SOOLLA 62:10 - Boy Lonana

¹⁰ Na daŋ may suu warna ni semeɗna ɦawaa, asi suu ŋgolona takŋi kaboyna. Lini sa a ŋgaasi nekesiya ni, asi ki ni fet ko semeɗna na.

SOOLLA 62:10 ပူးပေါင်းရင်းမြစ်များ

JOB 20:19

Kay nam las suu hawra cocoo. Nam kul ziginina ki ni kuli na ɗow, min ka a minisi kolo minniɗi.

JOB 20:29

Gola ni dlara Lona hiniɗ ka kay sa ma conara. Ni vaam ma Lona ɦamma a jonana.

SOOLLA 39:6

Aŋ ŋgaan fiyek buu manna ni ko teŋel kona ɦawa na. Kak man ma kay ndaŋgarana ni ko va kaɗira na. Na daŋ may suu war suu saɓakŋa halaŋŋi ko semeɗna ɦawa na.

SOOLLA 4:3

Agi suu warna hin hinigi ŋgulla ŋgulunda ni saɓage? Agi hin hinigi dlara dadamba kini saɓage? Agi hin hinigi kaboyna kini saɓage?

SOOLLA 49:6

An hin li ndaana ko buu ma cona ni kay mege, lini suu babali mansina ŋgufun yan ki na cutl lay?

SOOLLA 52:7

Kay ndaɗta Lona baaŋ kini a fafaɗta, nam dikiŋ ay ki hu ziiŋŋa, nam dikiŋ ki hu ndaŋgara suu iirina ka hura.

SOOLLA 91:14

Lona di ana, kay nam njun tam egenu, an hin buɗum kiyo, hin golom kay nam wan senu.

VUN ŊGOLNA 23:5

Aŋ tin saaraŋ wa kay begera ni ndaɗ u garaŋga uɗu, pii ko ndal bakŋa na tin iriɗ kolo huulona.

EZAYI 28:15

Agi di ana, ami vi galamba ki u miɗna wa, ami ŋgaa vunumi ki u lina vi suu miɗina wa, tuguɗiira cora ndi kay suuna lay ni ka famiɗi kay ana kaboy mamina ka ŋgayamiya, dla coomira ka njun kamiya.

EZAYI 30:12

Kay ndaɗta ma Teteɗ ma vi suu Israelna di ana, Agi van boy manna kaɗi, agi minigi ni dlara lassa na ɗow. Agi vi kogi ni dlara ganyamba na ɗow.

EZAYI 40:15

Njaf suuna halaŋ fok Lona ni ko mbo ma ay hu soona kay cara vunum tol ki ga dewra ɦawana. Suuna ndummi ko gugum ma cuk kolo kay kelewnana ɦawa na. Daara duk mbo ŋgolonara ni ko gu mbalna ɦawa na, nam ndak tlaɗ koloo.

EZAYI 40:17

Njaf suu warna hu duliyara halaŋ fokommi ka va ma nekgi. Asi ni ko va ka kawi komɓira ɦawa na.

EZAYI 47:10

Aŋ tin saa maŋga kay tlesuu aŋ lasina, di ana, «Sa ma wan kaɗi.» Aŋ ŋga taaŋ mayra ana aŋ wi cocora u haɗ maŋga tuɗuŋ ki ni hu li ma aŋ ba kina. Aŋ di ana, «Anni an dew sa ma ko an na kaɗi.»

EZAYI 59:4

Sa ma mbaa sekka gasi kaɗi, sa ma kal hu li ma kaɓakŋa u dlara ɗegee kaɗi. Asi lak fun ɓakŋa ni bay u dlara irisiya. Ɓak magina halaŋŋi um kaɗi. Agi mbaa ni dlara ɓalak suuna, zul ni cora na ɗow.

EZAYI 61:8

Kay an, Yawe, an minni ɗegeera. An ka min ɦulaɗi, ka min li iiraɗi lay. An hin ɦal warakŋa maŋ suu mansina. Galamba an vaɗ u agi ni a fafaɗta.

JEREMI 13:25

Gola ni dla cookka. Ni ta an ŋgaakka kakka. Yawe di na. Ndak mayra maaran ki hin li dlara bay uɗta.

JEREMI 17:11

Ceke mayra buu kay se ma ndaɗ gam kaɗi layna, ni sa ma ci suuna ki bay dlara kosina, tew hu buu mamma dukka gayra may ni bege mamba hin ka li kom oloɗi. Nam hin hoŋ ki dagani, mbuɗ sa bay vana komma.

MARK 10:23

Yesu gol suu mamsina ŋguy kam na ni, nam dasi ana, «Loɓma kay suu ɦizina a kal hu Mul Lonara.»

1 TIMOTE 6:10

Minda vi gursura ni sari dlara vi njaf cora halaŋ, suu ɦiw ni ŋgiziɗ hurusi na, asi viɗ tasi ki day eg vira, asi oy hurusi u yoora ŋgolo.

1 TIMOTE 6:17

Gaɗ suu ka ɦizi hu duliyara tanina asi ŋga tasiɗi, dasi ana asi tin saa masira kay ɦizza bay gasira ndaɗtaɗi, tiniɗ ni kay Lona ma ɦaygi tlena ndakaygi ki halaŋ a aygi mba lak u furira.