SOOLLA 45:7 - Boy Lonana

⁷ Mulla Lona haŋgara kak na din din, aŋ ti mulla kay suuna ni u ɗegeera.

SOOLLA 45:7 ပူးပေါင်းရင်းမြစ်များ

1 MULINA 19:16

Aŋ hin jak fuu Jehu ma goŋŋimsina a mul ma Israelna. Aŋ hin fuu Elise ma goŋ Safat Abel-Maholana a sa ma jok vun Lona kay balam seŋ may.

SOOLLA 101:8

Hu buuna halaŋŋi an seŋ vun suu co suu hu mbas mandana kiyo, an bulumusi ki hu zi ma vi Yawena, asi suu li dla cora halaŋ.

SOOLLA 11:7

Kay Yawe ni ɗegee, nam minni sunda ɗegeera may, sa ma ɗegeena hin gol ii Lona.

SOOLLA 2:2

Muli suu kay ndaŋgarana min tasi a duuna, goryoŋ muli suu ŋgolona taɓ u tasi a duu Yawe u sa ma Lona Fuurumma.

SOOLLA 21:6

Saɓak mamma u bibiŋil mamba ɦuɗ fokŋi kaŋ aŋu, aŋ ɦam ŋgolla u bibiŋilla.

SOOLLA 33:5

Nam minni gasira u ɓak ma ɗegeena, yam ndaŋgara halaŋ ki oy u ɗegee Yawera.

SOOLLA 89:20

Fok jewra aŋ ɓak suu maŋsina hu doyra, aŋ di ana, «An hin njun u suu hurusi ɦiŋŋa, An man goozoŋŋa duk suu mansina.

SOOLLA 89:26

An hin ɦam lum ŋgolna ni mamu, ay hu lum ŋgol ma dukŋa ta ta mbo lum ma Efratana ni varamu.

SOOLLA 99:4

Saɓak ma vi mulnana ni kay min gasira. Aŋ tin gaɗta ni aŋu. Gasira u ɗegeera ni hu Yakob, aŋ lasi ni aŋu.

EZAYI 11:4

Nam kaɓakŋa vi suu maŋina ni u ɗegee masira. Suu haw suu hu mbas mambana nam kaasi ɓak masina ni u minda. Sa ma las suuna nam kaam ɓak mamma ni u boy mamma tok. Nam ci suu cona ki ni u semeɗ ma kal ay ki funumma.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

DLAŊ LEVIRA 8:12

Nam vo mbul ma fuu namma kay yam Aaron, nam fuurum kay a ɦam sundara.

MATIYE 3:15

Yesu hoŋom dira ana, «Hin na ta! Mbusun ɗow. Ay li wa na ni, dlara Lona miniɗta.» Jaŋ hurum viya, mbusum batemma gaw.

MATIYE 7:23

An hin dasi ana, An wagi ay kaɗi. Ҥuɗugi ha ki egen day, agi suu li dla cora.»

Boy Ma Ayra Ma LUK Ɓiirimma 13:27

Nam hin dagi olo ana, An ka wagi ana agi ni suu wanna naɗi. Ҥuɗugi tagi ha ki egenu, agi ni suu li dla cora.

Boy Ma Ayra Ma LUK Ɓiirimma 3:22

Musuk Lonara sii ay kam ko gugukka na, della ɓak ay kolo huulona ana, «Aŋŋi goron ma an minim ɦayna. Aŋ irin jivi ɦay.»

Boy Ma Ayra Ma JAŊ Ɓiirimma 1:16

Aygi halaŋ fi tlesuu col ay komma ni u ɦiz mamba oora ha ŋgoo dagan na gak gak olo.

Boy Ma Ayra Ma JAŊ Ɓiirimma 20:17

Yesu daɗ ana, «Ŋgen kok egenɗi an bay tuɗ ay eg Bun tuwa. Ndak tuɗ di gorsenna ana an tuɗ kolo eg Bunu, nammi Bugi may eg Lo manna, nammi Loogina may.»

Boy Ma Ayra Ma JAŊ Ɓiirimma 3:34

Sa Lona sunum ay na di ni boy ma vi Lonna, kayme Lona ɦam Musuk mamba cocoo.

SUNDA 2:28

Aŋ takan voɗta tuɗ hu iirira, aŋ oyon u furira fokoŋu.

ROMMA 8:29

Suu Lona manasi ki fok jewna nam min a mbuɗusi ki ko goromma na, kay a goromma hin li a wayasi ma ŋgolna fok gorsem bolowo.

EFESNA 1:3

Geleɗeygi Lona, Bu Bu Suuna mayna, Yesu Kristu, nam ma paɗ vunum ki kay taɓ maygira u Kristura, nam ɦaygi paɗvunna vi Musukka kay tlesuu kolona halaŋ.

HEBRENA 1:9

Aŋ min ni dlara ɗegeera, ta cora ni aŋ noyoɗ kiyo, ni kay ndaɗta Lona, Looŋŋa, manaŋŋa, nam oyoŋ huruŋ u furira kay ɦala nam ɦaŋ li ma jivina, jivi su ma nam ɦam maŋ ndarayaŋŋana bel.»

HEBRENA 2:14

Gorkemba ko nam yasira na ni tliwna u busuna, Yesu kay tamba mbuɗ ni ko asi na kay nam tli ni tasi mayra ko sa warnana. Nam li na ni kay bulum Satanna ki u miɗ mamma, nam fi saɓakŋa vi miɗna ki komu.

HEBRENA 7:26

Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.

WIRA ŊGAYRA 21:27

Va ma njenje ka hin kal hu ɦoŋzi nammaɗi. Sa ma hin tam a li dlara njenjera ka hin kal huɗi lay, sa ma ka boyna ka kalɗi lay. Cuk hu ni suu sesi ɓiiri hu magaarana doy hol, ni magaara vi Goo Timiinara.

1 SAMUEL 16:13

Samuel tli mek ma mbulna hurumma tani, hin fuurum duk gorsemma. Musuk Yawera hin mbay kay David hu buu namma. Samuel hin gi tam voɗ tuɗ Rama.