SOOLLA 50:23 - Boy Lonana

²³ Sa ma ŋgaanna, lan unna ni ɓivun namma, sa namma an hin takam voɗta vi Lona ta suɗta.

SOOLLA 50:23 ပူးပေါင်းရင်းမြစ်များ

SOOLLA 120:1

Soolla suu tuɗ luu ma vi Lonna gaɗta. Hu hahaw manda an yi Yawe, nam humun wa may.

SOOLLA 22:23

An min daŋ seŋ ki maŋ gorsenna, an min geleɗeŋ ki duk suu tokina halaŋ.

SOOLLA 25:14

Yawe ɦal tam maŋ suu lam ndaaramma, nam takasi galam mamba may.

SOOLLA 27:6

Cemi ni yan ki tli koloo, kay suu babali man suu ŋguyunna halaŋ. An li ɓivunna hu ziimba ni u soolla furira, gi soolla maŋ Yawe.

SOOLLA 34:5

An cen Yawe, nam humun wa, nam suɗun ki hu ndaa manna halaŋ.

SOOLLA 85:13

Yawe u tamba ɦal jivira ay ni namu, ndaŋga maygira feɗeɗ ni ndaɗ may.

SOOLLA 85:9

An hummi va ma Yawe, Lona, damma, nam di ana, «Heɓpa» maŋ suu mamsina, maŋ suu ɗegeena. Mariyaɗ asi hoŋ hu dlaasira dawira oloɗi.

SOOLLA 86:12

Bu Suuna, Loonna, an min geleɗeŋ u hurun halaŋ, an min ŋgaaŋ seŋ na gak gak a fafaɗta,

SOOLLA 86:9

Njaf suu aŋ lasina halaŋ hin mba goɓ ga fokoŋu, Bu Suuna, hin a seŋ fi bibiŋilla fok suuna.

SOOLLA 91:16

An hin ɦam buu ma fiyekŋa kay ndaŋgara, an hin takam suɗ manda.

EZAYI 12:2

Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

EZAYI 45:17

Yawe suɗ suu Israelna ki ni namu. Suɗ ndaɗta hin ha kasi ni na din din. Agiya zolo ka kagiɗi, ŋgul kaɗi lay, ha ni a fafaɗta.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

Boy Ma Ayra Ma LUK Ɓiirimma 2:30

Sa ma aŋ a suɗ suuna u namma an wam u irin wa.

Boy Ma Ayra Ma JAŊ Ɓiirimma 7:17

Sa min a li minda vi Lona hin wi ana haɗ manda col ay ni vi Lona, ɗowba an ɓakŋi u saɓak manna kay tanu.

SUNDA 11:14

Nam hin mba daŋ boy ma aŋ hin suɗ ki u namma u suu maŋŋa halaŋ.

SUNDA 13:26

«Gorsenna agi suu hu njafna vi Abrahamma, agi suu ka toki tani a cen Lona wanna. Boy ma suɗta namma ay suni ni magi agiya.

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

ROMMA 15:6

Kay a aygi halaŋ vunuygi li taɓi dew a geleɗ Lona Buna, Yesu Kristu Bu Suuna mayna.

ROMMA 15:9

Nam mbani kay njaf suu ka suu Juifnaɗina, geleɗ Lona kay jivi mamba nam laɗa ko magaara dira na, «Kay ndaɗta an hin geleɗeŋ duk njaf suuna halaŋ, gi soolla a geleɗeŋ seŋ lay.»

GALATENA 1:24

Asi geleɗ Lona kanu.

GALATENA 6:16

Kay suu li u gaɗ ndaɗta hu iiri masira halaŋ an di kasi ana heɓpa u jivira halaŋ li u asiya li u suu vina vi Lona halaŋ.

FILIPINA 1:27

Va ma ŋgolna ni poyogi jivi taɓi u Boy ma Ayra vi Kristu, an hin tuɗ ha gologi wanni hin wi ana, lini an ka dukugiɗi lay ni agi laki saɓaki, saa magira taɓi a duu u hurugi taɓi dew hu vira agi faɗ hu Boy ma Ayra.

Magaara JAK Ɓiiriɗta 3:13

Na ni sa ma yalna u nera kom lay ka dukugi su? Nam takasi ki u poy mamba jivira, u sun mamba nam laɗta, u ɗigilla, u neemba gige.

1 PIYER 1:15

Lakagi teteɗ hu poy magira halaŋ, ko Lona ma yagina ka teteɗta na may.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.