SOOLLA 44:3 - Boy Lonana

³ Aŋ u taŋga dikisi suuna ki fokosiya, aŋ cuk suu maŋsina ki hu mbas masira. Aŋ ba njaf suu daŋŋa ki halaŋ, na may suu maŋsina aŋ zulusi ni zuli na ɗow.

SOOLLA 44:3 ပူးပေါင်းရင်းမြစ်များ

JOSUWE 24:12

An sunugi lolo ma cona ha fokogi kay muli suu mbana, muli suu Amorna dikisi ha ki ni ka u kawi magiɗi, ka u mbuuruɗi lay.

2 KORINTNA 4:7

Ami suu ka u begena vi Musukka komina, ami ni ko doy luɓuna na, kay sana wi ki ana saɓak mami ma mbuɗ mbuɗta namma col ay ni ko Lona ka komi amiɗi.

SOOLLA 77:15

Aŋ dew ni Lo ma li dlara mbuɗ mbuɗta, aŋ tak saɓak maŋŋa ki duk suuna.

SOOLLA 20:6

Lona ɦaŋ saɓak ma su kay suuna wa, ni ay mba gam soolla furira. Ay mba ŋgaay sem Lo mayna, ko Yawe vaŋ cen maŋga halaŋ.

GA 8ATAMBARA 10:15

Kay Yawe njun tammi eg somoyogi doy hol minisiya, ŋgoorosi daganni nam minisi goryosiya, ni ana agi ni suu nam managi ki duk njaf suuna halaŋŋa, ko agi wi cemi wanda na.

KALKIRA 15:16

Ndaa ma ŋgolna ndi kay suu asina cocoo. U bik koŋ ma saɓak cocona asi seŋ vunusi halaŋ halaŋ. Hu li ma suu maŋsina ka jakŋa, Yawe, suu aŋ suɗusi ay kina hu li ma asi tuɗna.

SOOLLA 42:11

Dlaasira mbuɗ egenni ko mbil mbeŋŋa na, hu li ma suu babali mansina ŋgulunna. Tew tew asi ka joɓon ana, «Looŋŋa ni arage?»

SOOLLA 42:5

Jew ni an tuɗ hu Ziŋ Lonara ko tan u suuna, dukusi ni an ka furi cocoo. An li luuna u furira, gi soolla ŋga Lona, humun gan kay boy namma wa ni hurun haɗ cocoo.

1 SAMUEL 12:22

Na daŋ may Yawe ka hin suu mamsina kiɗi kay sem ma ŋgolna. Yawe may ni min a mbuɗugi ki suu mamsina.

SOOLLA 74:11

Aŋ li koŋ ma njufna ki na ni amege? Aŋ cuk koŋ ki huruŋ na ni amege?

SOOLLA 17:7

Tak oo maŋga kiyo, aŋ sa ma suɗ suu ŋgay tasi egeŋŋa. Koŋ ma njufna suɗ suu laŋ ndaaraŋŋa, ki ko suu babali masisina.

SOOLLA 4:6

Lagi ɓivun ma ɗegeena, ɦagi tagi maŋ Yawe.

NDUMBA 14:8

Lini Yawe waygi hahawaygi wa ni nam hin tiniygi hu mbas ndaɗta, nam hin ɦaygira, mbas mayra law mbul yumma u mbiira.

EZAYI 63:12

Nam ma saɓak mamma ka kay bik ko Moiz ma njufna, ma so mbo lumma ki voɗ suu mamsinana, ma tin sem ana, ma kak dindinna.

SOOLLA 80:16

Suɗ gugutlu ma aŋ pam u bik koŋŋa, u gor suu aŋ cukusi u taŋgana.

JOSUWE 3:10

Agi hin wi ki ana Lona ma iirina ka dukugiya. Nam hin dikigi suu Kanaanna, suu Hetna, suu Hivna, suu Perizna, suu Girgasna, suu Amorna u suu Jebusna ha ki fokogiya.

2 SAMUEL 7:23

Na ni kay ndaŋgara ni suu tli tasi u Israel suu maŋsina suu may suu aŋ Lona tuɗ hoŋ gususi ay ki a mbuɗusi ki suu maŋsinana, tinisi semma kasiya, a lagi sunda ŋgolla, li dlara ŋgolora mbuɗ suuna ndaana maŋ mbas maŋga, na ni njaf suu ko ndal njaf suu maŋ suu aŋ hoŋosi gussa ay ki hu Egipte ko njaf suu asina u loogi masisina su?

2 DLAŊ MULINARA 20:7

Lona, aŋ dik suu hu mbassa wanda ki hu li ma suu maŋ suu Israelna mba na ni ka aŋgi su? Aŋ ɦal mbas ndaɗta ki a fafaɗta maŋ banaŋŋa Abrahammi ka aŋgi su?

SOOLLA 78:55

Nam dikisi suu daŋŋa ha ki fokosiya, nam ɓorow mbassa ki maŋ suu Israelna, nam cuk dee suu Israelna hu ziisina halaŋ halaŋ.

SOOLLA 80:9

Aŋ paɗ gugutlura ay ki hu mbassa Egiptera, mba dik njaf suu daŋŋa ki, hin paɗ ki hu joosiya.

SOOLLA 111:6

Nam tak saɓak sun mamba ki maŋ suu mamsina, hu li ma nam ɦasi mbassa asi lak hura ki kay tasina.