SOOLLA 44:2 - Boy Lonana

² Ҥi, Lona, ami hum ki u humumiya, kay dlara aŋ laɗ ay jew u somoyomira, somoyomi haɗamira ka lay.

SOOLLA 44:2 ပူးပေါင်းရင်းမြစ်များ

2 SAMUEL 23:12

Nam min um ki duk sene namma, doorosi kamu, ci suu Filistinna. Yawe hin li dlara saɓakŋa.

2 SAMUEL 7:10

An hin ŋgaɓ lina maŋ suu man suu Israelna, an hin tinisi huwa asi hin kak hu eg liisiya. Asi hin ka li ndaa oloɗi, suu ci maɗna hin ka hoŋ egesi a lasasi ko ndal jewra na oloɗi.

SOOLLA 105:44

Nam ɦasi mbassa vi suu daŋara kiyo, asi ti ni vuɗ tlesuu suuna lasi kana.

SOOLLA 78:55

Nam dikisi suu daŋŋa ha ki fokosiya, nam ɓorow mbassa ki maŋ suu Israelna, nam cuk dee suu Israelna hu ziisina halaŋ halaŋ.

KALKIRA 10:2

Ni kay a aŋ hin cuɗ dla ndaɗta ka maŋ goroŋ u goŋgolo maŋŋa kay dlara an laɗ eg suu Egiptena wandara u dlara mbuɗ mbuɗta an laɗ dukusira a agi wi ki ana anni Yawe.»

KALKIRA 15:17

Aŋ, Yawe, tuɗusi kiyo, lakasi kay ɦini maŋga ni hu li ma aŋ hin kak dukusina. Koŋ min li namma ni namu, Bu Suuna, min ni mbutluɓ ma teteɗna.

KALKIRA 15:19

Kulum ma vi Farawna u pus pus mamsina u suu kulumina, u suu mam suu duuna cuk duk mbo lumma. Yawe hoŋosi mbo lumma ay kasiya, may suu Israelna calaɗ lumma kini sesi laɓ kaɗi.

KALKIRA 23:28

An hin sunugi caŋga dlumuruna ha ki fokogi nam hin dik suu Hivna u suu Kanaanna u suu Hetna ni bay agi tewesiya.

KALKIRA 34:11

Dlara an hin daŋga karam wanda aŋ goloɗ jiviya. An tuɗ dikiŋ suu Amoreena, suu Kanaanna, suu Hetna, suu Perizina, suu Hiva, u suu Jebusna ha ki fokoŋu.

EZAYI 51:9

Dliɗ kiyo, Yawe, dliɗ ki zak. Dliɗ ki u saɓak maŋŋa. Dliɗ ki ko fok jewra na, hu li ma vi somoyomi suu jak ki jewna, aŋ ci suu Egiptena ki ni ka aŋgi su? Aŋ ci vabak ma hu njaf Rahabma ay ki ni ka aŋgi su?

JEREMI 32:23

Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.

NDUMBA 13:32

Asi gijaŋ cuɗ dla mbassa asi goloɗ ayra ki fok suu Israelna halaŋ ana, «Mbassa ami goloɗ ay ndaɗta ni mbas mayra kom suu huruɗna kira, suu cuki hu suu ami wasi ay wanna wuli feyeki cocoo.

GA 8ATAMBARA 32:7

Humugi gagi kay buu ma ay ki fok jewna, joɓogi suu maarina kay dlara jak ay ki fokka, kay njafna tin ayna tuwa. Joɓogi somoyogiya, asi hin dagiya. Joɓ suu ŋgolo magisina asi hin dagiya.

GA 8ATAMBARA 4:38

Suu bolow suu zuli suugina nam dikigisina ki fokogiya, nam ɦagi mbas masira kiyo, ni dlara li cemi agi waɗ ki u irigi wanda.

GA 8ATAMBARA 7:1

Hu li ma Yawe Loogina cukugi hu mbassa agi tlaɗ ki wanda, nam dikigi njaf suuna ki zeɗ zeɗ suu zuli coco suugina, suu Hitna, suu Girgasina, suu Amorna, suu Kanaanna, suu Perizna, suu Hivna, u suu Jebusna, njaf suuna zeɗ zeɗ kiɗisiya suu zuli coco suugina, saɓak a suugi lay.

JOSUWE 10:11

Hu li ma suu Amorna ka liŋ fok suu Israelna nana, asi a ɗiŋ ha ki ga kay ɦinira Bet Horonda may ni, Yawe sasi dlaŋmagi ma ŋgolona ay kasi, casi cocoo. Suu may suu dlaŋmagina casina bolow su suu may suu suu Israelna casina.

JOSUWE 10:42

Josuwe suu kay muli masisina u mbas masira halaŋ halaŋ, ni hu koyra dewra ɦawaa. Kay ana Yawe, Lona vi suu Israelna, ka duu kasiya.

JOSUWE 11:23

Josuwe tli mbassa ki halaŋ ko dlara Yawe daɗ ka ki maŋ Moizza na may. Nam ɦaɗ ki maŋ suu Israelna a joosina, ɓorowosira ki u deeresi halaŋ halaŋ. Mbassa ndaɗta fi koɗ tara ni na gaw, duu ka hu oloɗi.

JOSUWE 21:43

Yawe su tam a ɦal mbas ndaɗta maŋ goryoŋ Israelna, cem cemmi nam ɦasira ki wa. Asi cuk ki hu mbas ndaɗta may.

JOSUWE 24:12

An sunugi lolo ma cona ha fokogi kay muli suu mbana, muli suu Amorna dikisi ha ki ni ka u kawi magiɗi, ka u mbuuruɗi lay.

JOSUWE 3:10

Agi hin wi ki ana Lona ma iirina ka dukugiya. Nam hin dikigi suu Kanaanna, suu Hetna, suu Hivna, suu Perizna, suu Girgasna, suu Amorna u suu Jebusna ha ki fokogiya.

SUU KAƁAKŊA 6:13

Gedeon hin dam ana, «Bu suu manna heɓ huruŋ egenu, lini Yawe ka u amiya ni dlara lami cocora ko wandara na ni kay mege? Dlara mbuɗ mbuɗta somoyomi cuɗumira coco wanda hin li ni nanage? Ana Yawe cukumi ay ki hu Egipte ni namu ni ka gasi ɗi su? Cemi ni Yawe hinimi ki hu duk ko suu Madiyanna na walaɗ ni nanage?»