SOOLLA 71:18 - Boy Lonana

¹⁸ Lini an mbuɗ ki maa lay, yan mbuɗ ki haɓ lay ni, aŋ Lona noyon kiɗi. Ko an di dla sun maŋga aŋ laɗ u bik koŋga ki maŋ njaf suu dagan wanna may.

SOOLLA 71:18 ပူးပေါင်းရင်းမြစ်များ

EZAYI 46:4

ta ta hu maa magira lay an u agi ni ko ndaɗta na, ta ta hu li ma tlimiɗ yagi mbuɗ haɓpa lay, an ziirigi gak gak, An ni sa ma njun kagina. Anni sa ma ka ziirigina, Anni sa ma ka sipma, buɗugi ay kina lay.

SOOLLA 71:9

Cemi an mbuɗ ki maari, aŋ hinin kiɗi, hu li ma saɓakan daɓ kina, aŋ noyon kiɗi.

SOOLLA 78:4

aygi ka ndak a ŋgay boy namma ki ko goryosiɗi, aygi haɗam ka maŋ njafaygi ma hin ka ŋgoroygi daganna may. A asi wi bibiŋilla vi Yawera, saɓak mamma ni dlara mbuɗ mbuɗta nam laɗta.

SOOLLA 78:6

Kay ana suu ka daganna haɗ gaɗ ndaɗta ka may. Maŋ goryosi suu hin vuɗna lay, asi yow kolo haɗasira.

SOOLLA 22:31

Njaf maa dew hin sun Yawe, asi hin njaɗ boy namma ka maŋ njafasi lay.

EZAYI 51:9

Dliɗ kiyo, Yawe, dliɗ ki zak. Dliɗ ki u saɓak maŋŋa. Dliɗ ki ko fok jewra na, hu li ma vi somoyomi suu jak ki jewna, aŋ ci suu Egiptena ki ni ka aŋgi su? Aŋ ci vabak ma hu njaf Rahabma ay ki ni ka aŋgi su?

1 SAMUEL 4:18

Hu li ma nam hum sem Zanduk Lonara na ni, Heli puk ki kaŋga kay dlam mamba ii ko ma vun zira na. Nam peŋ vevee delem kiyo. Nam hin miɗa. Ni ana sana ki mbuɗi maara, nek cocoo. Nam kaɓakŋa kay suu Israelna ni basara dok-fiɗi.

SUNDA 13:36

Hu li ma David ayna ni nam sun Lona ko nam minda na, nam hin miɗa asi pammi kay us somoyomu, nam loɗ ki ko suu daŋŋa na may.

EZAYI 53:1

Suuna ɓak tasi ana, sa ma tin hurum kay dlara asi daɗta ni gege? Sa ma wi ana Yawe li dla ndaɗta ni u ɓik komu na ni gege?

1 SAMUEL 4:15

Heli basaɗam tew ki dok-tleeŋe yam kalavandi. Irim zogol ki kam na malal ka ndak a wi oloɗi.

KALKIRA 13:8

Aŋ gegelay ni jok haɗ ndaɗta ka maŋ goroŋŋa hu buu namma ana ‹Yawe wan hahawan kalan ay ki hu mbassa Egiptera ni na.›

URA TIN AYRA 27:1

Isaak mbuɗ ki maari, irim maŋ kiyo, ka wi gay oloɗi. Nam yi gorom ma ŋgolna Ezaw ana, «Goonna.» Ezaw ana, «An wanni.»

SOOLLA 48:14

Gologi gulumunna gige, ndumugi zigini suu huna, agi hin di dla ndaɗta ka ki maŋ njaf suu hin ka ŋgorogi daganna.