SOOLLA 5:10 - Boy Lonana

¹⁰ Suu asina dlara jiv ka funusiɗi, hurusi ni dlara ɓalak suuna kira. Delesi ni ko vun zul suuna ki malira na, sinisi di dlara ganyamba cocoo.

SOOLLA 5:10 ပူးပေါင်းရင်းမြစ်များ

EZAYI 63:10

Asi ay may ni ka hum u dlara nam daɗtaɗi, asi mbuɗum Musuk mamba teteɗta yoora. Kay ndaɗta nam mbuɗ hurumu, mbuɗ ay a sa ma duurusina nam duu ay u asi ni namu.

2 SAMUEL 17:14

Absalom u suu Israelna halaŋ di ana, «Gaɗta vi Husay ma Arkŋa jivi su gaɗta vi Ahitofella.» Gasi daŋ may, Yawe vi kam a bulum gaɗta vi Ahitofel ta jivi sura a mba dla cora ay kay Absalom.

1 KORINTNA 3:19

Nera hu duliyara tanira ni giniŋga ii Lona, kay magara di ana, «Lona vi suu neeyna hu ganyam masira.»

SOOLLA 71:13

Ko suu hal a viɗin iiri mandana, tuɗ ba ha ki hu zolo masina, suu halan dlara hahawra ay kanna yasi bal kasi zolona.

SOOLLA 31:18

Yawe hu li ma an ka yaŋŋa, hinin a mbuɗ zoloɗi. May suu ka waŋ aŋ Lonɗina mbuɗ zolona, seŋesi vunusi, ha ki hu lina vi suu miɗina.

2 SAMUEL 17:23

Hu li ma Ahitofel wi ana sa ka li u gaɗ mambaɗi ni, nam ɗag tlena kay kor mamba, gi tam tuɗ vo varam hu ɦoŋzi mamma. Nam ɦal gaɗta maŋ suu varamma may ni, hin cuk delem ki zewna. Ŋgoo miɗ mamma asi tosom hu zulla vi bumba.

2 SAMUEL 15:31

Asi mbay di David ana, «Ahitofel ka duk suu vi vunusi ki u Absalomma.» David di ana, «An ceneŋu, Yawe bulum gaɗta vi Ahitofella kiyo.»

Magaara Vi Sa Jok Vun Lona OZE 9:7

Li ma kaɓakŋa mba wa, li ma ɓak dlara mba wa, Israel wam kiyo. Sa jok vun Lona mbuɗ ki laɓaa, mbuɗ ni sa saaram kaɗina, ni kay ŋgol dla cora aŋ laɗta, ni kay ŋgol duu ma aŋ duurumma.

YOORA 1:5

Suu babali maɗsina su kaɗu. Suu babali maɗsina dla ka kasiɗi, kay ana Yawe mbuɗuɗ ki hahawra ni namu. Ni kay nek dla cooɗta, goryoɗ suu gorina tuɗ ki mbaɓura fok suu babali maɗsina.

SOOLLA 55:15

Ni ma ami taɓi ko tami dewna, ami tuɗ hu Ziŋ Lonara ki ko tami dew lay.

SOOLLA 35:26

Hinisi asi halaŋ mbuɗ zolona, suu furi kay las mandana halaŋ. Suu asina hinisi zolona tok kasiya, u suu hal a su kanna halaŋ.

DANYEL 9:9

Aŋ Bu Suuna, Loomina, oora u bulum cora ni maŋsina, kay ana ami li yara egeŋu,

DANYEL 9:5

Ami li suluku, ami li cora, ami mbuɗ ki suu cona, suu duu u Lona, ami noyoŋ gaɗ maŋga ki lay.

EZAYI 1:20

Na may lini agi ŋgella, mbuɗ tagi a suu babalira ni, ŋgewna hin fagi may. Ni boy ma Yawe damma.

EZAYI 1:2

Huulona, humugi haa, ndaŋgara tin humuk ha huma, Yawe ka ɓaka. An ɦal tina maŋ kemba wulusiya. Na may asi mbuɗ usi a duu u anu.

SOOLLA 107:11

Kay asi hum ka u gaɗta vi Lonaraɗi, asi ŋgel gaɗta vi ma Kolo Dayna.

SOOLLA 79:12

Suu ŋguyumi suu ka panaŋ seŋŋa aŋ warakasi u coosira seŋ kiɗisiya, Bu Suuna.

SOOLLA 66:7

U saɓak mamma nam kak mulna a fafaɗta, irim ka ndum tlena hu duliyara ki halaŋ, suu babali mamsina ka ndak a li ya u nambi, ka col fokombi lay.

SOOLLA 17:13

Col koloo, Yawe, ŋgafasiya, hoŋosi ha ki dagani. Suɗun ki ko suu co asina u ŋgew maŋŋa.

SOOLLA 10:15

Kus ko sa ma li dla cora kiyo, kaam ɓakŋa kay dla coomba, ta ta a nam laɗ oloɗi.

ESTER 7:10

Asi hin ɓal Haman ki kolo hu gu ma nam halam ay kay Mardosena. Ni yara vi mulnara hin heɓ kiyo.

2 DLAŊ MULINARA 25:16

Hu li ma nam ka dam nana ni Amasiyas hoŋom dira ana, «An tlaŋ ana aŋ li a sa ma ne suuna tani hu mul manda su? Aŋ li ka min lassaɗi ni seŋ vunuŋ ha ni na gaw.» Sa ma jok vun Lona seŋ tam, kak ki na jok ni hin di hu olo ana, «An wi ki ana Lona min a caŋ ki ni ciya, kay aŋ li ko ndaɗta na, min ka a van boy mannaɗi.»

1 SAMUEL 25:39

David hum ana Nabal miɗ ki wa ni, nam di ana, «Ko Yawe ma njun kan hu li ma Nabal min a duu u anna sem fi ŋgara, ma doo saam ma sunda ki kay dla corana. Kay dla cora vi Naballa, Yawe hoŋomba kay yamu.» David sun a joɓ Abigal a ɗumba.

1 SAMUEL 25:29

Suuna yow tasi kolo a dik u malanna a cam kira, may iirira vi malanna hin hin ŋgayra duk suu iirina eg Yawe Looŋŋa, hu li ma vi suu babali maŋsinana Yawe hin gikiɗ ha ki na day, hu ŋgil mbuuru mamba.

GA 8ATAMBARA 2:30

Na may Sihon mul ma Hesbonna ka min a hinimi a jak varambi. Kay Yawe, Loomina, soom hurum ka min a hum boy ma jivinaɗi, kay a ɦamina ki hu duk komira.