SOOLLA 37:28 - Boy Lonana

²⁸ Kay Yawe minni suu boyosi ɗegeena, nam ka hin suu mam suu ɗegeena kiɗi. Nam ka golosi tew tew, may suu li dla cora njafasi bulum kiyo.

SOOLLA 37:28 ပူးပေါင်းရင်းမြစ်များ

SOOLLA 11:7

Kay Yawe ni ɗegee, nam minni sunda ɗegeera may, sa ma ɗegeena hin gol ii Lona.

VUN ŊGOLNA 2:22

Suu dlasi cona hin yowosi ki kay yam ndaŋgara. Suu boyosi ka jiviɗina hin paɗasi ki ko ndal guna na.

SOOLLA 21:10

Hu li ma aŋ tak taŋ kina, aŋ hin ŋgalasi ki ko kura na. Hu yaamba Yawe hin likisi kiyo, kura hin ŋgalasi ki halaŋ.

EZAYI 59:21

Yawe hin di suu mamsina hu ana, gola ni galamba an vaɗ u agira, an hin fo Musuk manda kagiya. An kalagi gaɗ manda ki hurugi halaŋ halaŋ, kal boy manna ki funugi may. Agi hin haɗam ka maŋ goryogiya, maŋ gor ŋgologi magisina, maŋ goryoŋ gor ŋgologi magisinana lay. Di ni Yawe ha cemi ta ta hu daɓ nduŋga.

Magaara JUD Ɓiiriɗta 1:1

Ni an Jud, sa ma sun Yesu Kristuna, ma wayaŋ Jakŋa, An ɓiirigi magaara ha ni magi agi suu Lona yagina, minigi may, nam cukugi kini maŋ Yesu Kristu.

1 PIYER 1:5

Ko saɓakŋa vi Lona gologi hu vira na gak gak a juɓ buu ma suɗta ma hin mbana, li namma hinni na tok ni buu ma daɓ daganna.

JOB 27:14

«Lini goryosi wul lay ni duuna hin casi kiyo. Goryosi ka fi fu ma tira ŋgolɗi lay.

1 JAŊ 2:19

Suu asina ka suu maygisina gasiɗi ni kay ndaɗta asi hinigi kini na li gasi asi ni suu maygisina ni asi ka hinigi kiɗi, hin kak ginni u aygiya. Asi tuɗ hinigi kini a takaygi kini ana saaygi maa ka dukusi dewɗi.

Boy Ma Ayra Ma JAŊ Ɓiirimma 15:9

An minigi ko Bun mininda na, kakagi hu min manda.

Boy Ma Ayra Ma JAŊ Ɓiirimma 5:24

«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

EZAYI 61:8

Kay an, Yawe, an minni ɗegeera. An ka min ɦulaɗi, ka min li iiraɗi lay. An hin ɦal warakŋa maŋ suu mansina. Galamba an vaɗ u agi ni a fafaɗta.

SOOLLA 37:40

Yawe njunusiya, buɗusi ki lay, nam buɗusi ki ko suu cona, suɗusi kiyo, kay asi ŋgay tasi ni egemu.

JEREMI 9:24

Buuna ka mbaa, Yawe ɓak na, ma an hin kaɓakŋa kay suu caw ɗiwisi ki may, ɦal tasi ni hu tliwisi ɦawana,

EZAYI 30:18

Na may Yawe ka juɓmi buu ma nam a li oora kagina. Nam hin col kolo tak oo mamba kiyo, kay Yawe ni Lo ma ɗegeena. Furira ka kay suu tin hurusi kamma.

SOOLLA 99:4

Saɓak ma vi mulnana ni kay min gasira. Aŋ tin gaɗta ni aŋu. Gasira u ɗegeera ni hu Yakob, aŋ lasi ni aŋu.

SOOLLA 37:25

An ay u zoŋ tanu, cemi an mbuɗ ki maari, an wi sa ma ɗegee ma Lona noyom ki kaɗi, goryom ka tuɗ a saa va ma ti ki vi saɗi lay.

JOB 18:19

Njafam maa hin ka duk suu mamsina oloɗi. Sa ma vo varam ma hin ka iiri dew kaɗi.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.