18 Lini an saa ginni coo ni, Bu Suuna ka humunɗi.
Asi di ni boy ma um kaɗina, ni ma Lona ka humumbina. Ma Saɓakŋa ka vi boy nammaɗi.
Gol taŋ jiviya, hin taŋ a hoŋ hu dlara dadambaɗi. Kay ndaɗta lassa laŋ cocora ni na.
Yawe col ha ki eg suu dlasi cona ni na day. Nam ka hum cenda vi suu ɗegeena.
Ɓivun ma vi suu dlasi cona ka ii Yawe jiviɗi. Nam tin humummi kay cenda vi suu ɗegeena.
Sa ma ŋgel humum ki eg tii ma vi suu maŋinana. Nam tamba hin yi kolo ni ka fi hoŋ diraɗi may.
Sa ma ŋgel humum ki ka min a hum gaɗta vi Lonaraɗina, cen mamba lay ka ii Lona jiviɗi.
Hu li ma agi yow kogi kolo a cenda ni an baa irin kiyo, agi zul cenda coco lay ni an ka humbi. Kogi oyra ni u busuna.
Aygi wi ana Lona ka hum vun suu conaɗi. Nam hummi vun sa humum vunum li u min mambana.
Lini agi joɓa ka fi va ma agi joɓ kammaɗi ni kay saa magira cora, tlesuu agi joɓ kasina min a lasi ni u min magira kay tagira.
