SOOLLA 68:18 - Boy Lonana

¹⁸ Lona u pus pus ma kulumi suu duuna bolow ka ndumbi, nam ka mbay hu Sinay, hu Ziiŋ ma Teteɗna.

SOOLLA 68:18 ပူးပေါင်းရင်းမြစ်များ

2 DLAŊ MULINARA 6:18

Na ni gasi Lona ndak a kak ko tam u suuna dew kay ndaŋgara su? Huulona tamba lay ni ka ndak a kakaŋgi, gol ko zi mayra an miniŋga wandara su?

SOOLLA 110:1

Soolla vi David. Yawe di Bu Suuna manna ana, «Kak hu bik kon ma njufna, an cukuŋ suu babali maŋsina ki uŋ ga a gu ma aŋ tin seŋ kamma.»

SOOLLA 24:3

Sa ma ndak a ɗiŋ kolo kay ɦinira vi Yawe ni gege? Sa ma hin col hu liim ma teteɗna ni gege?

SOOLLA 47:5

Nam manaygi mbas maygira kiyo, njaf ma vi Yakob ma nam minimma.

SOOLLA 7:7

Yawe, col kolo u yaaŋga, col kolo eg suu babali mansina. Dliɗ taŋ ki kolo kanu, aŋŋi sa ma tin ɗegeerana.

SOOLLA 78:60

Nam hin ziim ma hu Silona kiyo, nam noy suu Israelna ki halaŋ.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

EZEKIYEL 48:35

Fiyek gulumun ma ŋguy kay ɦoŋzinana li halaŋŋi meter buɓ buɓ dleeŋe. «Sem ɦoŋzi namma asi yam ana Yawe Samma ni ana Yawe ka tani.»

JOEL 2:11

Hu li ma Yawe ka tak voɗta maŋ suu mam suu duuna. Suu mam suu duuna bolow cocoo, saɓak ɦay lay humum boy mamma lay. Buu ma vi Yawena ŋgolo, dlam ti ta cocoo, sa hin vi tam hu buu nammana ni gege?

MATIYE 9:13

Tuɗugi haɗagi boy ma ɓiiri namma ay hu magaara tuwa. Boy namma di ay jew ana, An min ni ɗegeera hu sanara, ka ɓivun ma yoorinaɗi. An mbay ka yi suu hurusi ɗegeenaɗi, an mbay ni kay suu cona.»

MARK 16:9

Maɗii feɗet u damassa nam paɗ ay kolora nam tak tam maŋ Mari ta Magdalara, ta nam dikiɗ fuli suu cona ki kaɗ kiɗisiyara.

Boy Ma Ayra Ma LUK Ɓiirimma 24:47

Suuna hin njaɗam sem ha ki hu mbassa halaŋ gijaŋŋa ha Yerusalem kay a di suuna asi jok hurusi ki zeɗ, daɓ coosira kiyo.

Boy Ma Ayra Ma LUK Ɓiirimma 24:49

An hin sunugi va Bun a ɦaginana ay u tanda, agi kakagi hu zin tani gak gak juɓugi saɓak ma kolo huulona mbay kagi tuwa.»

Boy Ma Ayra Ma LUK Ɓiirimma 24:51

Nam paɗ vunum kasi na ni dukum ɓorow u asi gaw gaw tuɗ kolo huulona.

Boy Ma Ayra Ma JAŊ Ɓiirimma 14:23

Yesu hoŋom dira ana, «Sa ma mininna, hum u boy ma an damma, Bun hin minimu, Bun may an may, ami mba lak hurumu.

Boy Ma Ayra Ma JAŊ Ɓiirimma 16:7

Na may an dagi ni gasira a agi fi jivira ni an tuɗ kiyo, lini an tuɗ ka kiɗi ni, sa njunugina ka mba egegiɗi. An tuɗ wa ni, hin sunugina aya.

SUNDA 2:23

Sa namma agi vamu ɓalam ki kolo hu gu garakŋa cam ki ko suu cona na ni u ŋgara Lona ŋgaaɗ ay ki fok jewra.

SUNDA 2:4

Asi halaŋ hurusi oy ki u Musuk Lonara, gijaŋ ɓak u vun ma daŋŋa daŋŋa zeɗ zeɗ ko va ma Musuk Lonara ɦasina a asi dira na.

SUNDA 9:17

Ana nias tuɗ tuɗni, tuɗ tew hu zira nam hura, baa kom kam dam ana, «Sol, wayanna, Bu Suuna Yesu ma tak tam ay iriŋ hu voɗta ma gan ay egeŋ a iriŋ mba mal kiyo, a aŋ hoɓ u Musuk Lonara may.»

ROMMA 5:8

Aygi wi min mayra ŋgolla Lona takaygirara, Kristu miɗ kaygi ni hu li ma aygi ay jew ni suu cona.

2 KORINTNA 6:16

Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»

GA 8ATAMBARA 33:2

Nam di ana, Yawe mbay kolo kay ɦinira Sinayra ni magiya, nam tak tam ki hu mbassa Seirra, nam weleɗ ay kolo day kay ɦinira Paran. Nam mbay hu Meriba, hu Kades, u suu mam suu teteɗna buɓ buɓ doogo.

KOLOSNA 2:3

Tlesuu ɦizza halaŋ ka ŋgay hurumu ni di ana nera u wira suu ay vi Lonna.

KOLOSNA 2:9

Hu li ma Lona gi Kristu ki a sana ni kay nam tamba ka hurum hu gaw may.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

HEBRENA 4:14

Vaygi vira aygi di kaɗta huruygi eŋe. Aygi faygi mul ŋgol ma li ɓivunna ma mbay kolo eg Lona day ni Yesu, Goŋ Lonna.

HEBRENA 6:20

Ni li ma Yesu kal ha hu fokoygi jewna, ni maygiya. Nam mbuɗ ki mul ŋgol ma li ɓivunna a fafatɗa hu voɗta vi Melkisedek.

HEBRENA 8:1

Gola ni boy ma ŋgolna duk mami ma ami ka damma halaŋ, mul ŋgol maygi ma li ɓivunna kal ki kolo huulona, kaki hu bik kom ma njufna kay dlam mamba mulla, ma saɓakŋa kom halaŋŋa.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.

WIRA ŊGAYRA 1:20

Aŋ golla ni u boy ma ŋgay kay ciciwra kiɗisiya aŋ wanda kon ma njufnara, u va ma gaɓ lamba kamma kiɗisiya u lor. Ciciwra kiɗisiyara ni suu sunda huulona kay suu vi Kristuna kiɗisiya may, va ma gaɓ lamba kamma kiɗisiya ni suu vi Kristuna kiɗisiya.»

WIRA ŊGAYRA 21:3

An hum della di ay kay dlamba mulla eŋga ana, «Cecemi li kakŋa vi Lona ka duk suuna, nam hin kak u asiya, asi hin lini suu mamsina may, Lona tamba hin lini a Loosina, asi hin li a suu mamsina may.

SUU KAƁAKŊA 5:12

Col koloo, cola, Debora, dliɗ kiyo, dliɗ ki kolo, gi soolla. Aŋ, Barak, may ni coli koloo, hoŋ suu maŋ suu aŋ yowosi ay balnana aya, goŋ Abinoamma.