SOOLLA 68:29 - Boy Lonana

²⁹ Tak saɓak maŋŋa kiyo, Lona. Saɓak ma aŋ min njunumi u namma.

SOOLLA 68:29 ပူးပေါင်းရင်းမြစ်များ

1 MULINA 10:10

Ca mulla Sabara hin ɦal lorra maŋ mulna Salomonni ii va ma kelew buɓ buɓ hindi u nus, ɦam tlesuu his jivina ugi mbitla ŋgol cocoo u ɦini mayra gus loɓ cocora lay, col ay dayra ni sa bay wi tlesuu his jivi ɦayna hu mbassa Israella ŋgol ko ndaɗta na tuwa.

1 DLAŊ MULINARA 29:3

Kayam hu olo an furi kay Ziŋ Loonnara, lorra u doonora suu kon kay tanna an ɦasi ki kay Ziŋ Loonnara kay tlesuu an minisi ki kay zira teteɗ ndaɗtana.

2 DLAŊ MULINARA 32:23

Suuna ŋgol cocoo ɦal tlena ay Yerusalem maŋ Yawe, ɦal tlesuu puura maŋ Ezekiyas, mul ma Yudana lay, tin ay hu li namma na gaw ni, mbassa ŋguy kamba halaŋ ŋgaam cocoo.

2 DLAŊ MULINARA 32:33

Hu li ma nam miɗna asi pammi hu lina vi muli suu ŋgolona hu zulla vi Davidta. Suu hu Yerusalemma u suu hu mbassa Yudara halaŋ tiirimu, ŋgaam bibiŋil mamba cocoo. Goromma Manase varak balamam a mulna ni namu.

NEHEMI 2:8

Magaara maŋ Azaf may, asgaa ma vi mulna ma gol u gurana a nam ɦan guna a an hoŋ vun grek ma vi ɦoŋzi ma ŋgol ma tok eg Ziŋ Lonana u gulumun ma kay ɦoŋzinana lay kay zira an tuɗ huruɗta lay.» Mulna ɦan magaari asina kay ana Lona kom ma jivina ka kanu.

SOOLLA 45:12

Kay mulna mba golok jiviku, nam mbuɗ ni malakŋa, goɓ yak kaŋga fokomu.

SOOLLA 76:11

Yara vi suu warna lay ka takaŋ ki ni bibiŋil maŋga, suu suɗ ay ki fun duunana ka furiya.

EZAYI 18:7

Hu buu namma ni suuna hin ɦal tlena maŋ Yawe, ma Saɓakŋa Kom Belna. Suu may suu wuli fiyeki cocona u suu tasi weleɗ ɦayna, ni suu may suu suuna hu duliyara halaŋ ka lasi ndaarasina, njaf suu saɓakaŋa suu ka las ndarayasinana, suu mbo lumma ɓorowosi irisi kina. Asi hin mbaa tle asina ay ni hu li ma Yawe ka kaki huna, ni kay yam ɦinira Siyonda.