SOOLLA 36:6 - Boy Lonana

⁶ Yawe, jivi maŋga tew ta ta huulona, ɗegee maŋga tew ta ta eg ɗugulla.

SOOLLA 36:6 ပူးပေါင်းရင်းမြစ်များ

URA TIN AYRA 18:25

Aŋ ka ndak a li naɗi, suu ɗegeena u suu cona aŋ ka ndak a baasi ki ko tasi dewɗi. Aŋ li u suu ɗegeena ko suu cona su? Aŋ ndak a li naɗi. Sa ma kaɓakŋa kay suu kay ndaŋgara halaŋŋa hin li ni u ɗegee mam ndaɗtaɗi su?»

NEHEMI 9:6

«Aŋŋi Yawe dew u dew taŋga. Aŋŋi sa li huulona ma kolo huulonana u asgaa mamsina halaŋ, ndaŋgara u tlesuu kaɗna halaŋ, lum ma ŋgolna u tlesuu hurumma bel. Aŋŋi sa ma ɦasi iirira hurusi halaŋŋa, asgari suu huulonana goɓmi kaŋga fokoŋu.

JOB 37:23

Ni saɓak ma ay ka ndak a tew egembina. Ŋgol coco u saɓakŋa lay u ɗegeera lay. Nam ka li sa ma ɗegeera ka hurum coconaɗi.

JOB 7:20

Lini an li coo, va ma ŋgeneŋ dukŋa ni mege? Aŋ sa ma gol iirira vi suu warnana. Aŋ hinin a ciiŋga van na ni kay mege? Dlaanda iriŋ nekka ni ko me nage?

SOOLLA 145:9

Yawe jivi kay suuna halaŋ, nam saa jivi kay sunda nam laɗta halaŋ.

SOOLLA 147:9

nam ɦal tina maŋ yoorina, nam ɦal tina maŋ gor gawgawna hu li ma asi joɓomma lay.

SOOLLA 31:20

Jivira aŋ ŋgomoɗ ha kay suu laŋ ndaaraŋŋa ndaɗ ŋgol cocoo. Aŋ laɗ maŋ suu ŋgay tasi egeŋŋa ki fok suuna halaŋ.

SOOLLA 71:19

Jivi maŋga ka kolo day, aŋŋi sa ma li tlesuu ŋgolona, Lona, sa ma ko aŋ nana ni gege?

SOOLLA 77:19

Aŋ bay u saɓakŋa, weleɗta ɓo lina ki cocoo, ndaŋgara geŋeɗ lay.

SOOLLA 92:5

Kay sun maŋga furiyun hurun cocoo, Yawe, aŋ wi sunda aŋ laɗ u koŋga na ni hurun furi cocoo.

SOOLLA 97:2

Ndufunda u ɗugulla ŋguy kamu, ɗegeera u gasira ni dlam mamba mulla.

KALKIRA 9:28

Cenegi Yawe nam hin sira na ga, an hin hinigi agi tuɗa agi ka juɓ ta ta oloɗi.»

EZAYI 40:28

Agi ka wiɗi su? Agi ka humbi su? Lona Yawe ni sa ma li duliyara halaŋŋa nam ka dindin, nam ka loɓbi, ka mbuɗ maŋiɗi lay, sa ma daŋ ma wam neemba ki kaɗi.

EZAYI 45:19

An njaɗ dlara halaŋŋi ka ki ŋgayɗi, njaɗaɗ ka ki hu li ma ndufunɗi lay. An di njaf suu vi Yakobma ka ana asi halan ha ki ni hu li ma ɦawana naɗi, Anni Yawe, an di ni dlara gasira. An di ki ni dlara ɗegeera.

JEREMI 12:1

Aŋ, Yawe, aŋ ɗegeere. Na may an min ɓak u aŋ nde. Gasi, an min ci wayra u aŋ kay dla taa ɦiw. Ni kay me suu dlara vasina dlaasira li eg liiɗ ni ge? Ni kay me suu ci suuna suu dlaasi cona kaki u heɓpa ni ge?

YOORA 3:23

Maɗii tew tew ni ndaɗ wiliya. Ɗegee maŋga ŋgol cocoo.

JONAS 4:11

An may ni ka wi hahaw ɦoŋzi ma ŋgol ma Ninivena manɗi su? Suuna ka hurummi suu buɓ buɓ kis duk dok mba' (120,000) suu ka wi a ɓorow ii jivira ki u coraɗina, yoorina ka hu coco lay.»

ROMMA 11:33

Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?

ROMMA 3:25

Lona li ɓivunna ki u namu, u miɗ mamma Yesu yow cora vi suu vi umma kiyo, Lona li takka ki a wi ana nam ɗegee u jewra nam ɗil irim kay cora vi suuna.

GA 8ATAMBARA 32:4

Nammi Ҥinina, sun mamba halaŋ u voɗoɗu, Voɗ mamba tuɗta halaŋŋi ɗegee. Ni Lo ma ɗegeena, dlara guni ka hurumbi. Nammi gasi u ɗegee.

GA 8ATAMBARA 7:9

Agi wi ki ana Yawe Loogina ni Lona, ni Lo ma gasina, nam li u galam mamba, ɗegee mamba tuɗ ta ta kay njafna ha fok na gak gak buɓ kay suu may suu minimma suu li u gaɗ mambana.

1 TIMOTE 4:10

Gola aygi laygi sunda loɓ taygi lay ni kay juɓ Lona ma iirina, nammi Sa ma Suɗta vi suuna halaŋ, su saɓaki ni kay suu vina.

1 SAMUEL 14:15

Suuna mbuɗ ki ndaana hu kaŋŋa, ki ɦoŋzi ma bagina lay, duk suuna halaŋ. Kaŋŋa u suu li dla cora mbuɗ ki ndaana lay. Ndaŋgara dlakka, ni ndaa ma vi Lonna.