SOOLLA 75:3 - Boy Lonana

³ Lona di ana lini liin ma an ŋgaamma ndak wa ni, an kaɓakŋa ni u ɗegeera.

SOOLLA 75:3 ပူးပေါင်းရင်းမြစ်များ

URA TIN AYRA 18:25

Aŋ ka ndak a li naɗi, suu ɗegeena u suu cona aŋ ka ndak a baasi ki ko tasi dewɗi. Aŋ li u suu ɗegeena ko suu cona su? Aŋ ndak a li naɗi. Sa ma kaɓakŋa kay suu kay ndaŋgara halaŋŋa hin li ni u ɗegee mam ndaɗtaɗi su?»

2 SAMUEL 5:2

Buuna jak ki ni ŋgol da hu li ma Sol ay a mul maminana. Aŋŋi sa ma hin suu Israelna sel ay ki lay, hoŋ ha vo layna. Doli ɗini Yawe daŋ ana aŋŋi sa ma hin taaran suu man suu Israelna, aŋŋi sa ma hin li a mul ma Israelna.»

EZAYI 24:19

Ndaŋgara to kiyo, ndaɗ hin njay ki kolo na dew dew.

EZAYI 49:8

Yawe di ana, hu li ma oora ni an humuŋ cen maŋga. Hu buu ma suɗta ni an mbay njun kaŋu. An goloŋ ŋgayaŋ ki vay daŋ zeɗ. Aŋŋi a galamba an vaɗ u suunara, a aŋ min yam mbassa halaŋ. A aŋ ɦal ɓorow ma vi njaf suu ay ki njayna may.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

1 SAMUEL 18:7

Boyogi suu u tasi bolow asina gi soolla ana, «Sol ci suuna ki buɓ, David ci suuna ni buɓ buɓ bulumi may.»

1 SAMUEL 2:8

Nam hoŋ sa maŋina ay ki tlira kolo duk gugum ndaŋgara lay, taɗ sa hawra ay ki kay didiŋga lay, a asi kak ko tasi u goryoŋ mulinana a ɦasi li mulina kak huna kay ana saɓak ma kay ndaŋgarana ni vi Yawe. Nam tin u duliyara ni namu.

1 SAMUEL 25:28

An ceneŋu, heɓ huruŋ eg caaŋga sunda kay cooɗta. Gasi daŋ may, Yawe hin ka hin bay ɦal mulla maŋ malannaɗi kay ana malanna li duu ma vi Yawena, sa ka faŋ dla co egeŋgi hu kak maŋga iiri hu duliyara halaŋ.