SOOLLA 73:1 - Boy Lonana

¹ Soolla vi Azaf. A gasira ni Lona nam jivi kay suu Israelna, nam jivi kay suu hurusi haɓma.

SOOLLA 73:1 ပူးပေါင်းရင်းမြစ်များ

1 DLAŊ MULINARA 15:17

Suu Levina tin suuna hu liisi ma sunda, Heman, goŋ Joelna duk gorsemma Azaf goŋ Berekiyana, duk goryoŋ Merarina, gorsesina Etan goŋ Kusayana.

1 DLAŊ MULINARA 16:37

David hin Azaf u gorsemma kaŋga fok Zandukka Galamba vi Yawera a li sunda tew tew fok Zandukka ko gaɗta daɗ ki kay buuna tew tewra na.

1 DLAŊ MULINARA 16:7

Ni hu buu namma David ɦal voɗta maŋ Azaf u gorsemma a geleɗ Yawe a gigiŋga.

1 DLAŊ MULINARA 6:39

Gola ni li ma asi kak huna, ko asi ka irisi hu kaŋ masina hu ndaŋga masirara na, goryoŋ Aaronna ni hu deera vi Kehatta na, kay ana asi ni suu ŋgaɓpa mba kasi jewna.

2 DLAŊ MULINARA 29:30

Ŋgoo dagan mulna Ezekiyas u muli suu ŋgolo suu umma halaŋ di njaf suu vi Levina ana, asi ŋga Yawe u boy ma vi Davidna u ma vi Azafna, sa ma wi fokomma. Asi halaŋ ŋga Lona u hurusi ma furira. Ŋgoo dagan asi girif kaŋga goɓ Yawe.

SOOLLA 2:6

Nam di ana, «An mbuɗ mul manna ki teteɗ ni anu, tinim kay ɦinira Siyon, ɦini mayra teteɗta ɦini manda.»

SOOLLA 24:4

Ni sa ma kom u hurum lay ki teteɗna, ni ma ka maɗ kom a li dla coɗina, ka suu tam suura ganyambi lay.

SOOLLA 42:11

Dlaasira mbuɗ egenni ko mbil mbeŋŋa na, hu li ma suu babali mansina ŋgulunna. Tew tew asi ka joɓon ana, «Looŋŋa ni arage?»

SOOLLA 50:1

Soolla vi Azaf. Lo ma kay loogina halaŋŋa, Yawe, nam ɓakka, nam yi suuna halaŋ, suu u maɗiinana ta ta suu u fiɗiginana.

SOOLLA 51:10

Hinin an hum soolla furira u ayra, hin sokon ma aŋ kusum kina furiya.

SOOLLA 73:18

Gasi ni aŋ hin cukusi hu li ma golobotna, aŋ hin zuɗusi ni hu li ma baasi kina.

SOOLLA 83:1

Soolla vi Azaf.

SOOLLA 84:11

Buu ma lam hu ziiŋŋa dewna su buu ma lam ki kiɗik bupma, an ŋgaɓ a kakŋi fun zi ma vi Loonnana su mayra buu hu zi ma vi suu bay ɗegeena.

JEREMI 4:14

Mbus huruk ki u dla cora halaŋ, ndak hin buɗ kiyo Yerusalem. Ndak hin paɗ saara cora ki hurukŋi sabage?

MATIYE 5:8

Furira ka kay suu hurusi haɓma, asi hin wi Lona u irisiya.

Boy Ma Ayra Ma LUK Ɓiirimma 12:32

«Lagi ndaaɗi, yoori suu ewna. Bugi hurum min a ɦagi mulla ni nam daŋ may.

Boy Ma Ayra Ma JAŊ Ɓiirimma 1:47

Yesu wi Natanael mbay egem na ni, nam di kam ana, «Gola ni sa Israel ma gasina ma mbambara ka hurumbina.»

ROMMA 4:16

Vi vun Lonna nam vammi u vira, ni u ɦala ɦawara vi Lona kay ndaɗ mba li kay njaf Abraham halaŋ, ni ka kay suu vi u gaɗta ɦawana holɗi, ni kay suu vi ko Abraham na mayna, Abraham ni buygi halaŋ.

TITTA 3:5

nam suɗuygi ki ka ana aygi li sunda ɗegeera ka naɗi, ni kay nam waygi hahawaygiya. Nam suɗuygi ni u mbussa vi Musuk Lonara, ndaɗ ɦaygi vuɗta wilira u iirira wilira.

Magaara JAK Ɓiiriɗta 4:8

Ҥuɗugi tagi eg Lona tok nam hin ɦuɗ ay egegi tok may. Agi suu cona, mbusugi kogi kiyo, lagi hurugi ki jivi teteɗ agi suu hurugi mbambana.