SOOLLA 46:3 - Boy Lonana

³ Kay ndaɗta ay ka li ndaaɗi, lini ndaŋgara geŋeɗ lay, lini ɦinira paɗ ha ki ndi ki duk mbo ŋgolna lay, ay ka li ndaaɗi.

SOOLLA 46:3 ပူးပေါင်းရင်းမြစ်များ

JEREMI 5:22

Agi hin ka ŋgaan kiɗi olo su? Yawe di na. Hin ka lagi ndaana fokonɗi su? An sa ka ii lumma ŋgolna ki u ŋgetlna na, ii hakara nam hin ka jak ki kaɗɗi a fafaɗta. Nam zal walak walak lay ni saɓakam kaɗi. Bil mamma ndak soo coco lay, hin ka jakgi.

NAHUM 1:5

Ҥinira ŋgolora dlak komu, ɦinira gorira law ki lay. Yam ndaŋgara dlak kom lay, yam ndaŋgara u suu kaɗna halaŋ dlak komu.

MISE 1:4

Ҥinira law ki kaŋga u semu, zulla ŋgolora tos ki ko daɓaŋga kura lawaɗ kira na, ko yo ma ay kolona ɓaɗ ay kaŋgara na.

WIRA ŊGAYRA 16:20

Gi daara u ɦinira kolo ŋgolora bow ki kaŋga halaŋ, sa ka wi ɦinira oloɗi.

MATIYE 7:25

Lona siya, mbona tli cocoo, babaana paɗ kay zi ndaɗta lay. Zi ndaɗta ka bow kiɗi, kay ndaɗ mini kay ɦinira.

EZAYI 5:3

Cemi ni agi suu Yerusalemma u suu hu mbassa Yudara. Kaagi ii ɓakŋa dukumi u sene gugutlu manna gige.

SOOLLA 18:4

An cen Yawe, nam suɗun ki ko suu babali mansina wa. Gi deɓpa ni mamu.

JOB 38:11

An dam ana, «Aŋ do ni tani na ga, jak fokgi. Bil maŋ ma ɓaɗ guk gukŋa do ni tani na ga.»

WIRA ŊGAYRA 17:15

Sa sunda huulona dan olo ana, «Yo ma aŋ wam cara gawlaŋga kaki dukumma ni suu warna suu tokina, ni njaf suuna zeɗ zeɗ, vunusi zeɗ zeɗ lay.

JEREMI 4:24

An gol ɦinira, ndaɗ dlakka. Ҥinira halaŋ ki bulumiya.

1 MULINA 19:11

Yawe dam ana, «Kal ay kiyo. Mbay col ki kolo kay ɦinira fok Yawe. Gol iriŋu, Yawe hin jaka.» Babaa ma ŋgolna mbay coco fok Yawe, wak ɦinira ki lay, to ɦinira ay ki ga coco fok Yawe. Na may Yawe ay ka duk babaa namma gawɗi, ŋgoo babaana ni ndaŋgara ŋgeŋeɗ cocoo, Yawe ay ka duk ŋgeŋeɗta ndaŋgara ŋgeŋeɗ ndaɗtaɗi lay.

EZAYI 54:10

Lini ɦinira jok uɗ ki hin liiɗ ka lay, lini lii kolo mbuyna geŋeɗ lay, bana manda u agira ka jokgi. Galam manda vaɗ u agira ka bulum kiɗi. Galam manda an ɦagi heɓpara ka daɓ kiɗi. An daŋ boy namma ni an daŋ may, an Yawe hurun oy u mind tew tew.