SOOLLA 78:5 - Boy Lonana

⁵ Nam ɦal gaɗta maŋ suu Israelna, njaf suu vi Yakobma fi gaɗta. Ndaɗ di somoyogi ana, asi jogoɗ ka maŋ goryosiya.

SOOLLA 78:5 ပူးပေါင်းရင်းမြစ်များ

URA TIN AYRA 18:19

An manammi kay nam gaɗ goryomu u suu mam suu hin ka ŋgorom daganna, a asi hum gaɗta vi Yawera, poy ɗegee.» Ko ndaɗta na Yawe faɗ vun dlara nam vi vunum kaɗ u Abrahamba kiyo.

SOOLLA 119:152

An waŋ diki maŋga ay kini day day. Aŋ tin gaɗ maŋga ni a fafaɗta.

SOOLLA 147:19

Nam di boy mamma maŋ goryoŋ Yakobma, gaɗ mamba u min mamba nam daɗ maŋ suu Israelna.

SOOLLA 19:7

Ndaɗ col ay u lonara tin ayra, tuɗ ha ki u lonara do ayra, va ma hin ki bay faɗta tam kaɗi.

SOOLLA 81:5

Dla ndaɗta kay suu Israelna ni a gaɗta, ni dla mayra Lona vi Yakob daɗta,

KALKIRA 12:27

agi dasi ana, ‹Ni ɓivun ma Pakŋa maŋ Yawe, kay nam jak fun zina vi suu Israelna ay hu mbassa Egiptera, ni hu li ma nam ci suu Egiptena ki, hin buɗ suu Israelna ay kina.›» Suuna halaŋ goɓ ga u vun gifisiya gi deɓ Lona.

KALKIRA 25:16

Aŋ cuk ɦinira ceɗi mba' ta gaɗta ɓiiri hura hu Zandukka.

KALKIRA 25:21

Aŋ dug vun Zandukka kolo kayami, hu Zandukka kurufu ni aŋ cuk ɦinira ceɗi ta gaɗta ɓiiri kaɗta hu may.

KALKIRA 40:20

Nam yow ɦini mayra gaɗta ɓiiri kaɗta cukuɗ hu Zandukka kalaɗ tokolora keŋeɗu, dug vun Zandukka hu may.

KALKIRA 40:3

Aŋ tin Zandukka Galamba huwa, aŋ tiniɗ ha ki ŋgoo baraw ma caki dukŋa daganna.

EZAYI 38:19

Sa ma ka iirina gaŋ deɓpa ni nam hol, ko ndal an wanda na. Bu gona takaŋ ɗegee maŋga maŋ goryomu

EZAYI 8:20

Dasi asi hum u gaɗta vi Lonara lini asi hum kaɗi ni asi hin ka wi kiɗikkaɗi.

ROMMA 3:2

U ŋgara ŋgolla ay ni eg suu Juifna kay nam ɦasi boy mamma ay fok jewe.

EFESNA 6:4

Agi somi gorra lagi goryogi co a ɓeŋesi kiɗi, wulusiya, haɗasi u gaɗta vi Bu Suunara.

GA 8ATAMBARA 11:19

Agi haɗam maŋ goryogi dasi ana, lini agi vo varagiya, lini agi tuɗ hu voɗta, lini agi buuri gaa, lini agi coli kolo lay.

GA 8ATAMBARA 31:13

Goryosi suu ka wi vaɗina hum na ni hin haɗ tasi a li ndaa Yawe Loogina, hu buu ma agi ka iiri kay ndaŋgara tuna halaŋ. Agi cemi ni tuɗ a calaɗ mbo lum ma Yurdanna.»

GA 8ATAMBARA 32:46

Nam dasi ana, «Boy ma an dagina kagi halaŋ wanna, vagina ki kagi jiviya, dagi maŋ goryogi a asi li u boy ma ɓiiri hu gaɗ ndaɗtana.

GA 8ATAMBARA 4:45

Gola ni gaɗta u nera Moiz jogoɗ ki maŋ suu Israelna hu li ma asi cuk ay ki hu mbassa Egiptera.

GA 8ATAMBARA 6:7

Agi ɗogom ka maŋ goryogi olo olo, agi dasina hu li ma agi laki gana, hu li ma agi tuɗ hu voɗtana, hu li ma agi buuri gana, hu li ma agi coli kolona lay.