SOOLLA 68:35 - Boy Lonana

³⁵ Ŋgaagi Lona saɓakŋa ni mamu. Ŋgol mamba ni kay suu Israelna, saɓak mamma ay ki kolo hu ɗugulla.

SOOLLA 68:35 ပူးပေါင်းရင်းမြစ်များ

NEHEMI 1:5

An di ana, «Ha, Yawe, Lo ma kolo huulonana, Lo ma ŋgol ma suuna lam ndaaramma, ma vi galamba ɗegeera u suu minimma, li u gaɗ mamba mayna.

JOB 37:22

Kiɗik mayra wi cocora col ay mbayaw na. Ŋguy kay Lona na weleɗ mayra li tara ndaana cocora.

SOOLLA 29:1

Soolla vi David. Agi suu sunda huulona, ŋgaagi Yawe, ŋga Yawe ŋgol mamba bibiŋilla.

SOOLLA 29:11

Yawe ɦal saɓakŋa maŋ suu mamsina, Yawe paɗ vunum ki kasiya, ɦasi tara fanira lay.

SOOLLA 45:4

Njun ŋgew maŋŋa huruŋu, mul ma duuna, malaŋ ŋgolla ma suuna ŋgaam bel belna.

SOOLLA 47:2

Suuna koogi kogiya, ŋgaagi Lona u furira.

SOOLLA 65:5

Furira ka kay sa ma aŋ yamma, nam hin kak hu kaa maŋŋa. Ami hin hoɓ u jivira hu ziiŋga, u tlesuu teteɗ suu hu ziiŋŋana.

SOOLLA 66:20

Gi deɓ maŋ Lona, nam zuɗun cen manda ka kiɗi. Ŋgayan ɗegee mamba ka ki konɗi lay.

SOOLLA 66:5

Mbaagi aya agi hin wi sunda vi Lonara, dlaamba mbuɗ mbuɗta su ki kay suu warna.

SOOLLA 76:12

Dlara agi vi vunugi kaɗ a laɗ maŋ Yawe, agi laɗu, ɦagi tlena ay maŋ Lona ma dlam mbuɗ mbuɗtana, agi suu ŋguyumma halaŋ.

KALKIRA 15:1

Moiz taɓ u suu Israelna gi soolla maŋ Yawe di ana, An min geleɗ bibiŋil Yawera, nam weleɗ wele mamba. Nam ndak a suuna ŋgaam cocoo. Nam li dlara mbuɗ mbuɗta ta ŋgolla. Kulumina u suu kasina, nam cukusi ki duk mbo lumma.

EZAYI 40:29

Nam ɦal saɓakŋa maŋ suu mbuɗ ki maŋina, nam so u sa ma saɓakam kaɗina.

EZAYI 40:31

Na may suu hin tasi kay Yawena hin fi saɓak ma wilina, asi hin mbuɗ ni ko bakŋa na, asi tuɗ fok na ɗow ɗow ka mbuɗ maŋiɗi. Asi huɗ tasi foko ka loɓ kiɗi lay.

EZAYI 45:21

Dagi boy namma ha ki maŋ suuna, vasi u dla ndaɗta kiyo, lagi tokka ko tagi dew. Sa ma tak dlara li wanda ay ki fok jewna ni gege? Ni ka Anɗi su? Yaweɗi su? Lini anɗi ni lo ma daŋ kaɗi, anni Lo ma ɗegeena, Lo ma suɗ suuna. Lo ma daŋ kaɗi, ni an dew daŋ.

ZAKARI 10:12

Asi hin hin saɓakasi ni kay Yawe. Asi hin tuɗ ni u semu. Yawe di na.

EFESNA 3:16

An joɓ Lona u ɦizza vi ŋgol mamba a nam mba ɦagi saɓakŋa u eŋga u Musuk mamba hurugiya.

GA 8ATAMBARA 33:25

Vun grek ma kay ɦoŋziimmana dugi ni u kawi ma eŋŋa. Saɓak mamma ka ni na gak gak hu li ma nam ka iirina.

GA 8ATAMBARA 33:26

Sa ma tli tam ko Lona na kaɗi. Nammi sa ma ka njunugina. Nammi sa ma calaɗ huu lona aya mba kay ɗugulla lay ni u saɓak mamma.

FILIPINA 4:13

An ndak a li tlena halaŋ kay Kristu ma ɦan saɓak nammana.

KOLOSNA 1:11

Ami joɓomi Lona kay nam mba ŋgomogi u saɓak mamma bibiŋilna ni agi hin ndak siɓ tlena halaŋ u ɗigilla.