Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




SOOLLA 78:58 - Boy Lonana

58 Asi ɓeŋem hurum u goɓpa goɓ loogi suu ɦawana kolo kay ɦinira, fuli masisina ɓeŋem hurummi ɓeŋi na ɗow.

အခန်းကိုကြည့်ပါ။ ကော်ပီ




SOOLLA 78:58
28 ပူးပေါင်းရင်းမြစ်များ  

Nam dam ay ki jivi ana nam goɓ lo ma daŋgi. Salomon hin hum ka u dlara Yawe dambaraɗi.


Hu coki ndaɗta ni Salomon min li ma li ɓivunna kolo kay ɦinira vok taɗ u Yerusalem maŋ Kemos lo ma vi suu Moabma. Nam hin min li ma daŋŋa maŋ Milkin lo ma vi suu Amonna may.


Jeroboam min zira cenda may. Nam vaa suu a li ɓivunna hu zi ndaɗtana ni ka suu hu njaf Levi ma li ɓivunnaɗi lay.


Suu Israelna li tlesuu asi ndak ka a lasiɗina eg Yawe, Loosina. Asi min li ma kolo mbuyna ki hu ɦoŋzi masi ma ŋgolona bel bel hu li ma juɓ u ɦoŋzina u liisi ma saɓak cocona halaŋ.


Fuli suu vi Aserana nam ceɗesi tinisi hu Ziŋ Yawera ta nam di David u goromma Salomon kaɗ ana, «Hu zi ndaɗta u ɦoŋzi ma Yerusalemma halaŋ ma an manam ki duk ɦoŋzi ma vi suu Israelna halaŋ ana an hin tin sen huwa.


Joram min li ma li ɓivunna vi suu ɦawana kolo kay ɦinira Yudara lay. Nam zuɗ suu Yerusalemma u suu Yudana a mbuɗ tasi bay ɗegeera ii Lo ma gasina.


Ҥi, Yawe, ya ndaɗta tuɗ ta ta tew ni ara na gage? Yaaŋga ŋgalami tami ko kura nara hin hinimi ni saɓage?


Suu togol fulina halaŋ zolona vagi wa, agi suu ŋga tagi ɦayna. Agi loogi suu ɦawana halaŋ goɓogi ga fokomu.


«Ko ndaɗta na aŋ goɓ ga fok lo ma daŋgi, kay sem Yawe ya cocoo. Nammi Lo ma hurum ya cocona.


Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»


Cecem wanda asi ka tuɗ fok u cora lira. Asi min tlesuu yoo kina u doono masira u yal masina asi li fulina. Halaŋ ca ni tlesuu suuna ceɗesina. Suuna ɓak kasi ana, «Suu wara suu li ɓivunna, furi tasi u gor mbutli suu asi minisina.»


U hurun ma ɓeŋina an hin hawaɗagi liigi ma mbuy kolo ma teteɗna kiyo, an hin toogi givin ma togolla magi ki may, an hin cukugi maɗagi ha kolo kay sok tlegeyegi suu agi casi maŋ fulinana.


agi dik suu cuki hu mbas ndaɗtana ki halaŋ halaŋ, agi njayasi fuli masisina kiyo, ɦini masira asi ceɗeɗta, agi toosi tlegeyesi suu asi yoorosina kiyo. Agi doorosi liisi ma mbuy kolona ki halaŋ.


Ɗowba aygi ndak a li yowmusna eg Bu Suuna na su? Agi saa ana aygi saɓak suum su?


Agi bulum li ma suu agi dikisi ki wanna minim a goɓ loogi suu ɦawana kolo kay yam ɦinira zeɗ zeɗna ki halaŋ halaŋ, u ma keŋ voɗtana, ma mini u ŋgusugi suu ŋgolona lay.


«Sa ma min fulina na minna sa namma ba ki wa dla mayra ka ii Yawe Lona jiviɗira, tlesuu sa warna lasi u komma, ŋgayasi vo um na enna. Suu halaŋŋa hoŋ dira ana, Amin.


Asi ɓalakan hurun ki u fuli masisina wa, asi mbuɗun ki yara u goɓ masira goɓ fulinara. An may ni hin ɓalakasi hurusi ni u suu ɦawana suu ka suu mansinaɗina may, suu asina hin ɓeŋesi hursi ki may.


Suu Israelna hoŋ li dlara ka ii Yawe jiviɗira olo. Asi sun loogi suu ɦawana gi Baal u Astart, loogi suu Aramma u loogi suu Sidonna, loogi suu Moabma u loogi suu vi goryoŋ Amonna, loogi suu vi suu Filistinna. Asi noy Yawe kiyo, ka min a sunum oloɗi.


Suu masi suu kaɓakŋa lay ni asi ka humusi vunusiɗi, kay asi tin irisi ki ni u loogi suu ɦawana na ɗow, goɓosi ni asiya. Asi viɗ tasi ki na zak, hin voɗta somoyosi tlaɗta kiyo. Somoyosi hum ay ni gaɗta vi Yawera. Asi may ni ka min a li ko asi naɗi.


Yawe hurum ɓeŋ ki eg suu Israelna. Nam di ana «Njaf suu asina ɓeŋ galamba an vaɗ u asira ki wa. Galamba an tiniɗ ay u somoyosi dayra. Asi min ka a humun vununɗi.


Mbay tew eg li ma li ɓivunna maŋ fulina tok eg Gilgal tana may ni, Ehud hoŋ ha dagan gaw mba di ana, «Mulna, an boy ma ŋgay maa ka kon an a daŋŋa.» Mulna hin di suu mamsina ana asi cuk ha ki bunsuwa. Suu may suu coli kam a juɓum umma halaŋ cuk ki bunsuwa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ