SOOLLA 42:4 - Boy Lonana

⁴ Faali lay, njeŋge lay, simina mbuɗ ko vaan ma tira na, hu li ma asi ka dan tew tew ana, «Looŋŋa ka ni arage» na.

SOOLLA 42:4 ပူးပေါင်းရင်းမြစ်များ

2 MULINA 18:30

Ezekiyas dagi ana tin hurugi kay Yawe, nam hin suɗugi kiyo ka hin a an tlagi ɦoŋziiginaɗi ni vagi boy nammaɗi.

2 MULINA 18:32

Kak njokŋi an hin mba yowogi tuɗugi ki hu mbassa jivi ko ndal magira nara, mbassa wana huruɗ cocora ta sum veŋŋa hura, mbassa funa huruɗ u gugutluna ɦayra. Mbassa mbul conona hura u mbul yumma hu layra, ni agi hin lak iiriya, agi ka miɗ kiɗi. Humugi dlaŋ Ezekiyassaɗi. Nam di ana, Yawe hin buɗuygi kiyo, ni ganyamba ɦawaa.

2 DLAŊ MULINARA 7:10

Ŋgoo dagan buu ma dok-mba' yam hindina hu til ma kiɗisiyana ni mulna njay suu Israelna ki voo. Asi tuɗ vo ni u furira. Hurusi li furira coco kay ana Yawe takasi jivi mamba ki egesi coco ɦay. Tak oo mamba ki kay David, kay Salomon, kay suu mam suu Israelna halaŋ.

JOB 29:2

Ҥii, va ma ndak a hoŋon hu balaman ma ay fok jewna ni mege? Hu li ma Lona ay golonna.

SOOLLA 100:4

Selegi hu vun grek mamma u gi deɓpa, huu ziimma u ŋgara ŋgaamba, ŋgaagina, gam deɓpa.

SOOLLA 102:10

An ti a fuuna ni buɗna, mbo ma an camma tlumi u simina.

SOOLLA 115:2

Suu ka wi Lonaɗina di kami ana, «Loosina ni arage?» kaymege?

SOOLLA 122:1

Soolla suu tuɗ luu ma vi Lonna gaɗta, vi David. An furi cocoo hu li ma suuna dan ana, «Mbaygi hu Ziŋ Lonarana.»

SOOLLA 122:8

Kay gorsenna u ndarayan suu poy ko tamina, an ndak di ana, «Ko heɓpa li ha vo varaŋu.»

SOOLLA 55:14

Na may lanni wayan ma mbeena, ni banan ma kokosona.

SOOLLA 62:8

Suɗ manda u bibiŋil manda ka tok eg Lona, ɦini man ma eŋŋa u liin ma ŋgayra halaŋŋi hu Lona dew.

SOOLLA 79:10

Ka hin suu ka waŋ aŋ Lonaɗina joɓomi ana, «Loosina arage» ɗi. A njaf suu ɦawana wi dlara ni umiya sa sukul suu maŋ suu asi casi kina.

SOOLLA 80:6

Suu maŋsina ka ti tina ni u simina, ci yona ni u simina coco lay.

EZAYI 30:29

Magi agi suu Yerusalemma ni agi gi soolla ko suuna gi soolla hu njeŋgera luunara na. Agi hin furi cocoo, ko suu tuɗ u diffa ŋguruɗta a tuɗ kay ɦinira teteɗta vi Yawera na, eg Lona, ɦini ma vi suu Israelnana.

YOORA 2:19

Col koloo tii duk njeŋgera, hu li ma ndak col kolo a gol u tlena halaŋ, tin huruk ki fok Bu Suuna ko ndal yona na. Yow kok kolo fokom kay iirira vi goryok suu gori suu miɗ ki ko mayra keŋ lina halaŋ hu voɗtana.

YOORA 4:1

Ni nana lorra hin ka liɗi, kawi ma jivina hin ka liɗi, gogoyra teteɗta hin njay ki keŋ hu voɗta ni ge?

EZEKIYEL 46:10

Mulna kal ha kalafi ko tam u suuna dew, nam hin hoŋ ay ki bunsu ni ko tam u suuna dew may.

JOEL 2:17

Duk ɦoŋ vun goŋga u givin ma togolla, muli suu li ɓivunna u suu ŋgolo suu sunda vi Yawena tii tasi huwa. Asi di ana, «Yawe wi hahaw suu maŋsina, mbuɗ jooŋŋa ki zolonaɗi a suuna pan suu maŋsinaɗi. Ka a suuna di duk tasi ana Loosina ni arageraɗi.»

Boy Ma Ayra Ma LUK Ɓiirimma 16:25

Abraham dam ana, Goonna, humuŋ gaŋ kay tlesuu aŋ fasi ay kay ndaŋgara cocona may. Lazar wi hawra ay coco may. Cecemi nam fi ni dlara ɗigil irimba may. Aŋ fi wi hawra coco may.

GA 8ATAMBARA 16:11

Ni hu li ma Yawe Loogina manam tin sem huna, agi hin laɗ u furira fok Yawe Loogina u goryogi suu njufiina u gorɓiina u suu sun magi suu njufiina u boyogina u njaf suu vi Levi suu cuki dukugina, koyogina gor suu kuyuna u boyogi suu dono suu dukugina halaŋ.

RUT Magaara Njaɗ Dlara vi Rut 1:21

An kal ha ki u tlena kon cocoo, Yawe hoŋon ay vo u kon ma vadlna. Agi hin yan ana Noomi ni kay me ologe? Kay Bu Suuna hurum ɓeŋ egenu. Nam lan dla cora egenu.»