋgulumi naɗi, irimi mbuɗ ki zolona. Suu koyogina sel ay hu li ma teteɗ ma hu Ziŋ Yawerana wa.

JEREMI 52:13

Nam gi kura eg zira vi Lonara eg ziŋ mulnana u zigini suu Yerusalemma halaŋ halaŋ, u ziŋ suu ŋgolo suu sunda lay.

YOORA 1:10

Babali manna maɗ kom ki kay bege manda bel. Gasi hu voɗ maɗta ndaɗ wi njaf suu daŋŋa mbaya. Ni suu aŋ ka min a asi mbay duk suu maɗsinaɗina.

EZEKIYEL 9:7

Nam dasi ana, «Mbuɗugi Ziŋ Lonara ki njenjera, cuk suu miɗina oyosi ki vo kurufu hu kaana. Tuɗugiya.» Asi cuk ay ki ci suuna hu ɦoŋzina.

MISE 3:12

Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.

Boy Ma Ayra Ma LUK Ɓiirimma 21:24

Suuna hin casi ki u ɓagina hin yowosi, njayasi ha ki daŋgayna duk njaf suuna zeɗ zeɗ. Suu ɦawana kay to zi Yerusalemma ki ni toy na gak gak bay liisina ndak na baɗi.»

WIRA ŊGAYRA 11:2

Hin ŋgoo zira bay ŋgaa, hin li namma ki ni maŋ suu bay vi boy ma vi Lonna, asi hin to ɦoŋzi ma teteɗna ki kaŋga ni asiya, li tilna dok fiɗi yam mba'.